Apocalípsis 6:4

Ñanderuete Ñe’ẽ Porã 2015

Ha osẽ ambue kavaju, peteĩ pytãva, ha upe hi’ári oguapývape oñeme’ẽ pu’aka, oipe’a hag̃ua pe py’aguapy yvy ape árigui, ha tetãyguakuéra ojojuka hag̃ua, ha ichupe oñeme’ẽ peteĩ kyse pukuete.

Referencias Cruzadas

Salmokuéra 17:13

Epu’ãmína, Nde, che Ruete, esẽ haperãme, emoñesũ ichupekuéra, ha eñemoĩ iñañáva rehe ha cheguenohẽ, nde kyse puku rupi, iñañáva poguýgui.

Daniel 5:19

Ñanderuete ome’ẽva’ekue ichupe pu’akaguasu, oryrýi ha okyhyje hag̃ua nde ru renondépe opaite tetãnguéra ha opaichagua tetã ambueyguáva. Nde ru ojukauka ojukasévape ha oheja oikove ha’e oipotáva guivépe, ha’e ombotuichaukase ramo peteĩme ombotuicha ichupe, omomirĩukase ramo ambuépe omomirĩ ichupe.

Zacarías 1:8

Pyharekuépe ojehechauka chéve che payetépe (visiónpe) peteĩ kuimba’e oikóva peteĩ kavaju pytãva ári, ha ha’e oñembo’yhína peteĩ ñúme mírto yvyrakuéra apytépe ha hapykuépe oĩkuri hetave kavaju pytãva, ipara ha morotĩva.

Zacarías 6:2

Pe cárro tenondeveguáva rehe oĩ kavaju pytãva, pe cárro mokõiha rehe oĩ kavaju hũva.

Matéo 10:34

Aníkena peimo’ã Che aju hague aguerúvo py’aguapy yvy ape ári, ndajúi aguerúvo py’aguapy, kyse puku juavy uvei.

Matéo 24:6

Ha pehendu ramo oikoha ñorãirõguasu ha ñorãirõguasurã rerakuã, pema’ẽke, ani peñemondýi, ojehupava’erã ko’ã mba’e; ndaha’emo’ãi gueteri katu pe ára paha.

Juan 19:11

Hesu katu ombohovái ichupe ha he’i: Mba’evéicharõ nandepu’akava’erãmo’ãi yvatéguio noñeme’ẽi rire ndéve, upévare pe nde pópe chemoĩva’ekue oñemoangaipa tuichave ndehegui.

Apocalípsis 12:3

Ha ojehecha ambue techaukaha ára rehe. Peteĩ tejujaguaguasu pytãva, 7 iñakã ha 10 hatĩva, ha umi 7 iñakã ári oĩ 7 akã jeguaka (coróna).

Apocalípsis 13:10

Upe oporomoingéva cárcelpe, oikeva’erã avei cárcelpe, ha upe oporojukáva, ojejukava’erã avei. Upejave umi heko potĩva oikotevẽ paciéncia ha jerovia mbarete rehe.

Apocalípsis 17:3

Ha pe yvága rembiguái chegueraha che pytúpe desiértope, upépe che ahecha pe kuña reko vai oguapyvahína peteĩ mymba pytãva ári, henyhẽ heta ñe’ẽvaígui ha oñemoĩva Ñanderuete rehe. Upe mymba 7 iñakã ha 10 hatĩ.

Apocalípsis 17:6

Ha che, Juan, ahecha pe kuña reko vai oka’u opytávo umi ojeroviáva Hesu Crísto rehe ha heko potĩva ruguykuépe. Ha che py’andýi apytávo.