Cantar de los cantáres 1:4

Ñanderuete Ñe’ẽ Porã 2015

Chererahána pya’e nde rapykuéri. Pe tetã ruvicha chemoinge ikotykuérape: Javy’aite ha ñandepy’a roryete hag̃ua. Ne mborayhu iporãve vínogui: Ndareíri ha’ekuéra nderayhu.

Referencias Cruzadas

Salmokuéra 111:4

Ñanderuete milagrokuéragui ndaipóri tesarái Ha’e ipy’a porã ha oporoporiahuverekokuaa.

Salmokuéra 119:32

Ne rembiapoukapy rape rehe aguatase, Nde chemoarandu porã che py’apýpe.

Salmokuéra 119:60

Añembopya’e pya’e ha nañemombeguéi ajapo hag̃ua ne rembiapoukapykuéra.

Salmokuéra 149:2

Israel tahoryete ijapohare ndive, Jerusalen ra’ykuéra tovy’aite hetã ruvicha ndive.

Salmokuéra 42:4

Chemandu’a porã umi arete ohasava’ekue rehe, mba’éichapa che amyakã pe tetãygua atyguasu ha agueraha ichupekuéra Ñanderuete rogaguasúpe ñamomba’eguasu joa hag̃ua vy’apópe ichupe.

Salmokuéra 48:9

Nde, ore Ruete, nde rogaguasúpe oremandu’a nde poriahuvereko rehe.

Salmokuéra 63:5

Upéicha che ánga hyg̃uatãta ku ha’u ramoguáicha karaku ha so’o kyra, ha torypápe che juru nemomba’eguasúta.

Cantar de los cantáres 3:4

Ahasa rire mbykymi ijypyguikuéra, ajohúma che ánga ohayhuetévape: Ajapyhy ichupe ha ndahejavéi, agueraha peve ichupe che sy kotýpe, che anace haguépe.

Cantar de los cantáres 4:10

Iporãite ningo ne mborayhu, che rembirekorãmi. Ne kunu’ũ iporãiteve vínogui, ha ne mba’e ryakuã hyakuã asyve opaite ambue mba’e ryakuã asývagui.

Isaías 25:8

Ñanderuete pe Jaraitéva ombopoguýta pe ñemano, Ha’e omokãta opaite tesay yvyarigua rovágui, Ha’e oipe’áta Israel ñemotĩ oñandúva ko yvy tuichakue, péicha he’i pende Ruete.

Isaías 45:25

Ñanderuete rupínte ojejohukuaa justícia (tekojoja) ha opaite Israel ñemoñare omomba’eguasúta Ñanderuete rembiapo porãita.

Isaías 61:3

ha umi Jerusalengua ojepy’apy asývape ame’ẽukáta iñakã jeguakarã, tanimbu rãngue; acéite ryakuã porã, jahe’o rãngue; ahoja tory rehegua, jepy’apy rãngue; hérata tajy justícia rehegua, Ñanderuete oñotỹtava ohechauka hag̃ua heko jajaipáva.

Isaías 63:7

Chemandu’a Ñanderuete poriahuvereko rehe amyasãi hag̃ua Ñanderuete rembiapo tuichaitéva, Ha’e ohechauka haguére oréve ipy’a iporãha. Ha’e oiporiahuvereko ha ohayhu hetã Israélpe.

Jeremías 31:3

Ymaite guivéma Ñanderuete oñeñanduka chéve, ha he’i: Che rohayhuete, mborayhu apyre’ỹme, upévagui roiporiahuvereko tapia g̃uarã.

Oséas 11:4

Mborayhu sãme opyta porã hag̃uáicha Che aruse ichupekuéra che rendápe, ha Che ahupimi icangálla ijajúragui ivevuive hag̃ua, ha Che añemboyke hendapekuéra amongaru hag̃ua ichupekuéra.

Sofonías 3:14

Epurahéi nde, Sion rajy; vy’apópe esapukái nde Israel; tandepy’arory ha evy’aitéke nde py’aite guive, Jerusalen rajy.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Matéo 25:10

Ha osẽvo hikuái oho hag̃ua ojogua, og̃uahẽ pe menarã, ha umi oñembosako’i porãva’ekue oike hendive pe mendahápe, ha oñemboty pe okẽ.

Lúcas 2:10

Ha pe ángel he’i ichupekuéra: Ani pekyhyje, peikuaa porãke aju amombe’úvo peẽme mba’e ipyahúva ombohorýtava opaite tetãnguérape.

Lúcas 22:19

Ha ojapyhy pe pan ha oagradece rire, oipehe’ã ha ome’ẽ ichupekuéra he’ívo: Kóva ningo che rete oñeme’ẽtava penderehe. Pejapóke kóicha peñemomandu’a hag̃ua cherehe.

Juan 12:32

Ha Che añemopu’ã rire ko yvy árigui amog̃uahẽta opavavépe che rendápe.

Juan 6:44

Avave ningo ndaikatúi ou che rendápe ogueru’ỹ ramo ichupe che Ru chembouhare, ha Che amoingovéta ichupe pe ára pahápe.

Efesoyguakuérape 2:6

Ñanderuete ñanemoingove Hesu Crísto ndive ha hendive ñanemboguapýma avei hetãguasúpe.

Efesoyguakuérape 6:24

Ha Ñanderuete py’aporã (grácia) toĩ tapia penendive, pehayhu guive Ñandejára Hesu Crístope.

Filipoyguakuérape 3:3

Ñande ningo umi oñekytĩ’óva añetehápe, ñande jajeroviágui Ñanderuete Pytu Porãite rupi ha ñamomba’eguasúgui Hesu Crísto rembiapo porã ikurusureguare, ha ndajajeroviái kuimba’e rete rembiapóre, ojejapóva kuimba’e rete apérente.

Filipoyguakuérape 4:4

Pevy’a tapia Hesu Cristopype, ha ha’e jevy: Pevy’ákena.

hebreoyguakuerape 12:1

Ñande jaguerekógui ñande jerekuévo ku araícha heta techahare ojeroviaitéva, upévare jaipe’a ñandejehegui opaite mba’e ñandejopýva ha ñandejokoséva, ha avei pe angaipa ñanemoñuhãséva, ha ñañani paciéncia reheve pe carréra oñemoĩva ñane renonderãme.

1 Pédro 1:8

Peẽ ndapehechái ramo jepe Hesu Crístope, pejerovia hese, pehayhu ichupe ha pemomba’eguasu ichupe vy’a tuicha reheve, ndaikatúiva ja’e yvy arigua ñe’ẽ rupi ha peẽ penerenyhẽ heko jajáigui,