Apocalípsis 8:1

Ñanderuete Ñe’ẽ Porã 2015

Ha oipe’ávo pe ta’ãnga jopyha (séllo) 7-ha okirirĩmbaite opavave oĩva guive yvágape média hóra rupi.

Referencias Cruzadas

Job 4:16

Peteĩ ta’ãnga oñembo’y che resa renondépe, ndahecha porãmbái katu, ha mbegue ahendu peteĩ oñe’ẽva chéve:

Salmokuéra 37:7

Ekirirĩ Ñanderuete renondépe, ha ejerovia hese. Ani ndepochýtei rehecha ramo iñanáva rapére oĩ po’a poty.

Salmokuéra 62:1

Ñanderuete ndivénte che ánga opytu’ukuaa, ichuguínte ou chéve ñepytyvõ.

Habacuc 2:20

Ñanderuete katu oĩ hogaguasúpe. Tokirirĩke henondépe opavave oikóva guive ko yvy apére.

Zacarías 2:13

Opaite tetãyguakuéra tokirirĩ Ñanderuete renondépe, Ha’e opu’ãmagui osẽ hag̃ua hekoha porãitégui.

Matéo 27:66

Ha oho hikuái ha omoĩ umi tahachikuérape oñangareko hag̃ua Hesu tyvy rehe, pe itaguasu rehe (ombotýva ityvy juru) ha omoha’ãnga hese imárca (iséllo, ani hag̃ua avave oipe’a ichupe).

Apocalípsis 5:1

Ha che ahecha pe guapyhápe Oguapýva po akatúape peteĩ kuatiañe’ẽ apakuapýicha, ha hese oĩ ñe’ẽ hyepývo ha okávo ha oñembotýva 7 ta’ãnga jopyhápe (séllope).

Apocalípsis 5:9

Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.

Apocalípsis 6:1

Ha ahecha pe Ovechara’y oñepyrũ ramo oipe’a pe ta’ãnga jopyha peteĩha, ha upevove ahendu peteĩva umi irundy tekove oikovéva apytégui he’írõ arasunu ñe’ẽpúpe: Eju.

Apocalípsis 6:12

Ha ahechávo ojepe’aha pe ta’ãnga jopyha 6-ha oiko peteĩ yvyryrýi ndetuicháva, ha pe kuarahy oñemohũmbaite pyhare pytéicha, ha pe jasy oñemopytã tuguýicha.

Apocalípsis 6:3

Ha Ha’e oipe’ávo pe ta’ãnga jopyha mokõiha, ahendu pe tekove oikovéva mokõiha he’i: Eju.

Apocalípsis 6:5

Ha Ha’e oipe’ávo pe ta’ãnga jopyha mbohapyha, ahendu pe tekove oikovéva mbohapyha he’i: Eju. Ha ama’ẽvo ahecha peteĩ kavaju hũ, ha pe oguapýva hi’ári oguereko ipópe peteĩ balánza.

Apocalípsis 6:7

Ha Ha’e oipe’ávo pe ta’ãnga jopyha irundyha ahendu pe tekove oikovéva irundyha he’i: Eju.

Apocalípsis 6:9

Ha Ha’e oipe’ávo pe ta’ãnga jopyha 5-ha ahecha pe kuave’ẽmby renda guýpe umi ojejukava’ekuépe, omombe’u haguére Ñanderuete ñe’ẽ.