Apocalípsis 8:10

Ñanderuete Ñe’ẽ Porã 2015

Ha pe yvága rembiguái mbohapyha ombopúvo ituru peteĩ jasytata ndetuicha hendýva tata rendýicha ho’a áragui ha ho’a opaite ysyry ha yvu párte mbohapyha ári.

Referencias Cruzadas

2 Crónicas 32:3

oporandu mburuvichakuérape ha ipoguypegua kuimba’e ipy’aguasúvape, iporãpa ojejaty ramo umi yvu oĩva táva tápia mboypýri; ha ha’ekuéra omoneĩ.

Isaías 12:3

Vy’apópe peguenohẽva’erã y pe salvacion yvúgui.

Isaías 14:12

Mba’eichaite piko re’a áragui nde, mbyja ko’ẽ megua, nde. Rejeity yvyete rehe, nde remokangypava’ekue ambue tetãnguérape.

Zacarías 13:8

Israelguakuéra oñemboja’óta mbohapy atyguasu ijojávape, he’i Ñanderuete, mokõi atyguasu joja tenondeguáva oñehundíta, ha pe atyguasu joja mbohapyha katu hembyva’erãnte oikove hag̃ua Israel retãme.

Zacarías 13:9

Ha pe atyguasu mbohapyha amoingéta tatápe, ha amboykúta ichupekuéra ku pláta oñemboyku háicha, amopotĩ hag̃ua iky’akuégui. Upérõ ohenóita hikuái che rérape ha Che ahendúta ichupekuéra ha ha’éta: Israel che retãtee, ha ha’ekuéra he’íta ángel atykuéra Jára, ore Ruete voi ningo Nde.

Matéo 25:1

Ñanderuete retãguasu ojoguaite 10 kuñataĩme, ojapyhýva hataindynguéra ha osẽva ojohu hag̃ua pe menarãme.

Lúcas 10:18

Hesu katu he’i ichupekuéra: Che ahechava’ekue Satana, aratirícha ho’a ramo yvágagui.

Júdas 1:13

Ojogua hikuái y pochýpe (ypenu) ombohyjúiva imba’e ky’akuéra y rembe’ýpe, térã jasytata osẽva’ekue hapégui, vevépe oho hag̃ua tapia g̃uarã pytũmbýpe.

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.

Apocalípsis 12:4

Huguáipe ombotyryry jasytata apytégui mbohapyha párte (vore) ha oity yvy ári. Ha pe tejujagua oñembo’y pe kuña imembymbotáva renondépe, ha imembývo omokõ hag̃ua imembýpe.

Apocalípsis 14:7

hatã oñe’ẽ ha he’i: Pekyhyje Ñanderuetégui ha pemomba’eguasu ichupe, Ha’e voi ningo ojapova’ekue pe ára ha yvy, yvukuéra ha yguasu.

Apocalípsis 16:4

Ha pe yvága rembiguái mbohapyha oñohẽvo iña’ẽmbégui ysyry ha yvukuérape oiko avei ichugui tuguy.

Apocalípsis 6:13

Ha jasy tatakuéra ho’a áragui yvy ape ári, hígo aky okuirõguáicha yvytu hatã oityvyro jave.

Apocalípsis 8:7

Ha pe yvága rembiguái peteĩha ombopúvo ituru ho’a yvy ári amandáu ha tata ojehe’áva tuguy reheve, ha okái pe yvy párte mbohapyha (vore mbohapyha) yvy apégui, ha pe yvyra párte mbohapyha ha opaichagua kapi’i hovýva okái avei.

Apocalípsis 9:1

Ha pe yvága rembiguái 5-ha ombopúvo ituru ahecha peteĩ jasytata ho’áva áragui yvýpe, ha oñeme’ẽ ichupe pe yvykua pypukuete lláve.

Apocalípsis 9:15

Ha ojejorávo umi irundy yvága rembiguáipe oñembosako’íva pe hóra, pe ára, pe jasy ha pe áñope g̃uarã ojuka hag̃ua tetãygua aty (vore) mbohapyhápe oikóva guive yvy apére.

Apocalípsis 9:18

Ko’ã mbohapy plága: tata, tatatĩ ha azúfre osẽva kavaju jurúgui ha’e ojuka hag̃ua opaite tetãygua aty (vore) mbohapyhápe, oikóva gueteri yvy apére.

Juéces 15:11

Ha oñembyaty 3.000 kuimba’e Judaygua oho hag̃ua Etam itakuaguasúpe, Sanson rendápe, ha he’i hikuái ichupe: Ndépa ndereikuaái umi Filisteaygua orembopoguy hague. Mba’érehe piko rejapo orerehe ko’ã mba’e. Ha Sanson he’i ichupekuéra: Che ajapo hesekuéra ha’ekuéra ojapo haguéicha cherehe.