Apocalípsis 9:3

Ñanderuete Ñe’ẽ Porã 2015

Pe tatatĩgui osẽ tukueta oñemosarambíva yvy apére, ha oñeme’ẽ ichupekuéra pu’aka oñeme’ẽ háicha alacránpe oporojopi hag̃ua.

Referencias Cruzadas

1 Réyes 12:11

peikuaa porãke che ru omoĩ ramo pende ári cangálla ipohýiva, che katu ambojo’áta peẽme pende cárga, che ru penenupã tukumbópe, che poinupãukáta tukumbo alacran ruguái akuápe.

2 Crónicas 10:11

Péina che ru omoĩkuri pende ári peteĩ cangálla ipohýiva, che ambopohyivéta pene cangálla; che ru penenupã tukumbópe, che poinupãta alacránpe.

2 Crónicas 10:14

Ha tetã ruvicha ombohovái ichupekuéra mitãrusu ohekombo’e haguéicha ichupe, ha he’i: Che ru ombopohýikuri pene cangálla, che katu ambopohyivéta pene cangálla; che ru penenupã tukumbópe, che katu poinupãta alacránpe.

Isaías 33:4

Upérõ peẽ pembyatýta pene mba’erepyrã, oñembyaty háicha pe tuku aty ha Asiriayguakuéra opoipáta imba’erepýgui ha peẽ pejeitykuaa hi’ári umi tuku ojeity háicha hembi’urã rehe.

Ezequiel 2:6

Nde katu, kuimba’e ra’y, ani rekyhyjétei ichuguikuéra ha ani rekyhyjétei ereva’erãvagui, jepémo reime jukerity ha ñuatĩndy pa’ũme, térã alacran apyte rupi; ani rekyhyjétei iñe’ẽnguéragui, ha ani rekyhyje ichuguikuéra, ha’ekuéra ningo peteĩ tetã oñemoĩva cherehe.

Joel 1:4

Pe tuku aty tenondegua oñapi’ũta pende kokue peguakuéra ha upéi oúta pe tuku aty mokõiha, ha oñemondyipáta hikuái umi ohecháva guive; ha upéi oúta pe tuku aty mbohapyha oikytĩvéta ohóvo; ha ipahápe oúta gueteri pe tuku atyguasu irundyha ombyai hag̃ua hembýva guive.

Joel 2:25

Che amyengoviapa jevýta peẽme umi tuku atyguasu peteĩ, mokõi, mbohapy ha irundyha ho’upava’ekue, Che voi ambouva’ekue umía pendeári.

Nahum 3:15

Upeichavéramo jepe pe tata nembokusuguepáta, pe kyse puku ndejukáta. Nembososóta tukúicha, penderetaite ramojepe.

Nahum 3:17

Umi ne mburuvicha ha nde poguasukuéra ojogua tuku atýpe oguapy joáva pe kora yvyraguiguávape araro’y aja, osẽvo pe kuarahy ohopa, ha ndojekuaavéima mo’õpa opyta.

Lúcas 10:19

Peikuaa porãke, Che pombopu’akáta pepyrũ hag̃ua mbói ha alacran rehe, ha pendepu’aka hag̃ua Satana rehe, ha’e katu ndaikatúi ojapo mba’eve ivaíva penderehe.

Deuteronómio 8:15

Ha’e penemboguatava’ekue peteĩ desiérto tuicha ha oporomongyhyjéva rupi, henyhẽva mbói pochy ha alacrángui, upépe ndaipóri y, Ha’e katu oguenohẽ peẽme y peteĩ ita hatãvagui.

Apocalípsis 9:5

Ndojehejái katu ojuka hag̃ua ichupekuéra, ombohasy hag̃uánte uvei ichupekuéra 5 jasy pukukue rupi, ha pe mba’asy oñandukáva ha’ete ku alacran oporojopi ramoguáicha.

Apocalípsis 9:7

Umi tuku ojogua kavajúpe oñembosako’íva oñorãirõ hag̃uáme iñakãnguéra ári oguereko peteĩ mba’e ojoguáva peteĩ coróna oroguiguávape, ha hovakuéra kuimba’e rováicha.

Juéces 7:12

Ha umi Madiaygua, Amalecgua ha umi kuarahyresẽ gotyogua ñemoñarenguéra ojepyso joa pe yvypépe tukúicha, hetaitereígui, ha ikamellokuéra ndaikatúi ojepapa, hetaitereígui ku yvyku’i yguasu rembe’y peguáicha.