Daniel 2:2

Ñanderuete Ñe’ẽ Porã 2015

upévagui tetã ruvicha ohenoiuka umi iñarandúvape, umi oma’ẽva mbyja rapekuéra rehe, paje apohakuérape ha Caldeayguakuérape, ha’ekuéra omombe’u hag̃ua ichupe ohechava’ekue iképe; ha ou hikuái, ha oñemboja tetã ruvicha renondépe.

Referencias Cruzadas

Genesis 41:8

Ha ojehu ningo pe pyharevépe hi’ánga iñangekõi ichugui, ha ohenoiuka mayma Egiptoygua paje apohára ha mayma kuimba’e iñarandúvape; ha faraon omombe’u ichupekuéra ike peguare, ha ndaipóri avave ikatúva he’i faraónpe mba’épa he’ise ike peguare.

Ester 1:13

Upéramo pe tetã ruvicha oporandu umi kuimba’e iñaranduetévape ha oikuaa porãva hetã rembiapoukapy ha oma’ẽva avei pe jasy tata rape rehe oikuaa hag̃ua araka’etépa iporãve ojejapo hag̃ua ojejaposéva.

Éxodo 7:11

Upéramo faraon ohenoiuka kuimba’e iñarandúva ha paje apohakuérape, ha umi Egiptoygua paje apohakuéra ojapo avei mbói.

Isaías 19:3

Ha umi Egíptoygua ipy’aguasúva ogueve ohóvo ha iñakã porãva opa reíta ha oñembotavy hag̃ua omba’eporandúta ijára gua’úpe, ipaje apohakuérape, ita’ývõhárape (imba’ekuaávape) ha umi ohenóiva omanóva anguépe.

Isaías 8:19

Ha oje’e ramo peẽme: Pemba’eporandu umi ohenóiva anguépe, umi imba’ekuaávape, ha umi oñe’ẽ guyguývape, upéramo pejéke: Tetãyguakuéra piko nomba’eporandui’arã Ijárape. Omba’eporandu piko umi anguépe kuimba’e ha kuña oikovéva rehe.

Daniel 1:20

Opaichagua mba’épe pe tetã ruvicha omba’eporandúva guive ichupekuéra, ha’ekuéra oikuaa ha ha’e ojohu iñaranduveha hikuái 10 jevyve (vecesve) opavave Babilónia karai iñaranduvéva ha ipaje apoharakuéragui.

Daniel 1:4

umi karia’y hesãi ha iporãva, iñarandu, iñakã porã ha ikatupyrýva omba’apo hag̃ua chéve che rogaguasúpe; ha toñembo’e ichupekuéra oñe’ẽ ha ohaikuaa hag̃ua Caldeaygua ñe’ẽme.

Daniel 2:10

Ha umi Caldeaygua he’i tetã ruvichápe: Ndaipóri kuimba’e ni kuña yvy apére ikatúva omyesakã umi mba’e tetã ruvichápe; ha ndaipóri avei tetã ruvicha ojeruréva ko’ã mba’e ñemi ikarai arandúva, ipaje apohára térã Caldeayguakuérape.

Daniel 2:27

Ha Daniel he’i Nabucodonosórpe: Upe mba’e ñemimby tetã ruvicha ojerureva’ekue avave ndaikatúi voi oikuaauka ndéve karai iñarandúva apytégui térã umi oma’ẽva mbyjakuéra rape rehe, ni paje apohára térã imba’ekuaáva apytégui ndaiporimo’ãi peteĩnte jepe oikuaaukava’erã ndéve.

Daniel 3:8

Umi ára umívape Caldeayguakuéra oñe’ẽ vai Judayguakuéra rehe,

Daniel 4:3

Hetaiterei techapyrã ha milágro tuicháva ojapo che rekovépe. Ipu’aka ndopamo’ãi. Hetãguasuteéva oikóta tapia g̃uarã, ha imburuvicha reko oikóta peteĩ ára atyguasu guive ambue ára atyguasu peve.

Daniel 4:6

Upévagui ahenoiuka opaite Babiloniaygua iñarandúva guivépe, ohechauka hag̃ua chéve mba’épa he’ise che képe ahechava’ekue.

Daniel 5:7

Ha pe tetã ruvicha hatã osapukái ojegueru hag̃ua umi karai iñarandúva, umi imba’ekuaáva ha umi paje apohárape. Ha ou rire hikuái tetã ruvicha rendápe, ha’e he’i ichupekuéra: Oimeraẽ omoñe’ẽkuaáva ko ñe’ẽ ojehaíva ha omombe’úva chéve mba’épa he’ise, hese oñemondéta ao pytã, ha oñemoĩta peteĩ ajurigua oroguiguáva ijajúra rehe, ha oikóta tetã ruvicha mbohapyha ramo ko tetãguasúpe.

1 Samuel 6:2

Upémaramo Filisteayguakuéra ohenói ipa’i ha ipaje apohakuérape ha oporandu hikuái ichupekuéra: Mba’épa rojapóta Israel Jára karameg̃uágui. Peikuaaukákena oréve, mba’éichapa roguerahauka jevýta hendaiteteépe.