Apocalípsis 7:2

Ñanderuete Ñe’ẽ Porã 2015

Ha ahecha ambue yvága rembiguái oúva kuarahyresẽguio, oguerekóva Ñanderuete ta’ãnga jopyha (séllo), ha osapukái hatã umi irundy yvága rembiguáipe, ha umívape oñeme’ẽ pu’aka ojapovai hag̃ua pe yvy ha yguasu rehe,

Referencias Cruzadas

2 Réyes 19:4

Ñanderuete, nde Jára ohendupánera’e opaite ñe’ẽ, Rabsaces he’imava’ekue, Asíria retã ruvicha he’iukava’ekue oñe’ẽvai hag̃ua Ñanderuete oikovéva rehe, ha iñe’ẽ rupi oñembohory asy Ñanderuetépe. Ñanderuete tohavira ichupe ha nde, Isaías, eñembo’e Judayguakuéra hembymíva rehehápe.

Cantar de los cantáres 8:6

Kuñataĩ oñe’ẽ: Erahána che ra’ãnga nde py’apýpe ha emoĩmína pe pyapykua (brazalete) nde jyva rehe; pe mborayhu imbarete ñemanóicha; ha pe ohayhúva hakate’ỹ imborayhu rehe, ku omanova’ekue retã hakate’ỹ háicha hi’angakuéra rehe. Pe mborayhu hendýma ñepyrũme tatapỹicha ha upéi okakuaa tata tuicháicha.

Isaías 41:2

Mávapa omopu’ãra’e kuarahyresẽguio peteĩ hekojojávape ou hag̃ua ipy rendápe ombopoguy hag̃ua tetãnguérape, ha omoĩ ichupe umi tetã ruvichaguasuete ramo; ikyse puku rupi omosarambi hese oñemoĩvape ku yvy timbóicha yvytu’atãme, ha iguyrapa omuña ichupekuéra ku yvyra rogue pirukuéicha yvytu’atãme.

Ezequiel 9:4

ha he’i ichupe: Ehasa pe táva mbyte rupi, Jerusalen mbyte rupi, ha emoĩ peteĩ techaukaha (márca) umi yvyarigua syva rehe, ojepy’apýva ha ipyahẽ asýva opaite mba’evai ojejapóva rehe ko táva ryepýpe.

Malaquías 3:1

Peikuaa porãke, Che amondóta che remimondo ombosako’i hag̃ua pe tape che renonderãme, sapy’aitépe oúta pende Jára peẽ peha’ãrõva hogaguasúpe ijyvága remimbou ndive, pende Ruete voi ningo he’i ko mba’e kóva.

Malaquías 4:2

Peẽ katu, pekyhyje ha pejeroviáva che réra rehe pehupitýta che justícia, ha pemimbíta ku kuarahy osẽ ramoguáicha ha ipepo rehe oguerúta pende salvacion ha pesẽta cherug̃uaitĩvo ha pepopóta vy’apópe ku vakara’ýicha osẽva ikorágui.

Matéo 16:16

Ha Simon Pédro ombohovái he’ívo: Nde ningo pe Crísto, Ñanderuete oikovéva Ra’y.

Matéo 26:63

Hesu katu okirirĩ. Ha pe pa’iguasu he’i ichupe: Che romoñe’ẽme’ẽ Ñanderuete oikovéva rérape, ere hag̃ua oréve ndépa pe Crísto, Ñanderuete Ra’y.

Juan 6:27

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

2 Corintoyguakuérape 1:22

Ha Ñanderuete ñanemarcapáma ha Ha’e ome’ẽ avei ñandéve pe Pytu Porãmbáva ñande py’apýpe adelánto (jehupityrã) ramo omoañete hag̃ua pe ñembopy’apeteĩ (jarekóva hendive).

Efesoyguakuérape 1:13

Peẽ pehendu rire pe ñe’ẽ añeteguáva, pe evangélio oporosalváva, pejerovia avei Hesu Crísto rehe ha peñemarcáma pe Pytu Porãmbávape.

Efesoyguakuérape 4:30

Ani pembopy’ambyasy Ñanderuete Pytu Porãmbávape, Ha’érupi peñemarcamava’ekue salvacion árape g̃uarã.

Deuteronómio 5:26

Ha moõpa ojehecha peteĩ kuimba’e térã kuñáme ohendúva Ñanderuete oikovéva ñe’ẽ tata rendy mbyte guive, ore rohendu haguéicha, ha oikovehina gueteri.

1 Tesalonicayguakuérape 1:9

Ha’ekuéra voi ningo omombe’úta mba’éichapa peẽ oremog̃uahẽ porãva’ekue pende apytépe ha mba’éichapa peẽ pepoi pende jára gua’úgui, pejerovia hag̃ua Ñanderuete oikovéva ha añeteguáva rehe,

2 Timotéope 2:19

Oĩ katu Ñanderuete kuatiañe’ẽ apytépe peteĩ ñe’ẽporã opytáva ku itaguasúicha, hi’ári oñemopu’ãva peteĩ óga, ko itaguasu kóva nomýiri ni noñemoambuéi, péicha he’i ko ñe’ẽ kóva: Ñanderuete oikuaa porã imba’eteévape, (Nahum 1,7; Juan 10,27). Ha tojei teko vaígui opavave ojeroviáva añetehápe Hesu Crísto rehe, Ijára ramo.

hebreoyguakuerape 12:22

Peẽ katu peñemboja uvei cérro Sion rehe, Ñanderuete oikovéva tavaguasu rehe, ha’eha pe Jerusalen yvága pegua ha peg̃uahẽ 10.000-kuéra yvága rembiguaikuéra rendápe,

Apocalípsis 1:3

Ovy’aite upe omoñe’ẽva ha umi ohendúva ko Hesu Crísto ñe’ẽ kóva, ha oñongatúva ipy’apýpe opaite ñe’ẽ oĩva guive ko kuatiañe’ẽ kóvape, upe ára upéva hi’ag̃uímagui.

Apocalípsis 10:1

Upéi ahecha ambue yvága rembiguái mbarete oguejýva yvágagui arai apytépe, iñakã ári oĩ pe árco de Noe (jy’y) hova omimbi kuarahýicha ha ipykuéra tata oñembo’yetévaicha.

Apocalípsis 10:4

Oñe’ẽ rire umi 7 arasunu che ahaise iñe’ẽnguéra peteĩ kuatiañe’ẽme, upérõ ahendu peteĩ oñe’ẽva yvágagui ha he’íva chéve: Ani reikuaauka avavépe umi arasunu he’iva’ekue, eñongatu porã uvei ha anítei rehai peteĩ kuatiañe’ẽme.

Apocalípsis 16:12

Ha pe yvága rembiguái 6-ha oñohẽvo iña’ẽmbe ysyry Éufratespe hi’y hypa, upéicha oñembosako’ipa pe tape umi kuarahyresẽguiogua tetã ruvichakuérape g̃uarã.

Apocalípsis 5:2

Ha ahecha peteĩ yvága rembiguái imbaretéva hatã oporandu: Mávapepa ija oipe’a hag̃ua ko kuatiañe’ẽ kóva ha ojora hag̃ua umi 7 ta’ãnga jopyha.

Apocalípsis 8:3

Upérõ ou ambue yvága rembiguái ha oñembo’y pe kuave’ẽmby renda renondépe, ipópe oguereko peteĩ mba’yru oroguiguáva omohatatĩ hag̃ua mba’e hyakuã porãva, ha oñeme’ẽva’ekue ichupe, heta mba’e hyakuã porãva oikuave’ẽ ha oñembojehe’a hag̃ua heko potĩva ñembo’e reheve pe kuave’ẽmby renda oroguiguáva ári, oĩva pe guapyhaguasu renondépe.

Apocalípsis 9:14

ha he’i pe yvága rembiguáipe oguerekóva ipópe pe turu 6-ha: Ejora umi irundy yvága rembiguáipe oñeñapytĩva Éufrates rembe’ýpe.

Apocalípsis 9:4

Ha oje’e ichupekuéra ani hag̃ua ojapovai ka’avo yvy pegua, ni ñana, ni yvyrakuéra rehe, umi tetãyguakuérape oguereko’ỹva isyváre Ñanderuete ra’ãnga jopyha (márca) rehénte uvei.

1 Samuel 17:26

Upémaramo David oñe’ẽ umi hendive oĩvape ha he’i: Mba’épa ojejapóta pe kuimba’e ipu’akátava ko Filisteaygua rehe, ha omboguéva ko ñemotĩ Israel retãgui. Máva piko ko Filisteaygua ipire’i oñekytĩ’o’ỹva oñemoĩ hag̃ua Ñanderuete oikovéva atyguasu rehe.

1 Samuel 17:36

Taha’e leõ, térã óso ne rembiguái ojuka; ha péicha ojehúta avei ko Filisteaygua ipire’i oñekytĩ’o’ỹvare, ha’e oñembohorýgui Ñanderuete Oikovéva ñorãirõharakuéra rehe.