Apocalípsis 8:12

Ñanderuete Ñe’ẽ Porã 2015

Ha pe yvága rembiguái irundyha ombopúvo ituru pe kuarahy párte mbohapyha ha pe jasy párte mbohapyha ha umi jasytata párte mbohapyha iñypytũmba ha ndohesapevéi pe ára, ha upéicha avei pe pyhare párte mbohapyha.

Referencias Cruzadas

Isaías 13:10

Upévare umi mbyja ha umi mbyja aty ndohesapemo’ãvéi; ha pe kuarahy osẽngue vovénte iñypytũta, ha jasy ndohesapemo’ãvéi avei.

Isaías 24:23

Pe jasy ha pe kuarahy otĩta yvága atykuéra Járagui, ou vove Ha’e oiko hag̃ua tetã ruvichaguasu ramo Sion cérrope ha Jerusalénpe. Upérõ Ha’e oisãmbyhýta ha umi karai ancianokuéra ohecháta heko jajaipa.

Jeremías 4:23

Ama’ẽ ningo yvy rehe, ha péina itapere ha inandipa; ha ama’ẽ ára rehe, ha ndaiporivéima pe tesape.

Joel 2:10

henondépe oryryipáta pe yvy, iñangekõita umi yvága, kuarahy ha jasy iñypytũmbáta, ha mbyjakuéra nahendymo’ãvéi.

Joel 2:31

Pe kuarahy iñypytũta ha jasýgui oikóta tuguy, og̃uahẽ mboyve Ñanderuete araguasuete ha oporomongyhyjeitéva.

Joel 3:15

Iñypytũmbava’erã pe kuarahy ha pe jasy, ha mbyjakuéra nahendymo’ãvéima.

Amos 8:9

Ojehuva’erã upe ára upévape, he’i pende Ruete, Che amoingéta pe kuarahy asaje pytépe ha amog̃uahẽta pe pyhare ára sakãme.

Matéo 24:29

Ha aipo jehasa asyguasu rire, pe kuarahy iñypytũmbava’erã, ha pe jasy ndohesapemo’ãvéi, ha mbyjakuéra ho’áta áragui, ha yvagakuéra pu’aka oñemongu’epava’erã.

Matéo 27:45

Ha asajete guive (las 12 hóra) ka’aru mbyte peve (las 3) iñypytũmba yvy ape ári.

Márcos 13:24

Umi árape, upe angekõi ndetuicháva rire, kuarahy iñypytũta, ha jasy ndohesapemo’ãvéi.

Márcos 15:33

Ha og̃uahẽvo pe hóra 6-ha iñypytũmba yvy apére hóra 9-ha peve.

Lúcas 21:25

Upérõ ojehechava’erã techaukaha (señal) kuarahy, jasy ha jasytata rehe, ha yvy apére oñemyasãita ohóvo kyhyjeguasu tetãnguéra apytépe pe yguasu ipochyetégui ha umi yapenúgui ijyvate.

Apostolkuéra 2:20

pe kuarahy oñemoambuéta iñypytũmba peve, ha jasýgui oikóta tuguy, ko’ã mba’e oikóta Hesu Crísto ára ojajaipáva og̃uahẽ mboyve.

2 Corintoyguakuérape 4:4

Ha péva ojehu ko yvy jára (Satana) omohesatũgui ipensamientokuéra, ani hag̃ua ohecha pe tesape oúva Hesu Crísto reko jajaipa ha iñe’ẽ porãitégui, Hesu Crísto ningo Ñanderuete ra’ãnga voi.

Apocalípsis 12:4

Huguáipe ombotyryry jasytata apytégui mbohapyha párte (vore) ha oity yvy ári. Ha pe tejujagua oñembo’y pe kuña imembymbotáva renondépe, ha imembývo omokõ hag̃ua imembýpe.

Apocalípsis 16:10

Ha pe yvága rembiguái 5-ha oñohẽvo iña’ẽmbe upe mymba guapyhaguasu ári inypytũmba ha’e oisãmbyhyha rupi, ha umi yvyarigua oisu’upa ikũnguéra jepe,

Apocalípsis 6:12

Ha ahechávo ojepe’aha pe ta’ãnga jopyha 6-ha oiko peteĩ yvyryrýi ndetuicháva, ha pe kuarahy oñemohũmbaite pyhare pytéicha, ha pe jasy oñemopytã tuguýicha.

Apocalípsis 9:15

Ha ojejorávo umi irundy yvága rembiguáipe oñembosako’íva pe hóra, pe ára, pe jasy ha pe áñope g̃uarã ojuka hag̃ua tetãygua aty (vore) mbohapyhápe oikóva guive yvy apére.

Apocalípsis 9:18

Ko’ã mbohapy plága: tata, tatatĩ ha azúfre osẽva kavaju jurúgui ha’e ojuka hag̃ua opaite tetãygua aty (vore) mbohapyhápe, oikóva gueteri yvy apére.