Apocalípsis 7:9

Ñanderuete Ñe’ẽ Porã 2015

Ko’ã mba’e rire ama’ẽ ha ahecha peteĩ atyguasu avave ndaikatúiva oipapa, opaichagua ñe’ẽ, tríbu ha tetãgui, oñembo’yvahína pe guapyhaguasu ha pe Ovechara’y renondépe, oñemondéva ao morotĩme ha ipópe ojoko hikuái pindo rogue.

Referencias Cruzadas

Genesis 13:16

Ha ambohetáta ne ñemoñarenguéra yvyku’ícha; ha oĩ ramo peteĩ oipapakuaáva pe yvyku’i ko yvy apére, péva oipapakuaáta avei ne ñemoñarenguérape.

Genesis 49:10

Avave ndoipe’amo’ãi huvicha reko ha avave ndoitymo’ãi ichupe imburuvichaguasu guapyhágui, ou peve Siloh oñeme’ẽva’erãvape ha Ha’e oguapýta imburuvichaguasu guapyhápe ha henondépe oñembyatypava’erã tetãnguérape.

Salmokuéra 2:8

Ejeruréna chéve ha ame’ẽta ndéve umi tetãnguéra, ne mba’etee ramo pe yvy rembe’y paha peve.

Salmokuéra 22:27

Oikovéva guive imandu’a joáta ha oupa jevýta Ñanderuete rendápe ha opaite tetãnguéra yvy paha guive oúta omomba’eguasu hag̃ua ichupe.

Salmokuéra 76:4

Nde pu’aka ojajái mbarete ha ituichave umi cérrogui.

Salmokuéra 77:2

Ajepy’apyete jave aheka Ñanderuetépe, apytu’u’ỹre amopu’ã che po ichupe g̃uarã pyhare pukukuépe, ha che ánga noñemoangapyhyséi.

Salmokuéra 98:3

Ha’e imandu’a iporiahuvereko rehe ha iñe’ẽ añetegua rehe Israel ndive g̃uarã, opaite yvyarigua yvy apýra peve ohecháta Ñanderuete salvacion rembiapo.

Jeremías 16:19

Nde, che Ruete, chembopu’akáva ha chemombaretéva, Nde ningo che mo’ãha pe jepy’apy vaiha árape, heta tetã ou joava’erã ne rendápe yvy apýra guive ha he’i joava’erã hikuái: Añetehápe ore rukuéra orembo’e roporombotavy hag̃ua ha ijára gua’u noipytyvõkuaái ichupekuéra.

Jeremías 3:17

Umi ára umívape Jerusalénpe oñembohérata: Ñanderuete guapyha renda, ha umi tetã ou joáta Jerusalénpe omomba’eguasu hag̃ua pende Ruetépe; ha ndoikomo’ãvéi hikuái ipy’a hatã ñañáva rapykuéri.

Ezequiel 47:5

Ha oha’ã jevy 510 métro, ha oikóma ichugui peteĩ ysyry nderypýva, okakuaágui pe ysyry ndaikatuvéima ahasa, ytahápemante.

Daniel 4:1

Upéicha che, Nabucodonosor, amoherakuã opaite tetãnguérape ha opaichagua tetã oñe’ẽva ambue ñe’ẽme ko yvy apére oikóva guive: Py’aguapy toñemboheta hetave peẽme.

Daniel 6:25

Upéramo tetã ruvicha Darío ohai kuatiañe’ẽ tetãnguéra maymávape oikóva guive hetãguasu poguýpe ha he’i: Py’aguapy toñemboheta hetave peẽme,

Oséas 1:10

Upéicharamo jepe og̃uahẽta katuete pe ára Israel ra’ykuéra oñemboheta jevýta yvyku’i yguasu rembe’y peguáicha, ndaikatúiva oñeha’ã térã ojepapa. Ko’ág̃a oje’e peẽ ndaha’eveimaha che retãteéva, og̃uahẽ jevýta katuete pe ára oje’etaha peẽme: Peẽ pende Ruete oikovéva ra’ykueraha.

Levítico 23:40

Ha pe ñepyrũha árape pembyatýta yvyrarakã iporãva hi’a reheve, pindo rakã, yvyra rakãnguéra ikuarahy’ã porãva, ha sáuce (yvyra rakã pukuete) umi yakã rupiguaréva, ha pevy’a joáta pende Ruete, pende Jára renondépe 7 ára pukukue.

Zacarías 10:8

Che ahenóita ichupekuéra peteĩ turu pu rupi, ambyatypáta ha aguenohẽta ijejopy vaígui, ha oñemboheta hetavéta hikuái ymaguaréicha.

Zacarías 2:11

Ha heta tetã ojoajuva’erã pende Ruete ndive upe ára upévape, ha oikóta hikuái avei che retã ramo, ha Che aikóta ijapytepekuéra, upéramo peikuaáta ángel atykuéra Jára chembou hague pene rendápe.

Lúcas 12:1

Upéramo heta Israelgua oñembyaty opyrũmba peve ojuehe, ha Hesu he’i hemimbo’ekuérape: Cháke, peñeñangarekóke fariséo levadúragui, kóva ningo tova mokõi.

Lúcas 21:36

Peiko ku guárdia pyharegua oiko háicha pemaña porãvo (pemangea porãvo) opaite mba’ére pende jerére ojehúva guive. Peñembo’epeína peẽ penembarete hag̃ua, ha ani hag̃ua ho’apa avei ko’ã mba’e oútava pende’ári, ha ikatu hag̃ua peñembo’y pe yvyarigua Ra’y renondépe.

Juan 12:13

oikytĩ hikuái pindo rogue, ha osẽ ohug̃uaitĩ hag̃ua sapukaipópe ichupe, he’ívo: Ore Jára yvateguáva orepytyvõna, ha toñemomba’eguasu pe oúva Ñanderuete rérape, Israel retã ruvichaguasu.

Romayguakuérape 11:25

Che hermanokuéra, aipota peẽ peikuaa porã ko mba’e ñemi kóva: Ani peẽ peimo’ã penearanduha: Israel retã oñembopy’a hatãta oikepa peve opaite tetã ambueyguakuéra apytégui umi ojesalvava’erãvante.

Efesoyguakuérape 6:13

Upévare peiporu porãke opaite Ñanderuete ñorãirõ rembiporukuéra peẽ ikatu hag̃ua peropu’akapa, og̃uahẽ ramo pe ára vai ha Satana pende reityse ramo iñuhãme.

hebreoyguakuerape 11:12

Upévare Abraham itujaitereíma ramojepe ita’yra hag̃ua, uperire iñemoñare hetaiterei ku jasytatáicha oĩva árare, ha yvyku’i yguasu rembe’y peguáicha, ndaikatúiva ojepapa.

hebreoyguakuerape 12:22

Peẽ katu peñemboja uvei cérro Sion rehe, Ñanderuete oikovéva tavaguasu rehe, ha’eha pe Jerusalen yvága pegua ha peg̃uahẽ 10.000-kuéra yvága rembiguaikuéra rendápe,

Apocalípsis 11:15

Ha pe yvága rembiguái 7-ha ombopúvo ituru oiko peteĩ ñe’ẽpu tuicháva yvágape he’íva: Yvy arigua tetãnguéra opytáma Ñanderuete ha Icrístope g̃uarã, Ha’e oisãmbyhy hag̃ua tapia g̃uarã.

Apocalípsis 22:3

Upépe ndaiporivéima mba’eve oñemaldecipyréva. Ñanderuete ha pe Ovechara’y guapyhaguasu oĩ ipype, ha hembiguaikuéra oservíta ichupe.

Apocalípsis 3:18

Upévare Che ha’e ndéve ejogua chehegui óro ñemopotĩmbyréva neñemotĩetéi hag̃ua, ejogua chehegui ao morotĩ reñemonde hag̃ua, ani hag̃ua ojehecha ndeopivoha ha reñemotĩete, ejogua avei chehegui tesa pohã reñepohãno hag̃ua ha rehecha porã jey hag̃ua.

Apocalípsis 4:4

Ha pe guapyhaguasu jerekuévo oĩ ambue 24 guapyha, ha hi’ári oguapy 24 karai ancianokuéra oñemondéva ao morotĩme, ha iñakãnguéra rehe oĩ akã jeguaka (coróna) oroguiguáva.

Apocalípsis 5:11

Ha ama’ẽ ahendu hetave 100.000.000 (100 millónes) yvága rembiguái (ángel) ñe’ẽpu pe guapyhaguasu jerekuévo, oĩháme avei umi 4 tekove oikovéva ha umi karai ancianokuéra,

Apocalípsis 5:9

Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.

Apocalípsis 6:11

Ha oñeme’ẽ ichupekuéra peteĩteĩme ao morotĩ, ha oje’e ichupekuéra opytu’umive hag̃ua mbovy arami oĩmba peve umi ojejukavéta avei ha’ekuéraicha, iñermanokuéra ha iñirũnguéra apytégui.

Apocalípsis 7:8

Zabulon tríbugui 12.000, Jose tríbugui 12.000, Benjamin tríbugui 12.000.