Daniel 10:1

Ñanderuete Ñe’ẽ Porã 2015

Círo, pe Pérsia retã ruvicha, oisãmbyhy aja hi’áño mbohapyhápe ojehechauka Daniélpe, oñembohérava avei Beltsasar, peteĩ ñe’ẽ. Ha pe ñe’ẽ añetegua oñe’ẽ peteĩ ñorãirõguasu rehe. Daniel oma’ẽ porã katu ko’ã mba’e rehe ojehechaukáva ichupe oikuaa hag̃ua mba’epa he’ise.

Referencias Cruzadas

Genesis 41:32

Ha Ñanderuete ohechauka hague faraónpe mokõi jevy ike pegua, he’ise añetehápe ha pya’e Ñanderuete ojapotaha umi mba’e.

2 Crónicas 36:22

Ha Círo, pe Pérsia retã ruvicha oisãmbyhy ramo peteĩ áño rupi, oiko Ñanderuete ñe’ẽ Ha’e he’iva’ekue Jeremías juru rupi, Ha’e omombáy Círo, Pérsia retã ruvicha pytu, ha’e omoherakuãuka hag̃ua opaite tetãnguéra opytáva ipoguýpe he’ívo,

Ésdras 3:7

Ha ome’ẽ hikuái pirapire umi óga mopu’ãhárape ha umi carpinterokuérape. Ha umi Sidon ha Tiroyguakuérape g̃uarã oñeme’ẽ avei tembi’u, víno ha acéite ogueru hag̃ua cédro Líbano guive, yguasu rupi, Jópe peve, Pérsia retã ruvicha, Círo he’i haguéicha, peichaite ojejapopa avei.

Ésdras 4:3

Zorobabel, Jesúa ha ambue ogaguasu ruvichakuéra he’i ichupekuéra: Oréverõ g̃uarã naiporãi romopu’ã penendive ore Jára rogaguasurã, ore añónte romopu’ãse ore Ruete rogaguasurã, he’i haguéicha oréve Círo, Pérsia retã ruvicha.

Ésdras 4:5

Upéramo ome’ẽ hikuái ñemiháme pirapire umi Pérsia ruvicha’ikuérape ojoko hag̃ua Ñanderuete rogaguasu rembiapo, Círo, Pérsia retã ruvicha, oisãmbyhy aja pukukue ha Darío oñepyrũvo oisãmbyhyha árape.

Ésdras 6:14

Upéicha, umi Judaygua omopu’ã joa Ñanderuete rogaguasu ha osẽ porãmba ichupekuéra, umi proféta Hagéo ha Zacarías, Iddo ra’y, he’i haguéicha. Ha omopu’ã ha ojapopa hikuái, Israel Jára oipota háicha, ha Círo, Darío ha Artajérjes, Pérsia retã ruvichakuéra he’iuka haguéicha.

Ésdras 6:3

Tetã ruvicha Círo ojupiha áñope, Babilónia retã ruvicha ramo, he’iuka Ñanderuete rogaguasu oĩva’ekue Jerusalénpe oñemopu’ã jevyva’erãha, oñekuave’ẽ hag̃ua upépe kuave’ẽmby ojehapypáva, ha pe ogaguasu tapiakuéra ijyvateva’erã 26 métro, ha 26 métro ipeva’erã.

Isaías 44:28

ha Círo rehe ha’éma voi: Nde che ovecha rerekua ha nde rejapova’erã Che aipotáva guive; ha Jerusalen rehe he’i: Oñemopu’ã jevytaha, ha Ñanderuete rogaguasu rehe he’i: Ojehogapo jevytaha.

Daniel 1:17

Ñanderuete voi omoarandu ko’ã irundy karia’ýpe ha ome’ẽ akã porã opaichagua arandúpe; Daniélpe omoarandu avei oikuaa hag̃ua mba’épa he’ise umi kuimba’e térã kuña ohecháva iképe térã ojehechaukáva payetépe.

Daniel 1:21

Daniel opyta tetã ruvicha rógape, Círo oisãmbyhy aja peteĩ áño.

Daniel 1:7

Ko’ãvape Nabucodonosor rembiguaiguasu ome’ẽ téra pyahu: Daniélpe, ombohéra Beltsasar; Ananíaspe, Sadrac; Misaélpe, Mesac; ha Azaríaspe, Abed-nego.

Daniel 10:14

aikuaauka hag̃ua ndéve umi mba’e ojehútava ne retãme umi ára pahápe, ha umi mba’e ojehechaukava’ekue ndéve oñe’ẽ umi ára umívare.

Daniel 11:2

Ko’ág̃a ahechaukáta ndéve pe añetegua, eikuaa porãke, oĩ gueteri mbohapy tetã ruvicharã Pérsiape, ha pe irundyha oñembopirapire hetaitereivéta ambuekuéragui ha oñemombaretévo imba’erepyeta reheve, oñemoĩta Grécia retã rehe.

Daniel 12:4

Ha nde, Daniel, ejokua hatã ha eñongatu porã ko kuatiañe’ẽ umi ára paha peve. Heta oĩta oipyguaráva ágotyo pégotyo, ha upépe ae oñemyesakãve ohóvo.

Daniel 12:9

Ha ha’e he’i chéve: Tereho, Daniel, ko’ã ñe’ẽ ko’ãva ningo oñemboty ha oñeñongatu ñemiháme og̃uahẽ meve umi ára paha.

Daniel 2:21

Ha’e omoambue pe arahaku ha pe araro’y ha umi mba’e ipype ojehúva. Ha’e oity ha omopu’ã tetã ruvichakuérape, Ha’e omoarandu umi iñarandúvape, ha ome’ẽ akãguapy umi iñakã porãvape.

Daniel 4:8

Ipahápe ou che rendápe Daniel, hérava Beltsasar, che ahenoiva’ekue ichupe che jára réraicha, ha ipype oĩ yvága jarakuéra Pytu Porãite. Ha amombe’u ichupe che ke peguare, ha’évo:

Daniel 5:12

Ha’e iñarandu, iñakã porã ha ikatupyry omoñe’ẽ hag̃ua ke peguare ha ñe’ẽnguéra ñemimby, ha omyesakãkuaa umi mba’e ojekuaa porã’ỹva, kóva ningo Daniel, pe tetã ruvicha omboherava’ekue Beltsasar. Ehenoiuka ichupe, ha ha’e he’íta ndéve mba’épa he’ise ko ñe’ẽ kóva.

Daniel 5:17

Upérõ Daniel he’i tetã ruvichápe: Umi jopói topytapánte ndéve, ha umi mba’erepy reme’ẽséva chéve eme’ẽ ambuépe. Amoñe’ẽta katu pe ñe’ẽ jehaipyréva tetã ruvichápe g̃uarã, ha ha’éta avei mba’épa he’ise.

Daniel 6:28

Darío ha Círo, Persiaygua retã ruvichakuéra, oisãmbyhy aja, Daniel tuicha oñakãrapu’ã.

Daniel 8:16

Ha ahendu peteĩ kuimba’e ñe’ẽ Ulái rembe’ýgui, osapukái hatãva ha he’i: Gabriel, emombe’u ichupe mba’épa he’ise umi mba’e ojehechaukava’ekue ichupe.

Daniel 8:26

Ha umi mba’e ojehechaukava’ekue payetépe ka’aru ha pyharevépe katuete oikóta, eñongatu porãmba nde py’apýpe, heta ára katu hi’aréta ojehupa peve ko’ã mba’e.

Lúcas 1:20

Eikuaa porã katu, ko’ág̃a guive nde neñe’ẽngúta ojehu peve che amombe’úva ndéve, nde nderegueroviái haguére che ñe’ẽ. Katuete ojehúta hi’araitépe umi mba’e che amombe’úva ndéve.

Apocalípsis 19:9

Ha pe yvága rembiguái he’i chéve: Ehai: Ovy’aite umi oñehenóiva (oñeconvidáva), pe Ovechara’y menda karuguasúpe (céna del Señor) g̃uarã. Ha ha’e he’ive chéve: Ko’ã Ñanderuete ñe’ẽ ningo añete ha katuete oikopáta.