Cantar de los cantáres 2:3

Ñanderuete Ñe’ẽ Porã 2015

Kuñataỹ oñe’ẽ: Ku manzána oiko háicha yvyra ka’aguy apytépe, péicha hína che mborayhu jára karia’ykuéra apytépe, ikuarahy’ãme aguapyse, ha hi’akue he’ẽ asy che jurúpe.

Referencias Cruzadas

Salmokuéra 45:2

Nde ningo ha’e yvyarigua ra’ykuéra apytépe pe iporãvéva, Ñanderuete oñohẽ iporiahuvereko nderehe, upévare Ñanderuete nderovasa opaite árape g̃uarã.

Salmokuéra 45:3

Emoĩ nde ku’a rehe nde kyse puku, nde ningo pe ipy’aguasuetéva, ha ne mburuvichaguasu reko omimbipáva.

Salmokuéra 57:1

Cheporiahuverekomína, Nde, che Ruete, eiporiahuverekomína, che ánga ojeroviágui nderehe ha añemo’ãta nde pepo guýpe ohasapa peve che jepy’apy vai.

Salmokuéra 89:6

Ha máva piko ikatúne oñembojoja Ñanderuete yvága pegua rehe. Ha máva piko ipu’akaitéva ijapytépe ojoguáne Ñanderuetépe.

Salmokuéra 91:1

Upe oikóva pe Jára Ijyvatetéva ãme ha pe Ipu’akapáva poguýpe,

Cantar de los cantáres 1:16

Kuñataĩ oñe’ẽ: Neporã avei che mborayhu jára, ndejuky avei, ñande rupa ojejapo kapi’i hovyũ porãvagui.

Cantar de los cantáres 2:5

Chemohyg̃uatãna pan he’ẽva reheve, ojejapova’ekue parral rakã’águi ha chemombareténa manzánape. Mborayhu kunu’ũgui cherasyete’aína.

Cantar de los cantáres 4:13

Opaite mba’e oĩva térã osẽva guive ndehegui ojogua peteĩ granada’a aty iporãvape (yvyra hi’a he’ẽ asýva). Opaite imba’e ryakuã iporãitéva reheve (alhéña ha nárdo),

Cantar de los cantáres 4:16

Kuñataĩ oñe’ẽ: Epu’ãna, yvytu yvatégui oipejúva, ha eju yvytu yvy gotýogui oipejúva; peipeju che yvotytýpe, ha ta’iñasãi tyakuã porã. Tou che mborayhu jára ijyvatýpe, ha to’u yva he’ẽ asýva.

Cantar de los cantáres 5:16

Iñapekũ he’ẽ asy ha heko iporãite. Peichaite hína che mborayhu jára, peichaite hína che angirũ, peẽ Jerusalen rajykuéra (peikuaa hag̃ua ichupe).

Cantar de los cantáres 7:13

Hyakuãma umi mandragora’a ha ñane rokẽ ári oĩ opaichagua yva he’ẽva, ipyahúva ha ikãva avei, ndéve g̃uarã, che mborayhu jára, añongatupamava’ekue ndéve g̃uarã.

Cantar de los cantáres 8:11

Salomon oguerekókuri peteĩ parralty Baal-hamónpe, ha péva omoĩ iñangarekohára poguýpe, ha ogueruva’erã 1000 óro morotĩ pehẽnguemi hi’akuerakue rehe.

Cantar de los cantáres 8:12

Che parralty, che mba’e tee, oĩhína che renondépe: Umi 1000 óro morotĩ pehẽngue ne mba’erã meme, nde Salomon, ha hi’ári ame’ẽ 200 umi hi’akue rehe oñangarekóvape g̃uarã.

Cantar de los cantáres 8:5

Jerusalen rajykuéra oñe’ẽ: Máva piko pe kuñataĩ oúva pe desiértogui, ojejokóva imborayhu jára rete rehe. Karia’y oñe’ẽ: Peteĩ manzána máta guýpe romombáy; upépe hasýkuri nde sy, nemonace hag̃ua.

Isaías 25:4

Nde remo’ã haguére ikangývape, Nde reipytyvõ haguére umi ojejopývape, Nde reiko haguére ñemo’ãha ramo oky tuicha ha kuarahy hakuete jave, umi iñañáva pu’aka opa reíta ku ama opa rei háicha ojohu guive pe óga tápiare.

Isaías 32:2

Ha upe kuimba’e ojoguáta ñemo’ãháme yvytu’atãme ha ama vaípe; ku ysyrýicha yvy perõme, ku itaguasu kuarahy’ãicha ára hakuetépe.

Isaías 4:2

Upe ára upévape Ñanderuete ombohokýta hakã porã ojajaipáva, ha Israel retã oñembotuicháta ha oñemoherakuã porãta, ombovy’a hag̃ua Israelguakuéra hembýva guivépe.

Isaías 4:6

omo’ã hag̃ua ichupekuéra ára hakúgui, amaguasu ha yvytu atãgui.

Ezequiel 47:12

Ha mokõive ysyry rembe’ýre okakuaáta opaichagua yvyra hi’áva; araka’eve ndahoguekuimo’ãi, hi’a ndopamo’ãi, opaite jasy hi’aju pyahúta, hi’y osẽgui Ñanderuete rogagasúgui; hi’akue ojeporúta tembi’u ramo ha hoguekue ojeporúta pohã ramo.

Joel 1:12

Pe parralty ipiru ha pe hígo yvyra oñembyaíma, upéicha avei granáda, mbokaja ha manzána máta; ipirupa umi ñu rupigua yvyra rakãnguéra, upévare opa avei yvyarigua vy’a.

hebreoyguakuerape 12:2

Ha ñama’ẽ Hesu rehe, Ha’e voi ñande jerovia apohare, hendive ñañepyrũ jajerovia ha hendive ñag̃uahẽ ñande jerovia ru’ãme. Hesu oha’ãrõ pe vy’a outavahína ichupe g̃uarã, upévare Ha’e ohasa asy ha omano ikurusúre otĩ’ỹre. Ha ko’ág̃a Ha’e oguapyhína Ñanderuete yke akatúape.

Juéces 9:15

Ha pe jukeri he’i umi yvyra mátape: Añete ramo peẽ cheporavose pende ruvicha ramo peju joaite peñemokuarahy’ã che guýpe, ha ndaupéichai ramo tosẽ tata pe jukerígui ha tombokusuguepa umi cédro Líbano peguápe.