Apocalípsis 7:3

Ñanderuete Ñe’ẽ Porã 2015

ha ha’e he’i ichupekuéra: Anítei pejapovai yvy térã yguasu térã yvyra rakã rehe, ñamota’ãngapa (ñamarca) peve Ñanderuete rembiguaikuéra isyva rehe.

Referencias Cruzadas

Éxodo 12:13

Ha pe tuguy oikóta peẽme g̃uarã techaukaha ramo mamo pende rogaygua peikohápe; ha ahecha ramo pe tuguy ahasáta pendehegui, péicha napenderupitymo’ãi pe jehavira, Che ajukauka jave Egípto retãyguakuérape.

Éxodo 12:23

Ñanderuete ohasáta ojuka hag̃ua Egiptoyguakuérape ha ohechávo tuguy pende rokẽ yvate rehe ha mokõive horcon rehe, Ha’e ohasáta pene rokẽ renonde rupi, ha ndohejamo’ãi pe oporojukáva oike pende rógape.

Isaías 27:8

Ñanderuete ohaviráta ichupekuéra, ha’ekuéra oñemboyke haguére Ijáragui. Ha’e oguerova ichupekuéra ijyvytu’atã rupi oúva kuarahyresẽguio.

Isaías 54:17

Mba’eveichagua ñorãirõ rembiporu oñemopu’ãva nderehe nanderupitymo’ãi ha opaichagua juru oñe’ẽvaíva nderehe nde voi remboykéta, ko’ã mba’e pende Ruete voi ojapo hembiguaikuérape g̃uarã ha che jehovasa omoirũ avei ichupekuéra.

Isaías 6:13

Ha ipype hemby ramo gueteri 10 100-gui, ko’ãva apytépe oĩve oñehu-ndi jevyva’erãva; oñekytĩ ramoguáicha umi yvyra tuicháva ha opytánte imatakue, kóa hoky jevýta. Upeichaite avei ojehúta ko tetã kóvape, umi hembymimívagui katu okakuaa jevýta peteĩ tetã ndetuicháva.

Isaías 65:8

Péicha pende Ruete he’i: Parral’a hykue guive, oje’e, naiporãi ojeheja oñehundi rei, oĩgui pende Ruete jehovasa ipype, péicha Che ajapóta avei che retã rehe, nahundipamo’ãi katu.

Ezequiel 9:4

ha he’i ichupe: Ehasa pe táva mbyte rupi, Jerusalen mbyte rupi, ha emoĩ peteĩ techaukaha (márca) umi yvyarigua syva rehe, ojepy’apýva ha ipyahẽ asýva opaite mba’evai ojejapóva rehe ko táva ryepýpe.

Ezequiel 9:6

Pejuka tujakuéra, mitãrusukuéra, kuñataĩkuéra, mitã ha kuñakaraikuérape, nahembyvéi peve avave; ha opaite umi oguerekóva isyváre pe techaukaha napeñembojamo’ãi hesekuéra; peñepyrũ pene rembiapo pende Ruete rogaguasu guive. Ha oho hikuái ojuka hag̃ua umi kuimba’e itujávape oĩva Ñanderuete rogaguasu renondépe,

Daniel 3:17

Eikuaa porãnte, ore Jára, ore romomba’eguasúva, oreguenohẽse ramo nde ratakua hendývagui ha nde pógui, Ha’e ikatu ojapo.

Daniel 3:26

Upémaramo Nabucodonosor oñemboja pe tatakua hendýva rokẽme ha he’i: Sadrac, Mesac ha Abed-négope, peẽ ningo Yvagakuéra Jára tuichavéva rembiguái, peju ha pesẽ tatakuágui. Upérõ Sadrac, Mesac ha Abed-négo osẽ pe tata mbytégui.

Daniel 6:16

Upémaramo tetã ruvicha ogueruka Daniélpe, ha oñemombo ichupe leõ kuárape. Ha pe tetã ruvicha he’i Daniélpe: Nde Jára, máva nde reservívape tapiaite, tandesalva.

Sofonías 2:3

Peheka Ñanderuetépe peẽ peñemomirĩva guive, peẽ pejapóva guive hekoitépe hembiapoukapy, peheka justícia, peñemomirĩve pehóvo, upéicha ikatúne pejohu pytyvõ ipochyha árape.

Malaquías 3:18

Ha upépe ae pehecha porã jevýta oĩha juavy heko potĩva ha heko ky’áva apytégui, umi omomba’eguasúva Ñanderuetépe ha umi omomba’eguasu’ỹva ichupe.

Matéo 24:22

Ha umi ára umíva noñemombykyvéi ramo, avave ndojesalvamo’ãi; umi ojeporavova’ekue rehehápe katu oñemombykyvéta aipo ára aipóvape.

Matéo 24:31

Ha Ha’e omondóta yvága rembiguaikuéra turupuguasu reheve, ombyaty hag̃ua iporavopyrekuérape umi irundyve yvytúguio, pe ára apýra peteĩguio ambue ára apýra peve.

Juan 12:26

Oime ramo cheserviséva tou che rapykuéri, ha Che aimeháme upépe oĩva’erã avei che rembiguái, umi cheservívape che Ruete ombotuichava’erã.

Juan 3:33

Upe ohendúva ichupe ha ojeroviáva iñe’ẽre, upévamante omoañete Ñanderuete ñe’ẽ.

Romayguakuérape 6:22

Ko’ág̃a katu penesãsóma angaipa pu’aka poguýgui, peikógui Ñanderuete rembiguái ramo, ojehecha ambue a pende rekovépe, peñemboheko porã pehóvo ha hi’ári pehupitýta pe jeikove tapia g̃uarãva.

Apocalípsis 13:16

Ha opaite tetãyguakuérape ipo térã isyváre omoĩuka peteĩ márca, taha’e michĩva térã tuicháva, mba’eita rerekoha térã mboriahu, tembiguái térã tembiguai’ỹva.

Apocalípsis 13:17

Ha avave ndaikatúi ojogua térã ohepyme’ẽ (ovende) ndoguerekói ramo upe mymba márca, térã upe mymba réra térã inúmero, inúmero ojekuaáta héra letrakuéra rupi.

Apocalípsis 14:1

Ha ama’ẽvo, péina ahecha pe Ovechara’y oñembo’ýva cérro Sion ári ha hendive oĩ 144.000 yvyarigua oguerekóva pe Ovechara’y ha Ñanderuete réra isyva rehe.

Apocalípsis 14:9

Upéi og̃uahẽ ambue yvága rembiguái, pe mbohapyha, ha he’i ñe’ẽ hatãme: Oimeraẽ tetãygua ohejáva oñemoĩ isyva térã ipóre pe mymba márca ha omomba’eguasu ichupe térã ha’ãngápe,

Apocalípsis 19:2

Ha’émante ombojovake hekoitépe ha añetehápe. Ha’e voi ombojovakeva’ekue upe kuña reko vaípe, ombyaiva’ekue ko yvy heko ky’a rupi. Ñanderuete omyengovia hembiapo vai, ipo rupi oñohẽva’ekue Ñanderuete rembiguaikuéra ruguy.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.

Apocalípsis 22:4

Ha’ekuéra ohecháta hova, ha héra oĩta isyvakuéra rehe.

Apocalípsis 6:6

Ha ahendu umi irundy tekove oikovéva apytépe peteĩ ñe’ẽpu he’íva: Peteĩ kílo trígo oñeme’ẽ peteĩ ára rembiapo repy rehe ha mbohapy kílo cebáda peteĩ ára rembiapo repy rehe; ha acéite ha víno repýre anítei rembyai.

Apocalípsis 7:1

Ko’ã mba’e rire ahecha irundy yvága rembiguái oñembo’yvahína umi irundy yvy apýrape ha ojoko umi irundy yvytu yvy pegua, ani hag̃ua oipeju yvy ári, yguasu térã yvyra rakã ári.

Apocalípsis 7:2

Ha ahecha ambue yvága rembiguái oúva kuarahyresẽguio, oguerekóva Ñanderuete ta’ãnga jopyha (séllo), ha osapukái hatã umi irundy yvága rembiguáipe, ha umívape oñeme’ẽ pu’aka ojapovai hag̃ua pe yvy ha yguasu rehe,

Apocalípsis 9:4

Ha oje’e ichupekuéra ani hag̃ua ojapovai ka’avo yvy pegua, ni ñana, ni yvyrakuéra rehe, umi tetãyguakuérape oguereko’ỹva isyváre Ñanderuete ra’ãnga jopyha (márca) rehénte uvei.