Daniel 2:11

Ñanderuete Ñe’ẽ Porã 2015

Upe mba’e pe tetã ruvicha ojeruréva hasyeterei, ha ndaipóri avave ikatúva he’i tetã ruvichápe, Yvága Jára añoiténte ha umía katu ndoikói kuimba’e ha kuñakuéra apytépe.

Referencias Cruzadas

Genesis 41:39

Ha faraon he’i Josépe: Yvága Jára oikuaaukapa ndéve ko’ã mba’e, ha ndaipóri ambue ndeichagua iñakãguapy ha iñarandúva,

Genesis 41:8

Ha ojehu ningo pe pyharevépe hi’ánga iñangekõi ichugui, ha ohenoiuka mayma Egiptoygua paje apohára ha mayma kuimba’e iñarandúvape; ha faraon omombe’u ichupekuéra ike peguare, ha ndaipóri avave ikatúva he’i faraónpe mba’épa he’ise ike peguare.

1 Réyes 8:27

Añete piko ore Ruete oikóne yvy apére, yvagakuéra jepe imichĩ oiko hag̃ua ipype, ko’ytevépa ikatúne reiko ko ógape che amopu’ãva’ekue ndéve g̃uarã.

2 Crónicas 6:18

Añete piko ore Ruete oikóta yvyariguakuéra ndive yvy apére. Péina ápe, umi yvagakuéra ndaikatúi nderereko; ko’ytevépa ikatúne ko óga che amopu’ãva’ekue ndéve g̃uarã.

Salmokuéra 132:14

Kóa ha’ehína opaite ára che pytu’uha rendag̃ua; ápe aikóta, Che voi aipotágui péicha.

Salmokuéra 68:18

Ore Ruete, Nde rejupíma cérro ru’ãme, rerahávo heta iñapytĩmbýva, ha regueraha jopói yvyariguakuéragui, ha avei umi opu’ãva nderehe jepe oikova’erã nde poguýpe.

Éxodo 29:45

Ha aikóta Israel ra’ykuéra apytépe Ijára ramo.

Éxodo 8:19

Upémaramo umi paje apoha he’i faraónpe: Kóva ningo Yvága Jára kuã. Faraon py’apy katu oñemohatã ha naiñe’ẽrendúi ichupekuéra, Ñanderuete he’i haguéicha.

Isaías 47:12

Eñeha’ãke nde remboyke hag̃ua ne ñembo’e vai ha nde paje rembiapo rejapóva ne mitãrusu guive, ha jahecháta nepytyvõnepa térã nde remboykekuaánepa umi mba’evai og̃uahẽtava ndéve.

Isaías 57:15

Péicha he’i pe Ijyvatetéva, pe oisãmbyhypáva tapia g̃uarã iguapyhágui ha hérava Heko porãitéva: Che aisãmbyhy ijyvatehágui ha aiko ikane’õva ha ojepy’apýva ndive, amokyre’ỹ jevy hag̃ua umi ikane’õva ha oñemomirĩvape.

Isaías 8:18

Peikuaa porãke, Ñanderuete oipota che ha che ra’ykuéra, Ha’e ome’ẽmava’ekue chéve, roiko mba’e techaukaha ramo Israélpe g̃uarã ha rohechauka yvága atykuéra Jára oikoha Jerusalen cérrope.

Daniel 4:4

Che, Nabucodonosor, aĩkuri py’aguapypópe ha po’a pa’ũme che rogaguasúpe,

Daniel 5:11

Ne retãguasúpe oiko peteĩ kuimba’e ipype oĩva Yvága Jarakuéra Pytu Porãitéva, ha nde ru oikoha árape ojejohuva’ekue ipype tesape añeteguáva, akãporã ha arandu yvága jarakuéraicha; ha nde ru, Nabucodonosor, omoĩ ipoguýpe umi karai iñarandúva, umi oma’ẽva mbyja rapekuéra rehe, umi imba’ekuaáva ha paje apoharakuéra.

Joel 3:21

Ha Ñanderuete omyengoviapáta hese ija’e’ỹva rembiapo vai, ha uperire Ha’e voi oikóta Siónpe.

Números 35:34

Aníke pemongy’átei pe yvy peikotahápe, péva che rekoha avei, Che pende Ruete aiko’aína Israelguakuéra apytépe.

Matéo 19:26

Hesu oma’ẽ hesekuéra ha he’i: Yvyariguakuérape g̃uarã ningo ndaikatúi voi, Ñanderuetépe g̃uarã katu opaite mba’e ikatu.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 14:17

Pe Pytu Añeteguáva, ko múndo ndaikatúi orecibi, ha’ekuéra ndohecháigui ni ndoikuaáigui ichupe. Peẽ katu peikuaa ichupe, Ha’e opytátagui penendive ha oikova’erã pendepype.

Juan 14:23

Ha Hesu ombohovái ichupe ha he’i: Upe cherayhúva katuete ojapo avei che rembipota, ha che Ruete ohayhuva’erã avei ichupe, ha rojuva’erã hendápe rombosako’i hag̃ua ore rekoha ipype.

2 Corintoyguakuérape 6:16

Mba’éicha piko Ñanderuete iglésia oñembopy’apeteĩkuaáta jára ra’ãnga ñemomba’eguasu reheve. Ñande ningo Ñandejára Hesu Crísto iglésia, Ñanderuete kuatiañe’ẽme he’i háicha: Che aiko ha añembohogava’erã che retã apytépe, ha Che ha’éta Ijára, ha ha’ekuéra che retãtee, (Levítico 26,11-12).

Apocalípsis 21:3

Ha ahendu ñe’ẽ puguasu pe guapyhaguasúgui he’íva: Péina ko’ág̃a pe óga jojohuha (tabernáculo) oĩ tetãyguakuéra apytépe. Ñanderuete voi oikóta ijapytépe, Ituvatee ramo, ha tetãyguakuéra oikóta hetãtee ramo.