Daniel 10:5

Ñanderuete Ñe’ẽ Porã 2015

Ha ajesaupívo, ahecha peteĩ kuimba’épe oñemondéva ao morotĩme (líno) ha ojeku’akuáva óro Ufaz peguaréguigua.

Referencias Cruzadas

Isaías 11:5

Ha pe justícia iku’a jokuaha, ha teko jeroviaha (fidelidad) hete mo’ãha.

Jeremías 10:9

Ogueru hikuái óro morotĩ ñemopererĩmbyre Társisgui ha pe óro, umi ikatupyrýva ombohykúva, oñu’ã hag̃ua ijára gua’u ra’ãngápe ha upéi omonde ao hovy ha pytãvape.

Ezequiel 9:2

Ha péina ápe 6 kuimba’e ou pe okẽ yvate gotýogui ha peteĩteĩva ogueru ipópe ikyse puku oporohundi hag̃ua. Ha ijapytepekuéra oĩ peteĩ kuimba’e oñemondéva línope (ao morotĩ hepývape) ha iku’a rehe ogueru peteĩ hyru kuatia haihára oiporu háicha; ha oikévo hikuái, oñembo’y pe kuave’ẽmby renda bronceguiguáva ypýpe.

Zacarías 1:8

Pyharekuépe ojehechauka chéve che payetépe (visiónpe) peteĩ kuimba’e oikóva peteĩ kavaju pytãva ári, ha ha’e oñembo’yhína peteĩ ñúme mírto yvyrakuéra apytépe ha hapykuépe oĩkuri hetave kavaju pytãva, ipara ha morotĩva.

Efesoyguakuérape 6:14

Upévare peñembosako’i porãke, peñembo’y hatãkena ha pejeku’a jopy porãke, kóva he’ise peñemboykeva’erã pe japúgui ha pejeva’erã pe añetegua; ha peñemonde pe camisa hierroguiguávape, kóva he’ise peñemboheko potĩve pehóvo.

Josué 5:13

Josue oĩ jave gueteri Jerico ypýpe, ojesaupi ha ohecha peteĩ kuimba’e oñembo’ýva henondépe, ha oguerekóva peteĩ kyse puku ipópe. Ha Josue oho henda gotýo, ha he’i ichupe: Ndépa ore reheguáva térã orerehe ija’e’ỹva rehegua.