Apocalípsis 6:2

Ñanderuete Ñe’ẽ Porã 2015

Ha ama’ẽvo ahecha peteĩ kavaju morotĩ, ha pe oguapýva hi’ári oguereko peteĩ guyrapa, ha oñeme’ẽ ichupe peteĩ akã jeguaka (coróna) ha osẽ ombopoguy hag̃ua opaite oñemoĩvape hese.

Referencias Cruzadas

Salmokuéra 110:2

Ñanderuete omboúta Sion guive nde yvyra po’i ipu’akapáva, rembopoguy hag̃ua umi nderehe ija’e’ỹvape.

Salmokuéra 76:7

Ndehegui voínte okyhyje hikuái, ha máva piko oñembo’ykuaa gueteri ndepochy jave.

Salmokuéra 98:1

Pepurahéi joáke Ñanderuetépe peteĩ purahéi pyahu, Ha’e ojapo haguére mba’e techapyrãva, ipu’aka imbarete iterei ombopoguypa hag̃ua.

Isaías 25:8

Ñanderuete pe Jaraitéva ombopoguýta pe ñemano, Ha’e omokãta opaite tesay yvyarigua rovágui, Ha’e oipe’áta Israel ñemotĩ oñandúva ko yvy tuichakue, péicha he’i pende Ruete.

Zacarías 1:8

Pyharekuépe ojehechauka chéve che payetépe (visiónpe) peteĩ kuimba’e oikóva peteĩ kavaju pytãva ári, ha ha’e oñembo’yhína peteĩ ñúme mírto yvyrakuéra apytépe ha hapykuépe oĩkuri hetave kavaju pytãva, ipara ha morotĩva.

Matéo 28:18

Ha Hesu oñembojávo ha oñe’ẽvo ichupekuéra he’i: Oñeme’ẽmba chéve opaichagua pu’aka, yvága ha yvy apére.

1 Corintoyguakuérape 15:25

Hesu Crísto oisãmbyhyva’erã, Ha’e ombopoguypa peve opaite hese ija’e’ỹvape.

Apocalípsis 11:15

Ha pe yvága rembiguái 7-ha ombopúvo ituru oiko peteĩ ñe’ẽpu tuicháva yvágape he’íva: Yvy arigua tetãnguéra opytáma Ñanderuete ha Icrístope g̃uarã, Ha’e oisãmbyhy hag̃ua tapia g̃uarã.

Apocalípsis 11:18

Umi tetã ipochypa joa, ha og̃uahẽma avei ndepochyha ára ha oúma pe ára Nde rembojovake hag̃ua umi omanomava’ekuépe ha remyengovia hag̃ua ne rembiguaikuérape, Nde profetakuéra rembiapo ha umi heko potĩvape, taimichĩ térã taituicha, og̃uahẽmagui avei pe ára Nde rehundi hag̃ua umi ombyaívape ko yvy kóvape.

Apocalípsis 14:14

Ama’ẽ ha ahecha peteĩ arai morotĩ, ha hi’ári oguapy peteĩ ojoguáva yvyarigua Ra’ýpe oguerekóva iñakãre peteĩ akã jeguaka oroguiguáva ha ipópe peteĩ kyse ty’ãi (foice’i, hoz) hãimbéva.

Apocalípsis 15:2

Ha ahecha peteĩ yguasu ita veráicha ojehe’áva tata reheve, ha hembe’ýpe oñembo’yhína umi ipu’akava’ekue upe mymba rehe, ha’ãnga rehe ha pe mymba número 666 rehe, ha ipópe oguerekopa hikuái Ñanderuete harpakuéra.

Apocalípsis 17:14

Ha’ekuéra oñorãirõta pe Ovechara’y ndive, Ha’e katu ombopoguýta ichupekuéra, Ha’e voi ningo jarakuéra Jára, ha mburuvichakuéra Ruvichaguasuete, ha umi hendive oĩva, Ñanderuete ohenoimava’ekue, Ha’e oiporavova’ekue avei ha oha’ãrõva mborayhupópe Ha’e ou jevy peve.

Apocalípsis 19:14

Ha umi ejército yvága peguáva oho hapykuéri kavaju morotĩ ári, oñemonde ao líno porãitépe, morotĩ asy ha ipotĩvape.

Apocalípsis 3:21

Upe ombopoguýva mba’evai Che amboguapýta ichupe chendive che guapyhaguasúpe, Che ambopoguy haguéicha mba’evai ha ko’ág̃a aguapy’aína avei Ñanderuete ndive iguapyhaguasúpe.

Apocalípsis 9:7

Umi tuku ojogua kavajúpe oñembosako’íva oñorãirõ hag̃uáme iñakãnguéra ári oguereko peteĩ mba’e ojoguáva peteĩ coróna oroguiguávape, ha hovakuéra kuimba’e rováicha.