Apocalípsis 9:1

Ñanderuete Ñe’ẽ Porã 2015

Ha pe yvága rembiguái 5-ha ombopúvo ituru ahecha peteĩ jasytata ho’áva áragui yvýpe, ha oñeme’ẽ ichupe pe yvykua pypukuete lláve.

Referencias Cruzadas

Isaías 14:12

Mba’eichaite piko re’a áragui nde, mbyja ko’ẽ megua, nde. Rejeity yvyete rehe, nde remokangypava’ekue ambue tetãnguérape.

Lúcas 10:18

Hesu katu he’i ichupekuéra: Che ahechava’ekue Satana, aratirícha ho’a ramo yvágagui.

Lúcas 8:31

Ha ha’ekuéra ojerure asy Hesúpe ani hag̃ua omondo ichupekuéra añaretã ruguápe.

Romayguakuérape 10:7

Térã: Mávapa oguejýta yvy hugua’ỹme, kóva ningo he’ise: Ogueru jevy hag̃ua Hesu Crísto omanova’ekue apytégui (Deuteronómio 30,12-13).

Apocalípsis 1:18

pe aikovéva, ajejukava’ekue ha péina aikove ára atyguasukuéra guive umi ára atyguasurãnguéra peve ha Che poguýpe oĩ pe ñemano ha pe añaretã rokẽ lláve.

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.

Apocalípsis 11:7

Ha ha’ekuéra ojapopávo hembiapo, pe mymba vai ojupíta pe yvykua pypukuetégui (yvypore’ỹgui) oñorãirõ hag̃ua hendivekuéra ha ombopoguy rire, ojukáta ichupekuéra.

Apocalípsis 17:8

Upe mymba rehecha oikova’ekue ha upéi ndaiporivéima, ojupi jevyva’erã pe yvykua pypukuetégui oñehundi jevy hag̃ua; ha umi tetãygua réra ojehai’ỹva pe tekovete kuatiañe’ẽme ipy’andyipáta ohechávo upe mymbápe, oikómiva ha ndaiporivéima ha upéi ou jevy.

Apocalípsis 20:1

Ha che, Juan, ahecha peteĩ yvága rembiguái oguejýva yvágagui, ipópe oĩ pe yvykua pypukuete rehegua lláve ha peteĩ cadéna tuicháva,

Apocalípsis 20:10

Ha Satana, pe tapia ombotavýmiva ichupekuéra, oñemombo pe lágo hendyhápe tata ha azúfre, oĩháme avei upe mymba ha proféta japu. Upépe ohasa asyetéta ára ha pyharépe ára atyguasu guive ára atyguasu peve g̃uarã (tapia g̃uarã).

Apocalípsis 6:13

Ha jasy tatakuéra ho’a áragui yvy ape ári, hígo aky okuirõguáicha yvytu hatã oityvyro jave.

Apocalípsis 8:10

Ha pe yvága rembiguái mbohapyha ombopúvo ituru peteĩ jasytata ndetuicha hendýva tata rendýicha ho’a áragui ha ho’a opaite ysyry ha yvu párte mbohapyha ári.

Apocalípsis 8:12

Ha pe yvága rembiguái irundyha ombopúvo ituru pe kuarahy párte mbohapyha ha pe jasy párte mbohapyha ha umi jasytata párte mbohapyha iñypytũmba ha ndohesapevéi pe ára, ha upéicha avei pe pyhare párte mbohapyha.

Apocalípsis 8:2

Ha ahecha umi 7 yvága rembiguái oñembo’ýva Ñanderuete renondépe, ha oñeme’ẽ ichupekuéra 7 turu.

Apocalípsis 9:2

Ha ha’e oipe’ávo pe yvykua pypukuete (yvypore’ỹ) rokẽ ojupi tatatĩ ha omoypytũmba pe kuarahy ha pe ára.