Apocalípsis 8:11

Ñanderuete Ñe’ẽ Porã 2015

Ha upe jasytata réra ningo ajénjo (ka’avo iroitéva) ha pe párte (vore) mbohapyha ýgui opyta iropa, ha heta tetãyguakuéra omano pe y rupi, iroitégui.

Referencias Cruzadas

Éxodo 15:23

Ha og̃uahẽvo hikuái Márape ndaikatúi hoy’u Mára pegua y, irógui; ha upévagui ombohéra hikuái pe yvy Mára (iro).

Mga Kawikaan 5:4

ha amo ipahakuévo katu iro ajenjóicha (ahenhóicha), hakua ku kyse puku hãimbe jováivaicha,

Jeremías 23:15

Upévarehe, Che, Yvága Atykuéra Jára, ha’e umi proféta rehe: Peikuaa porãke, Che ha’ukáta ichupekuéra mba’ero, ha amboy’ukáta ichupekuéra pohã vai (ponzóña); umi proféta Jerusalen peguágui oñemosarambi voi pe teko ñañáme oñemyasãiva hetãpy rehe.

Jeremías 9:15

Upévare, péicha he’i, Yvága Atykuéra Jára, Israel Jára: Ema’ẽ porãke, ko tetã kóvape Che ha’ukáta ajénjo (peteĩ ñana iróva), ha amboy’ukáta ichupekuéra mba’ero rykuere.

Lamentaciónes 3:19

Nemandu’amína che jehasa asy ha che jepy’apy pohýi rehe, ha pe mba’e iroitéva ha pe pohã vai rehe,

Lamentaciónes 3:5

Ombyaty che jerekuévo jehasa asy ha jejopy vaímante.

Amos 5:7

Pembojovake porã rãngue, pejapo mba’e iróva, peitýgui yvy rehe pe justícia.

Amos 6:12

Oñanikuaa piko umi kavaju itaguasu ári térã umi guéi piko oyvymbovokuaánepa (oara) itaguasukuéra ári. Peẽ pemoambue pe justícia pohã vaípe, ha pe justicia’a mba’e iróvape.

Zacarías 13:8

Israelguakuéra oñemboja’óta mbohapy atyguasu ijojávape, he’i Ñanderuete, mokõi atyguasu joja tenondeguáva oñehundíta, ha pe atyguasu joja mbohapyha katu hembyva’erãnte oikove hag̃ua Israel retãme.

Zacarías 13:9

Ha pe atyguasu mbohapyha amoingéta tatápe, ha amboykúta ichupekuéra ku pláta oñemboyku háicha, amopotĩ hag̃ua iky’akuégui. Upérõ ohenóita hikuái che rérape ha Che ahendúta ichupekuéra ha ha’éta: Israel che retãtee, ha ha’ekuéra he’íta ángel atykuéra Jára, ore Ruete voi ningo Nde.

Deuteronómio 29:18

Aníke oikótei pende apytépe kuimba’e térã kuña, ogaguasu térã tríbu ko árape oñemboykéva ipy’apýpe Jahve, Ñanderuetégui oho hag̃ua omomba’eguasu ambue tetã jarakuérape; ani oĩ omoheñóiva ka’avo rapo pochy ha pohã vai pende apytépe.

hebreoyguakuerape 12:15

ha peñangareko porãke ani hag̃ua avave pende apytépe omboyke Ñanderuete mborayhu ni ijopói (Hesu Crísto) ha péva ojehúta peiko ramo py’arópe pende rapicha ndive, koichagua teko ningo penemongy’a ha penemyangekõi ha ováta heta hapicha rehe.

Apocalípsis 12:4

Huguáipe ombotyryry jasytata apytégui mbohapyha párte (vore) ha oity yvy ári. Ha pe tejujagua oñembo’y pe kuña imembymbotáva renondépe, ha imembývo omokõ hag̃ua imembýpe.

Apocalípsis 8:7

Ha pe yvága rembiguái peteĩha ombopúvo ituru ho’a yvy ári amandáu ha tata ojehe’áva tuguy reheve, ha okái pe yvy párte mbohapyha (vore mbohapyha) yvy apégui, ha pe yvyra párte mbohapyha ha opaichagua kapi’i hovýva okái avei.

Apocalípsis 9:15

Ha ojejorávo umi irundy yvága rembiguáipe oñembosako’íva pe hóra, pe ára, pe jasy ha pe áñope g̃uarã ojuka hag̃ua tetãygua aty (vore) mbohapyhápe oikóva guive yvy apére.

Apocalípsis 9:18

Ko’ã mbohapy plága: tata, tatatĩ ha azúfre osẽva kavaju jurúgui ha’e ojuka hag̃ua opaite tetãygua aty (vore) mbohapyhápe, oikóva gueteri yvy apére.

Rut 1:20

Ha ha’e ombohovái jepi ichupekuéra: Anive chembohéra Noemi (he’ise ojehayhúva), pejénte Mára (he’ise iróva), Ñanderuete chemyenyhẽgui ñembyasy iróvagui.