Daniel 1:3

Ñanderuete Ñe’ẽ Porã 2015

Ha Nabucodonosor he’i Aspenaz, hembiguaiguasúpe, peteĩ oñekytĩ’oiteva’ekuépe (eunúco), oiporavo hag̃ua Israel tríbu apytégui hetã ruvicha ha mburuvicha ra’ykuérape,

Referencias Cruzadas

2 Réyes 24:15

Ogueraha avei jepokuapýpe Joaquínpe, tetã ruvicha sýpe, tetã ruvicha rembirekokuérape, isoldádo ruvichakuérape, ha avei karaiguasukuérape; jepokuapýpe ogueraha ichupekuéra Jerusaléngui Babilónia retã meve.

Isaías 39:6

Eikuaa porãke og̃uahẽta katuete pe ára ojeguerahapáta Babilóniape opaite mba’e oĩva guive nde rogaguasúpe, nde rukuéra oñongatumava’ekue ko ára peve; mba’evete ndopytamo’ãi, he’i Ñanderuete.

Isaías 39:7

Ojapyhýta hikuái avei nde ra’ykuéra, ogueraha hag̃ua Babilónia retã ruvicha rogaguasúpe, omba’apo hag̃ua hembiguái ramo.

Jeremías 41:1

Ha ojehu ningo pe jasy jere 7-hápe ou Ismael, Netanías ra’y, Elisama ra’yre, peteĩ tetã ruvicha ñemoñare, ha’e voi avei peteĩ mburuvichakue ha hendive ou 10 kuimba’e Gedalías, Ahicam ra’y rendápe, oĩva Mizpápe; ha ho’u hikuái oñondive pan.

Deuteronómio 28:41

Pende ra’y ha pende rajy hetava’erã, ndoikomo’ãi pene mba’éva ramo, ohopátagui jepokuapýpe ambue tetãme.