Apocalípsis 7:1

Ñanderuete Ñe’ẽ Porã 2015

Ko’ã mba’e rire ahecha irundy yvága rembiguái oñembo’yvahína umi irundy yvy apýrape ha ojoko umi irundy yvytu yvy pegua, ani hag̃ua oipeju yvy ári, yguasu térã yvyra rakã ári.

Referencias Cruzadas

Isaías 11:12

Ha Ñanderuete omopu’ãva’erã ipoyviveve umi tetãme, ha ombyatypava’erã umi Israelgua oñemosẽva’ekuépe ha ombyatypa jevyva’erã avei umi Judaygua oñemosarambiva’ekuépe umi irundyve yvy apýra guive.

Isaías 27:3

Che, nde Jára, añangareko’aína nderehe, py’ỹinte rohypýi ha rombohykuéta; añangarekóta nderehe ára ha pyhare, ani hag̃ua avave nembyai.

Isaías 27:8

Ñanderuete ohaviráta ichupekuéra, ha’ekuéra oñemboyke haguére Ijáragui. Ha’e oguerova ichupekuéra ijyvytu’atã rupi oúva kuarahyresẽguio.

Jeremías 49:36

Umi irundy yvytu ára apýra guive aguerúta Elam retãme umi oñemoĩva hese, ha amosarambíta ichupekuéra ko’ã yvytu ko’ãva rupi ha opaite tetãnguérape, oĩva guive ko yvy ape ári.

Ezequiel 37:9

Ha he’i chéve: Kuimba’e ra’y, eprofetiza ha ere pe Pytu Porãme péicha pende Ruete he’i: Pytu Porã eju umi irundy yvy apýragui ha eipeju ko’ã ojejukava’ekue ári, oikovepa jevy hag̃ua.

Ezequiel 7:2

Nde, kuimba’e ra’y, péicha he’i pende Ruete Israel retãyguakuérape: Pe ára paha oúta umi irundy yvy ykeguioguáva.

Daniel 11:4

Ha’e opu’ã porã rire oñehundi jevýta hetã oñemboja’óta irundy yvytu gotýo, hetã ndopytamo’ãi iñemoñarenguérape g̃uarã, hesegua’ỹvape katu oñeme’ẽta, umi tetã ruvicha katu ndohupitymo’ãi pe tetã ruvichakue pu’aka.

Daniel 7:2

Ko’ã mba’e che, Daniel, ahecha: Ama’ẽ’aína che ke pegua ra’ãnga rehe, ha péina umi irundy yvytu oñorãirõ yguasúpe.

Daniel 8:8

Upérõ pe kavara mácho oñembotuichaiterei; ha imbareteve jave hatĩguasu opẽ, ha hendaguépe osẽ irundy hatĩ tuichamíva, umía ojepyso umi irundy yvytu rehe.

Jonas 1:4

Ñanderuete katu omopu’ã peteĩ yvytu ratã yguasu apére, ha oñemondyiete hikuái, pe y ipochyete oipehe’ãmba hag̃uáicha pe barcoguasu (ygaguasu).

Zacarías 6:1

Ajesaupi jevy ha ojehechauka chéve irundy cárro osẽva mokõi cérro pa’ũgui, ha umi cérro umíva bronceguiguáva.

Zacarías 6:5

Ha pe yvága rembiguái he’i chéve: Ko’ãva hína umi irundy yvytu ára pegua oñemoĩva ko yvy Jarateéva renondépe ha upéi osẽ henondégui.

Matéo 24:31

Ha Ha’e omondóta yvága rembiguaikuéra turupuguasu reheve, ombyaty hag̃ua iporavopyrekuérape umi irundyve yvytúguio, pe ára apýra peteĩguio ambue ára apýra peve.

Márcos 13:27

Ha ha’e omboúta hi’angelkuéra ombyaty hag̃ua umi ojeporavova’ekuépe umi irundy yvytu rapéguio, yvy paha guive yvága rugua paha peve.

Apocalípsis 20:8

Ha osẽta ombotavy jevy hag̃ua tetãnguérape oĩva guive yvy ape ári; ha Gog ha Magog ombyatýta isoldádo aty ndetuichaitéva, ku yvyku’i yguasu rembe’ypeguáicha, ñorãirõguasúpe g̃uarã.

Apocalípsis 6:6

Ha ahendu umi irundy tekove oikovéva apytépe peteĩ ñe’ẽpu he’íva: Peteĩ kílo trígo oñeme’ẽ peteĩ ára rembiapo repy rehe ha mbohapy kílo cebáda peteĩ ára rembiapo repy rehe; ha acéite ha víno repýre anítei rembyai.

Apocalípsis 7:3

ha ha’e he’i ichupekuéra: Anítei pejapovai yvy térã yguasu térã yvyra rakã rehe, ñamota’ãngapa (ñamarca) peve Ñanderuete rembiguaikuéra isyva rehe.

Apocalípsis 8:7

Ha pe yvága rembiguái peteĩha ombopúvo ituru ho’a yvy ári amandáu ha tata ojehe’áva tuguy reheve, ha okái pe yvy párte mbohapyha (vore mbohapyha) yvy apégui, ha pe yvyra párte mbohapyha ha opaichagua kapi’i hovýva okái avei.

Apocalípsis 9:14

ha he’i pe yvága rembiguáipe oguerekóva ipópe pe turu 6-ha: Ejora umi irundy yvága rembiguáipe oñeñapytĩva Éufrates rembe’ýpe.

Apocalípsis 9:4

Ha oje’e ichupekuéra ani hag̃ua ojapovai ka’avo yvy pegua, ni ñana, ni yvyrakuéra rehe, umi tetãyguakuérape oguereko’ỹva isyváre Ñanderuete ra’ãnga jopyha (márca) rehénte uvei.