Apocalípsis 8:3

Ñanderuete Ñe’ẽ Porã 2015

Upérõ ou ambue yvága rembiguái ha oñembo’y pe kuave’ẽmby renda renondépe, ipópe oguereko peteĩ mba’yru oroguiguáva omohatatĩ hag̃ua mba’e hyakuã porãva, ha oñeme’ẽva’ekue ichupe, heta mba’e hyakuã porãva oikuave’ẽ ha oñembojehe’a hag̃ua heko potĩva ñembo’e reheve pe kuave’ẽmby renda oroguiguáva ári, oĩva pe guapyhaguasu renondépe.

Referencias Cruzadas

1 Réyes 7:50

ña’ẽnguéra, ijetapakuéra, vasokuéra, cucharakuéra, umi mba’yru myatatĩha oroguiguáva, haórogui ojejapo avei umi viságra ojeporúva umi mokõi Ñanderuete róga kotyguasu rokẽ rehe g̃uarã.

Salmokuéra 141:2

Che ñembo’e tojupi ne renondépe ku tatatĩ hyakuã porãvaicha ha che po ahupívo ndéve g̃uarã ku kuave’ẽmby ka’aru peguáicha.

Éxodo 40:26

Omoĩ avei pe kuave’ẽmby renda oroguiguáva pe óga jojohuhápe, pe aosãingo rovái, pe kotyguasu aosãingo renondépe,

Isaías 6:6

Peteĩ yvága rembiguái oveve ha ou che rendápe ha ipópe oĩ tatapỹi hendýva, ojapyhyva’ekue kuave’ẽmby rendágui itenázape,

Ezequiel 41:22

kuave’ẽmby rendápe ojejapóva yvyrágui, ipykue ha ipukukue peteĩcha, 1,02 métro; ha ijyvatekue 1,53 métro, ijape ha itapiakuéra yvyra meme. Ha he’i chéve: Kóva ningo pe mesa oĩvahína Ñanderuete renondépe.

Amos 9:1

Ahecha Ñanderuete oñembo’y kuave’ẽmby renda oĩháme ha he’i chéve: Einupã pe okẽ pyruha rehe ha eity umi okẽ jokoha, tojeka iñakãnguéra, ha umi hembýva kyse pukúgui, Che voi ajukáta, ha ndaiporimo’ãi peteĩnte jepe oñani térã okañýtava.

Malaquías 1:11

Kuarahyresẽ guive oikeha peve oñemomba’eguasuhína che réra opaite tetãnguéra apytépe, ha oparupiete oñekuave’ẽ che rérape g̃uarã mba’e ryakuã porã ha kuave’ẽmby ipotĩva, mba’eguasúgui che réra tetãnguéra apytépe, he’i ángel atykuéra Jára.

Números 4:11

Pe kuave’ẽmby renda oroguiguáva ári omyasãiva’erã peteĩ aorã hovýva, ha oñu’ãva’erã peteĩ mo’ãha vaka y pegua pirekueguiguápe ha omoĩmbava’erã hi’yvakuéra ijargólla kuápe.

Números 7:62

ha peteĩ ña’ẽmbe’i oroguigua ipohýiva 117 grámo, henyhẽva mba’e ryakuã porãgui,

Lúcas 1:10

ha upeaja hetãyguakuéra oñembyaty okápe oñembo’e hag̃ua.

Romayguakuérape 8:34

Máva piko ikatu ocondena ichupekuéra. Hesu Crísto piko, Ha’e voi ningo omanova’ekue hendaguepekuéra, ha oikove jevy avei, ha oguapyhína avei Ñanderuete akatúape, ha ojerurevahína avei ñanderehe.

hebreoyguakuerape 7:25

Upévare Ha’e ikatu osalva avei tapia g̃uarã umi og̃uahẽvape, Ha’érupi, Ñanderuete rendápe. Hesu Crísto oikovégui tapia g̃uarã, ha’e oñembo’e iñermanokuéra rehe Ñanderuetépe.

hebreoyguakuerape 9:4

Ha pe kotyguasu ryepýpe, oñemboykéva Ñanderuetépe ha pa’iguasúpe g̃uarã oĩ: Peteĩ kuave’ẽmby renda ojehapy hag̃ua mba’e ryakuã porã, pe karameg̃ua ñembopy’apeteĩ reheguáva ojejaho’ipava’ekue órope, ha ipype oĩ peteĩ kambuchi michĩva mana reheve, Aaron yvyra po’i hokyva’ekue, ha mokõi itape umi 10 tembiapoukapy reheve,

Apocalípsis 10:1

Upéi ahecha ambue yvága rembiguái mbarete oguejýva yvágagui arai apytépe, iñakã ári oĩ pe árco de Noe (jy’y) hova omimbi kuarahýicha ha ipykuéra tata oñembo’yetévaicha.

Apocalípsis 14:18

Ha ambue yvága rembiguái osẽ pe kuave’ẽmby renda ypýgui, oñangarekóva tata rehe, ha osapukái pe oguerekóvape pe kyse puku hãimbéva ipópe ha he’i ichupe: Eikytĩ ha emono’õ parral’akuéra oĩva yvy apére, hi’ajupáma ningo.

Apocalípsis 5:8

Ha’e orecibívo pe kuatiañe’ẽ umi irundy tekove oikovéva ha umi 24 karai anciáno ojeity pe Ovechara’y renondépe ha peteĩteĩ umi karai anciáno oguereko ipópe peteĩ mbarakaguasu ha peteĩ váso oroguiguáva henyhẽva mba’e ryakuã porãgui, ko’ãva ningo umi heko potĩva ñembo’e.

Apocalípsis 6:9

Ha Ha’e oipe’ávo pe ta’ãnga jopyha 5-ha ahecha pe kuave’ẽmby renda guýpe umi ojejukava’ekuépe, omombe’u haguére Ñanderuete ñe’ẽ.

Apocalípsis 7:2

Ha ahecha ambue yvága rembiguái oúva kuarahyresẽguio, oguerekóva Ñanderuete ta’ãnga jopyha (séllo), ha osapukái hatã umi irundy yvága rembiguáipe, ha umívape oñeme’ẽ pu’aka ojapovai hag̃ua pe yvy ha yguasu rehe,

Apocalípsis 8:4

Ha pe mba’e ryakuã porã ratatĩngue ojehe’a heko potĩva ñembo’e reheve ojupi hag̃ua yvága rembiguái pógui Ñanderuete rendápe.

Apocalípsis 8:5

Upéi pe yvága rembiguái ojapyhy pe mba’yru oroguiguáva omohatatĩ hag̃ua mba’e ryakuã porã ha omyenyhẽ tatapỹigui pe kuave’ẽmby renda ratágui oity hag̃ua yvy ape ári, ha upevovete oiko arasunu, ñe’ẽpu, aratiri ha yvy ryrýi.

Apocalípsis 9:13

Ha pe yvága rembiguái 6-ha ombopúvo ituru, che, Juan, ahendu ñe’ẽpu osẽva kuave’ẽmby renda oroguiguáva ratĩ pa’ũgui, oñemohendáva Ñanderuete renondépe,