Cantar de los cantáres 2:4

Ñanderuete Ñe’ẽ Porã 2015

Ha’e chereraha hóga oñongatuhápe ivíno ha upépe ha’e cherechauka iñirũnguérape, ha ipoyvi mborayhu rehegua cheñu’ã.

Referencias Cruzadas

Ester 7:7

Upérõ tetã ruvicha opu’ã pe karuguasuhágui, pochy rendy reheve, ha oho pe ogaguasu yvaty gotýo; ha Aman opyta ojerure hag̃ua tetã ruvicha rembireko Estérpe hekove rehe; oikuaa porãgui tetã ruvicha katuete ojapotaha mba’evai hese.

Job 1:10

Neremo’ãi piko ichupe ku korapy jere yvatéicha ha reñangareko hóga ha opaite mba’e oguerekóva rehe. Rehovasa avei opaite hembiapokue ha opaite imba’erepy oñemboheta hetave ohóvo.

Salmokuéra 20:5

Ore rovy’a joa rembopoguy haguére nderayhu’ỹvape, ha romopu’ãta poyviveve (bandéra) ore Jára rérape; Ñanderuete tome’ẽ ndéve opaite mba’e rejeruréva guive.

Salmokuéra 60:4

Nde katu reme’ẽ peteĩ poyvi veve opaite ojeroviáva ndéve g̃uarã opu’ã jevy hag̃ua. Selah

Salmokuéra 84:10

Iporãiteve peteĩ ára nde (rogaguasu) korapýpe, 1.000 ára aiko rãngue okápegui. Iporãve añembo’y ramo che Jára rogaguasu rokẽme, aiko rãngue tekove ñaña rogaguasúpe.

Cantar de los cantáres 1:1

Kóva ningo pe purahéi iporãvéva Salomon puraheikuéra apytégui.

Cantar de los cantáres 1:4

Chererahána pya’e nde rapykuéri. Pe tetã ruvicha chemoinge ikotykuérape: Javy’aite ha ñandepy’a roryete hag̃ua. Ne mborayhu iporãve vínogui: Ndareíri ha’ekuéra nderayhu.

Cantar de los cantáres 5:1

Karia’y oñe’ẽ: Che ajúma che yvatýpe, nde che rembirekorãmi, amono’õma che mírra ha umi mba’e ryakuã porã; ha’úma che eíra, che víno ha che kamby. Pekaru joa che irũnguéra; che rayhupára pey’u ha peñemohyg̃uatã mborayhu reheve.

Cantar de los cantáres 6:4

Karia’y oñe’ẽ: Nde ningo neporã, nde che angirũ, Tírsaicha neporã, (1 Réyes 14,17); ha Jerusalénicha ndejuky, ha reporomopy’andýi ku ñorãirõ aty oñemohenda porãvaicha.

Isaías 11:10

Ojehuva’erã upe ára upévape umi tetã ohekava’erã Isai rapo oñembo’y ramo ipoyvivevévaicha tetãnguérape g̃uarã, ha pe tenda Ha’e oikohápe ojajaipáta.

Apocalípsis 3:20

Ema’ẽ porãke, Che añembo’yha’aína ne rokẽme ha ambota’aína (aikeségui). Oimeraẽ ohendúva Che ñe’ẽ ha oipe’áva hokẽ, aikéta hendápe akaru hag̃ua hendive, ha ha’e chendive.