Apocalípsis 8:8

Ñanderuete Ñe’ẽ Porã 2015

Ha pe yvága rembiguái mokõiha ombopúvo ituru ho’a peteĩ mba’e ndetuichaitéva yguasúpe, peteĩ mba’e ojoguáva cérro hendývape, ha pe yguasu pegua párte mbohapyhágui oiko tuguy.

Referencias Cruzadas

Jeremías 51:25

Péina ápe, Che apu’ã nderehe, nde, peteĩ cérro oporohundipava’ekue, he’i pende Ruete, rehundipahaguére tetãnguérape; ko’ág̃a katu Che aipysóta che po nderehe, ha rombyapajeréita cerrorusu guive, ha ndehegui ajapóta peteĩ cérro okaipáva.

Ezequiel 14:9

Ha pe proféta ombohasa ramo peteĩ ñe’ẽ añetegua’ỹva, he’ívo Che voi, pende Ruete, amoĩ hague ko ñe’ẽ kóva ipy’apýpe, upepete Che aipysóta che po hese, ha ahundíta ichupe che retã Israel apytégui.

Amos 7:4

Ñanderuete koichagua mba’e ohechauka chéve: Peikuaa porãke, Ñanderuete, pe Jaraitéva, penembojovake hag̃ua ohenóita tata, ha pe tata ombohypáta pe yguasu ha ho’upáta avei pende kokue.

Zacarías 13:8

Israelguakuéra oñemboja’óta mbohapy atyguasu ijojávape, he’i Ñanderuete, mokõi atyguasu joja tenondeguáva oñehundíta, ha pe atyguasu joja mbohapyha katu hembyva’erãnte oikove hag̃ua Israel retãme.

Zacarías 13:9

Ha pe atyguasu mbohapyha amoingéta tatápe, ha amboykúta ichupekuéra ku pláta oñemboyku háicha, amopotĩ hag̃ua iky’akuégui. Upérõ ohenóita hikuái che rérape ha Che ahendúta ichupekuéra ha ha’éta: Israel che retãtee, ha ha’ekuéra he’íta ángel atykuéra Jára, ore Ruete voi ningo Nde.

Márcos 11:23

Añetéko ha’e peẽme, oimérõ he’íva ko cérrope: Epu’ã ha ejeity yguasúpe, ha ndaipy’a mokõiri, oguerovia ramo uvei oikotaha pe he’íva, upéva katuete oikóta ichupe g̃uarã.

Apocalípsis 11:6

Ko’ã techahare ipu’aka ojoko hag̃ua araikuéra ani hag̃ua oky, umi ára ha’ekuéra oprofetiza (omomarandu) aja, ha’ekuéra ipu’aka avei y rehe ojapo hag̃ua ichugui tuguy, ha ipu’aka avei hikuái ombohasa asy hag̃ua heta jevy tetãyguakuérape opaichagua plága rupi, ha’ekuéra oipotaha peve.

Apocalípsis 12:4

Huguáipe ombotyryry jasytata apytégui mbohapyha párte (vore) ha oity yvy ári. Ha pe tejujagua oñembo’y pe kuña imembymbotáva renondépe, ha imembývo omokõ hag̃ua imembýpe.

Apocalípsis 8:7

Ha pe yvága rembiguái peteĩha ombopúvo ituru ho’a yvy ári amandáu ha tata ojehe’áva tuguy reheve, ha okái pe yvy párte mbohapyha (vore mbohapyha) yvy apégui, ha pe yvyra párte mbohapyha ha opaichagua kapi’i hovýva okái avei.

Apocalípsis 9:15

Ha ojejorávo umi irundy yvága rembiguáipe oñembosako’íva pe hóra, pe ára, pe jasy ha pe áñope g̃uarã ojuka hag̃ua tetãygua aty (vore) mbohapyhápe oikóva guive yvy apére.

Apocalípsis 9:18

Ko’ã mbohapy plága: tata, tatatĩ ha azúfre osẽva kavaju jurúgui ha’e ojuka hag̃ua opaite tetãygua aty (vore) mbohapyhápe, oikóva gueteri yvy apére.