Apocalípsis 8:2

Ñanderuete Ñe’ẽ Porã 2015

Ha ahecha umi 7 yvága rembiguái oñembo’ýva Ñanderuete renondépe, ha oñeme’ẽ ichupekuéra 7 turu.

Referencias Cruzadas

Zacarías 4:10

Umi ohechakuaa’ỹva jepe ohecháta vy’apópe pe ita paha pegua Zorobabel pópe. Ha ko’ã 7 temiendy ojogua umi 7 Ñanderuete resápe, oguatáva ohóvo ko yvy apére.

Matéo 18:10

Cháke, ani pejapo’i ko’ã ojeroviaramóvape, Che ningo ha’e peẽme ijyvága rembiguaikuéra (angelkuéra) tapiaite ohecha che Ruete rova.

Matéo 24:31

Ha Ha’e omondóta yvága rembiguaikuéra turupuguasu reheve, ombyaty hag̃ua iporavopyrekuérape umi irundyve yvytúguio, pe ára apýra peteĩguio ambue ára apýra peve.

Lúcas 1:19

Upérõ pe ángel ombohovái ichupe: Che ningo Gabriel, pe oñembo’ýmiva Ñanderuete renondépe. Ha’e chembou añe’ẽ ha agueru hag̃ua ndéve ko marandu iporãva.

Lúcas 21:36

Peiko ku guárdia pyharegua oiko háicha pemaña porãvo (pemangea porãvo) opaite mba’ére pende jerére ojehúva guive. Peñembo’epeína peẽ penembarete hag̃ua, ha ani hag̃ua ho’apa avei ko’ã mba’e oútava pende’ári, ha ikatu hag̃ua peñembo’y pe yvyarigua Ra’y renondépe.

1 Corintoyguakuérape 15:52

sapy’aitépe, peteĩ tesa pirĩme, pe turu ipu (trompéta) pahápe; oñembopúvo pe trompéta Ñanderuete ñanemoingove jevýta, ha ome’ẽta ñandéve peteĩ tete ipyahúva oñembyaive’ỹva araka’eve.

1 Tesalonicayguakuérape 4:16

Hesu Crísto ouha árape oñemombáy raẽva’erã hikuái, yvága rembiguaiguasu ñe’ẽ hatã ha pe turupu (trompéta pu) rupi umi Hesu Cristopype omanova’ekuépe, oikove jevy hag̃ua,

Apocalípsis 1:4

Che, Juan, amomaitei umi 7 iglésia oĩva Ásiape: Ñanderuete tapenderovasa ha tome’ẽ peẽme pe py’aguapy oúva pe Oikovévagui, pe Oikovemívagui ha pe Ouva’erãvagui, ha umi 7 Pytu Porãgui iguapyhaguasu renondépe,

Apocalípsis 11:15

Ha pe yvága rembiguái 7-ha ombopúvo ituru oiko peteĩ ñe’ẽpu tuicháva yvágape he’íva: Yvy arigua tetãnguéra opytáma Ñanderuete ha Icrístope g̃uarã, Ha’e oisãmbyhy hag̃ua tapia g̃uarã.

Apocalípsis 15:1

Ha che, Juan, ahecha ambue techaukaha (señal) ndetuicháva ára rehe: 7 yvága rembiguái ogueraháva umi 7 plága paha, ha umíva oikopa rire opa avei Ñanderuete pochy.

Apocalípsis 16:1

Ha ahendu ñe’ẽpuguasu osẽva Ñanderuete rogaguasúgui oñe’ẽva umi 7 yvága rembiguáipe ha he’i: Tapeho ha peñohẽ yvy ári umi 7 ña’ẽmbe henyhẽva Ñanderuete pochýgui.

Apocalípsis 8:13

Ha ama’ẽvo ahecha peteĩ ñapykani ovevéva ára mbyte rupi ha ahendu he’íva ñe’ẽpuguasúpe: Angái, angái, angái umi oikóva yvy apére ohasa asyetereiva’erã umi mbohapy yvága rembiguái ombopu vove avei iturukuéra.

Apocalípsis 8:6

Ha umi 7 yvága rembiguái, peteĩteĩva oguereko ipópe peteĩ turu oñembosako’ímava ombopu hag̃ua:

Apocalípsis 9:1

Ha pe yvága rembiguái 5-ha ombopúvo ituru ahecha peteĩ jasytata ho’áva áragui yvýpe, ha oñeme’ẽ ichupe pe yvykua pypukuete lláve.