Apocalípsis 7:10

Ñanderuete Ñe’ẽ Porã 2015

Ha osapukái hikuái ñe’ẽpuguasúpe, he’ívo: Salvacion ningo ou Ñanderuetégui, Oguapýva pe guapyhaguasúpe, ha Ovechara’ýgui.

Referencias Cruzadas

Salmokuéra 115:1

Ani oremomba’eguasu, Nde, ore Ruete, aníkena oréve, nde rérante toñemomba’eguasu, Nde reko poriahuvereko ha ne ñe’ẽ añetegua rehehápe.

Salmokuéra 3:8

Ñanderuetéguinte ou ñepytyvõ, ndeheguínte ou jehovasa ne retãme g̃uarã. Selah

Salmokuéra 37:39

Ñanderuete oipytyvõ heko potĩvape, ha Ha’e oñangarekóta hesekuéra ojejopy vai jave.

Isaías 43:11

Chénte pende Jára ha che’ỹre ndaipóri avave ikatúva peneguenohẽ pende jehasa asýgui.

Isaías 45:15

Añetehápe Nde voi ha’e avei ore Ruete ojehechauka’ỹva, Israel Jára oporosalváva.

Isaías 45:21

Peñemboja pemombe’u ha peñemongeta oñondive mávapa omombe’u raẽ ko’ã mba’e ko’ãva oiko mboyve; Chénte, pende Ruete, poikuaaukapáma voi, che ykére ndaiporivéima ambue Jára; Che ykére ndaipóri ambue jára hekojojáva ha oporopytyvõkuaáva añetehápe.

Jeremías 3:23

Añetehápe roho rei romomba’eguasu hag̃ua ambue járape umi cérrore ha ore rosapukái reipa upérupi; ñande Ruetéguinte ou pe pytyvõ añeteguáva Israélpe g̃uarã.

Oséas 13:4

Che ningo nde Jára, Egípto retã guive, nde ndereikuaái ambue járape che ykére, ndaipóri ningo ambue salvador che ykére.

Jonas 2:9

Che katu aikuave’ẽse ndéve che kuave’ẽmby, che agradecimiénto reheve, ha ko’ág̃a ajapóta katuete Nde reipotáva guive. Nde voínte reguenohẽkuaa yvyariguakuéra ijejopy vaietégui.

Zacarías 4:7

Máva piko nde, cerroguasuete Zorobabel renondépe, repytáta yvype ramo, ha ha’e ohupíta pe ita paha pegua omopu’ã meve che rogaguasu ha osapukáita: Jeporiahuvereko, jeporiahuvereko.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Lúcas 3:6

Ha opaite tetãyguakuéra ohechava’erã Ñanderuete salvacion.

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Juan 1:36

ha ohechávo hikuái, Hesu Crísto ohasaha upérupi Juan he’i: Pema’ẽ porãke, péva ningo Ñanderuete Ovecha Ra’y.

Juan 4:22

Peẽ peñembo’e peẽ peikuaa’ỹvape, ore katu roñembo’eroína ore roikuaávape, pe salvacion ningo ou Judayguakuéragui.

Efesoyguakuérape 2:8

Ñanderuete mborayhu rupi peẽ pejesalva ha pejerovia Hesu Crísto rehe ndaha’éi katu pendejehegui, Ñanderuete me’ẽmby rupínte.

Apocalípsis 12:10

Ha oñehendu ñe’ẽpuguasu yvágaguio he’íva: Ko’ág̃a og̃uahẽma Ñanderuete salvacion, iñesãmbyhy ha ipu’aka, ha ita’ýra Hesu Crísto oisãmbyhy hag̃ua, oñemombógui yvy ape ári ñane hermanokuéra mombe’u vaihára, ñanemoĩ vaiva’ekue ára ha pyharépe Ñanderuete renondépe.

Apocalípsis 19:1

Ko’ã mba’e rire ahendu tetãygua atyguasurõguáicha yvágape he’íva: Alelúia (pemomba’eguasu), pe salvacion reko jajái ha pu’aka oúva Ñanderuetégui.

Apocalípsis 21:5

Ha Ñanderuete he’i: Pema’ẽ porãke: Che ambopyahu opaite mba’e. Ehai ko’ã mba’e, oikopava’erã Che ha’éva guive, ipype oĩgui añetegua ha pu’aka tapia g̃uarãva.

Apocalípsis 22:3

Upépe ndaiporivéima mba’eve oñemaldecipyréva. Ñanderuete ha pe Ovechara’y guapyhaguasu oĩ ipype, ha hembiguaikuéra oservíta ichupe.

Apocalípsis 4:6

Ha pe guapyhaguasu renondépe oĩ yguasu vidrioichagua, hesakãva ita veráicha, ha pe guapyha mbytépe ha ijerekuévo oĩ irundy tekove oikovéva henyhẽva teságui henonde ha hapykuévo.

Apocalípsis 5:7

Ha pe Ovechara’y ou ha orecibi pe kuatiañe’ẽ pe guapyhaguasúpe Oguapýva po akatúagui.