Daniel 11:4

Ñanderuete Ñe’ẽ Porã 2015

Ha’e opu’ã porã rire oñehundi jevýta hetã oñemboja’óta irundy yvytu gotýo, hetã ndopytamo’ãi iñemoñarenguérape g̃uarã, hesegua’ỹvape katu oñeme’ẽta, umi tetã ruvicha katu ndohupitymo’ãi pe tetã ruvichakue pu’aka.

Referencias Cruzadas

Salmokuéra 39:6

Añetehápe ñande yvyarigua jajogua kuarahy’ãme, reiete roñeha’ãmba romono’õ hag̃ua mba’erepyeta ndoroikuaái katu mávapa oiporupáta.

Eclesiástes 4:8

Ahecha peteĩ kuimba’e ha’eñoite oikóva, ndaipóri avave omoirũva ichupe, ndaita’ýrai ni ndahyke’ýi; ha’e omba’apo pohýi ha hesakuéra naikane’õi oma’ẽ hag̃ua imba’erepyeta rehe, ha’e katu noñeporandúi: Mávape g̃uarãpa che amba’apo, ha ha’e oñeha’ãmba ombohetave hag̃ua ohóvo, hembiapo pohyietéva ha péva ningo reiete ojapo.

Jeremías 12:15

Ha aipe’apa rire, ajere jevýta ha aiporiahuverekóta Israélpe, ha amondo jevýta peteĩteĩvape imba’etee ha ijyvyteépe.

Jeremías 12:17

Ha upe tetã nohenduseietévape, aipe’áta hapoite guive ha ahundietéta, he’i pende Ruete.

Jeremías 18:7

Sapy’ánte ha’étama peteĩ tetãme térã peteĩ tetã ruvichápe aity ahundi hag̃ua ichupe.

Jeremías 31:40

Opaite pe cérro pa’ũ, oĩháme umi omanóva retekue ha oñemombohápe tanimbu ysyry Cedron peve; ha upe guive kavajukuéra rokẽ hakuaha (esquína) ojejereha peve, kuarahyresẽ gotýo, oñemboykéta pende Ruetépe g̃uarã, ndojepe’aveiva’erã ha noñembyaiveiva’erã opaite ára peve.

Jeremías 45:4

Péicha eréta ichupe, he’i pende Ruete: Eikuaa porãke, Che ambyai umi mba’e amopu’ãmava’ekue, ha amondoro umi mba’e añotỹmava’ekue, ha ko yvy tuichakue rehe péicha ajapóta.

Jeremías 49:36

Umi irundy yvytu ára apýra guive aguerúta Elam retãme umi oñemoĩva hese, ha amosarambíta ichupekuéra ko’ã yvytu ko’ãva rupi ha opaite tetãnguérape, oĩva guive ko yvy ape ári.

Ezequiel 37:9

Ha he’i chéve: Kuimba’e ra’y, eprofetiza ha ere pe Pytu Porãme péicha pende Ruete he’i: Pytu Porã eju umi irundy yvy apýragui ha eipeju ko’ã ojejukava’ekue ári, oikovepa jevy hag̃ua.

Daniel 7:2

Ko’ã mba’e che, Daniel, ahecha: Ama’ẽ’aína che ke pegua ra’ãnga rehe, ha péina umi irundy yvytu oñorãirõ yguasúpe.

Daniel 7:6

Ko’ã mba’e rire ama’ẽ, ha péina ápe ahecha ambue mymba, ojoguáva jaguarete hũme, ipepo irundy ijapére guyráicha, ko mymba kóva avei iñakã irundy, ha oñeme’ẽ ichupe pu’aka ndetuicháva.

Daniel 7:8

Ha ama’ẽvo hatĩ rehe, péina ápe peteĩ hatĩ michĩva osẽ ambue hatĩnguéra pa’ũme, ha péva omondoro mbohapy hatĩ tenondeveguaréva, ko hatĩ kóva hesa kuimba’éicha, ha peteĩ juru he’íva mba’e tuicháva.

Daniel 8:22

Ha pe hatĩ opẽva’ekue ha hendaguépe osẽ irundy hatĩ, he’ise pe tetãguasu oñemboja’otaha irundy tetãme, umía katu naimbaretemo’ãvéima pe tenondeveguaréicha.

Daniel 8:8

Upérõ pe kavara mácho oñembotuichaiterei; ha imbareteve jave hatĩguasu opẽ, ha hendaguépe osẽ irundy hatĩ tuichamíva, umía ojepyso umi irundy yvytu rehe.

Zacarías 2:6

Angái, angái, pya’éke pekañy pe tetã yvateoguágui, he’i pende Ruete, Che voi pomosarambipava’ekue umi ára umívape irundyve yvytu rehe.

Zacarías 6:5

Ha pe yvága rembiguái he’i chéve: Ko’ãva hína umi irundy yvytu ára pegua oñemoĩva ko yvy Jarateéva renondépe ha upéi osẽ henondégui.

Matéo 12:25

Ha Hesu oikuaágui ipy’apýpe oĩva, he’i: Umi tetã opu’ãva ha oiko vaíva ojoapytépe itapereva’erã, ha opaite táva térã óga opu’ãmbáva ojuehe ndahi’aremo’ãi.

Lúcas 12:20

Ñanderuete katu he’i ichupe: Ndevýro, ko pyhare kóvape ojejeruréta ndéve ne ánga, ha opaite mba’e rembyatyva’ekue piko, mávape g̃uarã opytáta.

Apocalípsis 7:1

Ko’ã mba’e rire ahecha irundy yvága rembiguái oñembo’yvahína umi irundy yvy apýrape ha ojoko umi irundy yvytu yvy pegua, ani hag̃ua oipeju yvy ári, yguasu térã yvyra rakã ári.