Daniel 1:7

Ñanderuete Ñe’ẽ Porã 2015

Ko’ãvape Nabucodonosor rembiguaiguasu ome’ẽ téra pyahu: Daniélpe, ombohéra Beltsasar; Ananíaspe, Sadrac; Misaélpe, Mesac; ha Azaríaspe, Abed-nego.

Referencias Cruzadas

Genesis 41:45

Ha faraon ombohéra Josépe, Safnat-panéa (he’iséva: pe oporomongarúva) ha ome’ẽ ichupe Asenátpe, hembireko ramo, Potiféra rajy, péva oiko pa’i ramo Ónpe. Ha Jose osẽ (oikundaha hag̃ua) Egípto retã tuichakue.

2 Réyes 23:34

Upéramo faraon Néco omoĩ Juda retã ruvicha ramo Eliaquim, Josías ra’ýpe, itúva Josías rendaguépe, ha ombohéra ichupe Joacim; ha Joacázpe ojegueraha Egíptope, ha upépe omano.

2 Réyes 24:17

Ha Babilónia retã ruvicha omoĩ Joaquin rendaguépe, Juda retã ruvicha ramo Mataníaspe, Joaquin tio, ha ohenói ichupe Sedequías.

Daniel 1:19

Ha pe tetã ruvicha oñe’ẽ hendivekuéra, ha opaite karia’y apytégui ndojejohúi ambue ikatúva oñembojoja Daniel, Ananías, Misael ha Azarías rehe; upévare opyta hikuái tetã ruvicha Nabucodonosor rembiguái ramo.

Daniel 1:3

Ha Nabucodonosor he’i Aspenaz, hembiguaiguasúpe, peteĩ oñekytĩ’oiteva’ekuépe (eunúco), oiporavo hag̃ua Israel tríbu apytégui hetã ruvicha ha mburuvicha ra’ykuérape,

Daniel 10:1

Círo, pe Pérsia retã ruvicha, oisãmbyhy aja hi’áño mbohapyhápe ojehechauka Daniélpe, oñembohérava avei Beltsasar, peteĩ ñe’ẽ. Ha pe ñe’ẽ añetegua oñe’ẽ peteĩ ñorãirõguasu rehe. Daniel oma’ẽ porã katu ko’ã mba’e rehe ojehechaukáva ichupe oikuaa hag̃ua mba’epa he’ise.

Daniel 2:26

Ha tetã ruvicha he’i Daniélpe, oñembohéra avei Beltsasar: Ndépa ikatu rehechauka chéve che ke peguare ha mba’épa he’ise.

Daniel 2:49

Daniel katu ojerure tetã ruvichápe omoĩ hag̃ua Babilónia departaméntope sãmbyhyhára ramo Sadrac, Mesac ha Abed-négope, Daniel katu oiko pe tetã ruvicha rogaguasúpe.

Daniel 4:5

upérõ ahecha peteĩ che ke pegua chemondyiva’ekue ajepyso jave che rupápe, umi mba’e che akãme oúva chejopyeterei ha umi che páype (vision) chemyangekõi vaiete.

Daniel 4:8

Ipahápe ou che rendápe Daniel, hérava Beltsasar, che ahenoiva’ekue ichupe che jára réraicha, ha ipype oĩ yvága jarakuéra Pytu Porãite. Ha amombe’u ichupe che ke peguare, ha’évo:

Daniel 5:12

Ha’e iñarandu, iñakã porã ha ikatupyry omoñe’ẽ hag̃ua ke peguare ha ñe’ẽnguéra ñemimby, ha omyesakãkuaa umi mba’e ojekuaa porã’ỹva, kóva ningo Daniel, pe tetã ruvicha omboherava’ekue Beltsasar. Ehenoiuka ichupe, ha ha’e he’íta ndéve mba’épa he’ise ko ñe’ẽ kóva.