Cantar de los cantáres 3:1

Ñanderuete Ñe’ẽ Porã 2015

Pyharekuépe aheka che rupápe che ánga ohayhúvape, aheka ha máramo ndajohúi ichupe.

Referencias Cruzadas

Salmokuéra 22:2

Che Ruete, arakuépe amba’ejerure asy ha Nde nachembohováiri, ha pyharekuépe ndaikatúi apytu’u.

Salmokuéra 4:4

Peẽ pendepochy ramo, ani peñemohembiapo vai, pejepy’amongeta porã peime jave pende rupápe ha pekirirĩ. Selah

Salmokuéra 6:6

Chekane’õiterei chepyahẽgui, opaite pyharekue ajahe’o che rupápe, tesaýpe amohe’õmba che rupa.

Cantar de los cantáres 1:7

Emombe’umína chéve, nde che ánga ohayhuetéva, moõpa remongarureína ne rymbakuérape, moõpa repytu’u asajekuépe; ha mba’érehe piko che aiko’arã roheka reívo ne irũnguéra rymba aty ypy rupi.

Cantar de los cantáres 5:6

Che aipe’a pe okẽ che mborayhu járape g̃uarã; ha che mborayhu jára katu oho jepéma, ohasámara’e; ha iñe’ẽngue rapykuéri oho che ánga. Aheka ichupe, ha ndajohuvéi; ahenói ichupe, ha nombohováiri.

Cantar de los cantáres 5:8

Jerusalen rajykuéra che ajerure asymi peẽme pejohu ramo che mborayhu járape, peikuaaukami ichupe cherasýma imborayhu kunu’ũgui.

Isaías 26:9

Che py’aite guive roheka pyharekuépe, ha che pytu porã chepype oĩva oikose nendive, upévare apu’ã ko’ẽ mboyve aiko hag̃ua nendive; yvyariguakuéra ohendúva guive ne rembiapoukapy oikuaa voi mba’éichapa oiko porã hag̃ua oñondive.

Isaías 55:6

Peheka pende Ruetépe, ikatu aja ojejohu ichupe, pehenói ichupe hi’ag̃ui rehe gueteri pendehegui.

Lúcas 13:24

Peñeha’ãmba peike hag̃ua pe okẽ po’i rupi, Che ningo ha’e voi peẽme: Heta ohekátava oike hag̃ua, ndoikemo’ãi katu noñeha’ãmbáigui hikuái.

Juan 11:29

Ha María ohendúvo péva, pya’e opu’ã ha oho Hesu rendápe.

Juan 21:17

Uperiremínte Hesu oporandu mbohapyha jevy Pédrope: Simon, Juan ra’y, cherayhúpa. Ha Pédro ñembyasyhápe ombohovái ichupe: Che Jára, Nde reikuaa opaite mba’e, reikuaa avei che rohayhuha. Upérõ Hesu he’i ichupe: Eñangareko che ovechakuéra rehe.

1 Pédro 1:8

Peẽ ndapehechái ramo jepe Hesu Crístope, pejerovia hese, pehayhu ichupe ha pemomba’eguasu ichupe vy’a tuicha reheve, ndaikatúiva ja’e yvy arigua ñe’ẽ rupi ha peẽ penerenyhẽ heko jajáigui,