Apocalípsis 8:7

Ñanderuete Ñe’ẽ Porã 2015

Ha pe yvága rembiguái peteĩha ombopúvo ituru ho’a yvy ári amandáu ha tata ojehe’áva tuguy reheve, ha okái pe yvy párte mbohapyha (vore mbohapyha) yvy apégui, ha pe yvyra párte mbohapyha ha opaichagua kapi’i hovýva okái avei.

Referencias Cruzadas

Salmokuéra 105:32

Ama rãngue katu ombou amandáu ha aratiri oveve hetãpy rehe.

Éxodo 9:33

Ha Moises osẽ rire faraon renda ha itávagui, oñembo’e Ñanderuetépe ha opi pe arasunu ha amandáu, ha ndokyvéi yvy apére.

Isaías 28:2

Pejapysaka porãke, Ñanderuete ombosako’íma peteĩ kuimba’e mbarete ha ipy’aguasúva, amandáuicha ho’áta pende ári ha yvytu jepokávaicha penerãirõtava ha ku ysyry hatãicha pende reitýta yvýre.

Isaías 29:6

Ñanderuete voi oúta neandúvo ára sunu reheve, yvy ryrýi ha tyapuguasu reheve, yvytu jepoka ha yvytu hatãva reheve, ha tata rendy oporombokusuguéva reheve.

Isaías 30:30

Upérõ Ñanderuete ohendukáta iñe’ẽ hatãitéva osunu ramoguáicha ha ohechaukáta ipu’akaguasu yvága pegua omboguejy ramo pochypópe pe tatarendy oporombokusuguéva yvytu jepoka reheve, aguacéro ha amandáu reheve.

Isaías 32:19

Ko’ã mba’e mboyve katu amandáu ho’áta ka’aguýpe ha Jerusalen oñembotaperéta avei.

Ezequiel 38:22

Che ahaviráta ichupekuéra mba’asy iñasãiva ha kyse puku rupi; ha amongýta amandáu, tata ha azúfre hi’arikuéra, isoldádo aty ha heta ambue tetãyguakuéra ári,

Joel 2:30

Che ahechaukáta milagrokuéra yvagakuéra ha yvýpe: Tuguy, tata ha tatatĩ.

Tiágo 1:11

Osẽvo kuarahy ha haku porã rire ipirupa pe kapi’i, ipoty ho’a ha iporãngue opa rei, upéicha avei upe heta mba’e oguerekóva opa reíta ojerovia ramo imba’e heta rehe.

Josué 10:11

Ha okañy hikuái ohóvo Israelguakuéragui, pe tape oguejýva Bethoróngui; Ñanderuete opoi avei amandáu hi’arikuéra Azeca peve, ha omano hetave hikuái amandáu rupi, Israel ñemoñarenguéra ojukava’ekuégui ikyse puku hãimbépe.

1 Pédro 1:24

Ñanderuete kuatiañe’ẽ he’i avei: Kuimba’ekuéra ha kuñakuéra oiko ka’avóicha, ha iverapy ka’avo potýicha, pe ka’avo ipiru ha ipoty ho’a, (Isaías 40,6-8).

Apocalípsis 12:4

Huguáipe ombotyryry jasytata apytégui mbohapyha párte (vore) ha oity yvy ári. Ha pe tejujagua oñembo’y pe kuña imembymbotáva renondépe, ha imembývo omokõ hag̃ua imembýpe.

Apocalípsis 16:2

Ha oho pe yvága rembiguái peteĩha ha oñohẽvo iña’ẽmbégui yvy ári, (opaite tetãyguakuéra ári) oguerekóva guive pe mymba márca térã omomba’éva ha’ãngápe, osẽ hetére peteĩ ai vaiete ha hasyetéva.

Apocalípsis 16:21

Ha amandauguasu ipohýiva 40 kílo rupi ho’a áragui tetãyguakuéra ári. Upeichavéramo jepe ha’ekuéra oñe’ẽvai Ñanderuete rehe, Ha’e ombou haguére ko plága ndetuichaitéva yvy ape ári.

Apocalípsis 6:8

Ha ama’ẽvo ahecha peteĩ kavaju sa’yju, ha pe oguapýva hi’ári oñembohéra ñemano, ha hapykuéri ouhína omanómava retãyguakuéra ha ome’ẽ ichupe pu’aka ojuka hag̃ua kyse pukúpe irundy rundýpe (pe vore cuatrohápe) opaite tetãyguakuéra oĩva guive yvy apére, ñembyahýi rupi, térã mba’asy rupi, térã mymba ñarõ rupi.

Apocalípsis 7:1

Ko’ã mba’e rire ahecha irundy yvága rembiguái oñembo’yvahína umi irundy yvy apýrape ha ojoko umi irundy yvytu yvy pegua, ani hag̃ua oipeju yvy ári, yguasu térã yvyra rakã ári.

Apocalípsis 9:15

Ha ojejorávo umi irundy yvága rembiguáipe oñembosako’íva pe hóra, pe ára, pe jasy ha pe áñope g̃uarã ojuka hag̃ua tetãygua aty (vore) mbohapyhápe oikóva guive yvy apére.

Apocalípsis 9:18

Ko’ã mbohapy plága: tata, tatatĩ ha azúfre osẽva kavaju jurúgui ha’e ojuka hag̃ua opaite tetãygua aty (vore) mbohapyhápe, oikóva gueteri yvy apére.

Apocalípsis 9:4

Ha oje’e ichupekuéra ani hag̃ua ojapovai ka’avo yvy pegua, ni ñana, ni yvyrakuéra rehe, umi tetãyguakuérape oguereko’ỹva isyváre Ñanderuete ra’ãnga jopyha (márca) rehénte uvei.