Apocalípsis 6:8

Ñanderuete Ñe’ẽ Porã 2015

Ha ama’ẽvo ahecha peteĩ kavaju sa’yju, ha pe oguapýva hi’ári oñembohéra ñemano, ha hapykuéri ouhína omanómava retãyguakuéra ha ome’ẽ ichupe pu’aka ojuka hag̃ua kyse pukúpe irundy rundýpe (pe vore cuatrohápe) opaite tetãyguakuéra oĩva guive yvy apére, ñembyahýi rupi, térã mba’asy rupi, térã mymba ñarõ rupi.

Referencias Cruzadas

Mga Kawikaan 5:5

ipykuéra ojepoi ñemano rape gotýo, iguata oho aña retã gotýo.

Isaías 25:8

Ñanderuete pe Jaraitéva ombopoguýta pe ñemano, Ha’e omokãta opaite tesay yvyarigua rovágui, Ha’e oipe’áta Israel ñemotĩ oñandúva ko yvy tuichakue, péicha he’i pende Ruete.

Jeremías 14:12

Karu’ỹme ohasa ramojepe hikuái, Che nahendumo’ãi imba’ejerure asy, ha oikuave’ẽ ramojepe hikuái kuave’ẽmby ojehapypáva nachembovy’amo’ãi, ahundíta uvei ichupekuéra kyse puku rupi, ñembyahýi ha mba’asy iñasãiva rupi.

Jeremías 16:16

Ñanderuete he’i: Upéi Che amondóta heta pira kutuhára, oguenohẽ hag̃ua ichupekuéra, ha upéi amondóta heta mymba apihakuéra, opaite cérro ha cérro rembe’y rupi oheka hag̃ua ichupekuéra.

Jeremías 16:4

Mba’asy hasyetéva rupi omanóta hikuái; ha avave ndojahe’omo’ãi hesekuéra ha noñeñotỹmo’ãi; opytáta ku mymba repotícha yvy apére; kyse puku ha ñembyahýi rupi oñehundíta, ha hetekuérakue opytáta guyra ha mymba saite rembi’urã ramo.

Jeremías 24:10

Ha amboúta hi’arikuéra kyse puku, ñembyahýi ha mba’asy iñasãiva oñehundi peve hikuái ko yvýpe, Che ame’ẽmava’ekue ichupekuéra ha ituvakuérape g̃uarã.

Jeremías 29:17

péicha he’i Yvága Atykuéra Jára hesekuéra: Péina ápe Che amondo hi’arikuéra kyse puku, ñembyahýi ha mba’asy iñasãiva, ha ajapóta ichuguikuéra umi higo’a ivaietévaicha, ivaietereígui ndaikatúi oje’u.

Jeremías 43:11

Ha’e oúta ombotapere hag̃ua Egípto retãme; umi ojukasévape ojukáta; umi oguerahaséva jepokuapýpe ogueraháta jepokuapýpe; ha kyse pukúpe ojukasévape, ojukáta kyse pukúpe.

Ezequiel 29:5

Ha romombóta pe yvy perõme, ndéve ha opaite pira nde ysyry peguápe, pe ñu reíre re’áta; ha avave nanderupimo’ãi, avave naneñotỹmo’ãi; Che roitýgui umi mymba saite yvy ape arigua ha guyrakuéra árare ovevéva rembi’urã ramo.

Ezequiel 5:12

Opaite kuimba’e mbohapyha ne retãyguakuéra apytégui omanóta mba’asy oñemosarambíva térã ñembyahýigui; ha meme kuimba’e mbohapyha pende apytégui ho’áta kyse puku rupi; ha umi hembýva amosarambíta opaite yvytu rehe, ha hapykuerikuéra aguenohẽta gueteri che kyse puku amuñave hag̃ua ichupekuéra.

Oséas 13:14

Chépa asalváne ichupekuéra ani hag̃ua omano; aguenohẽnepa ñemano retãgui. Ñemano, moõpa oĩ ne mba’asy vai, ñemano moõpa oĩ ne akãnundu vaiete; Che katu ndaiporiahuverekosevéima.

Habacuc 2:5

Pe víno oporombotavy, ha umi kuimba’e ha kuñakuéra oñembotuicháva ndoiko aremo’ãi, ha’ekuéra tapia ombohetaveseve ohóvo hembipota vai, ku ñemanóicha nahyg̃uatãmo’ãi, ombyatypa peve ijupe g̃uarã umi tríbu ha mayma tetãnguérape.

Zacarías 6:3

Pe cárro mbohapyha rehe oĩ kavaju morotĩva, ha pe cárro irundyha rehe oĩ kavaju iparáva ha imbaretéva.

Matéo 11:23

Ha nde, Capernaum, rejehupíva yvága peve rejeitýta aña retã meve: Sodómape ojejapo rire umi tembiapo techapyrãva ojejapomava’ekue pende apytépe, opytava’erãmo’ã gueteri ko’ag̃aite peve.

Matéo 24:7

Tetãnguéra opu’ãmbáta ojuehe, ha tetã ruvichakuéra ojuehe, ha oúta ñembyahýi ha heta henda rupi oikóta yvy ryrýi.

1 Corintoyguakuérape 15:55

Ñemano moõpa oime nde pu’aka. Ñemano, moõpa oime ne popía.

Apocalípsis 1:18

pe aikovéva, ajejukava’ekue ha péina aikove ára atyguasukuéra guive umi ára atyguasurãnguéra peve ha Che poguýpe oĩ pe ñemano ha pe añaretã rokẽ lláve.

Apocalípsis 12:4

Huguáipe ombotyryry jasytata apytégui mbohapyha párte (vore) ha oity yvy ári. Ha pe tejujagua oñembo’y pe kuña imembymbotáva renondépe, ha imembývo omokõ hag̃ua imembýpe.

Apocalípsis 9:15

Ha ojejorávo umi irundy yvága rembiguáipe oñembosako’íva pe hóra, pe ára, pe jasy ha pe áñope g̃uarã ojuka hag̃ua tetãygua aty (vore) mbohapyhápe oikóva guive yvy apére.

Apocalípsis 9:18

Ko’ã mbohapy plága: tata, tatatĩ ha azúfre osẽva kavaju jurúgui ha’e ojuka hag̃ua opaite tetãygua aty (vore) mbohapyhápe, oikóva gueteri yvy apére.