Apocalípsis 5:8

Ñanderuete Ñe’ẽ Porã 2015

Ha’e orecibívo pe kuatiañe’ẽ umi irundy tekove oikovéva ha umi 24 karai anciáno ojeity pe Ovechara’y renondépe ha peteĩteĩ umi karai anciáno oguereko ipópe peteĩ mbarakaguasu ha peteĩ váso oroguiguáva henyhẽva mba’e ryakuã porãgui, ko’ãva ningo umi heko potĩva ñembo’e.

Referencias Cruzadas

Salmokuéra 141:2

Che ñembo’e tojupi ne renondépe ku tatatĩ hyakuã porãvaicha ha che po ahupívo ndéve g̃uarã ku kuave’ẽmby ka’aru peguáicha.

Salmokuéra 150:3

Pemomba’eguasu ichupe turu púpe, pemomba’eguasu ichupe mbaraka ha árpa púpe.

Salmokuéra 33:2

Pemomba’eguasu Ñanderuetépe mbaraka púpe, pepurahéi avei ichupe árpa púpe.

Salmokuéra 43:4

Upéramo aháta Ñanderuete kuave’ẽmby rendápe, Ñanderuete chembohory ha chembovy’a jevy hag̃ua, ha romomba’eguasúta árpa púpe, Nde ningo, che Ruete ha che Jaratee.

Salmokuéra 81:2

Pepurahéi joa, ha pembopu mba’epu pararã, mbaraka ha árpa pu he’ẽ asýva.

Números 7:62

ha peteĩ ña’ẽmbe’i oroguigua ipohýiva 117 grámo, henyhẽva mba’e ryakuã porãgui,

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Juan 5:23

Opavave omomba’e hag̃ua pe Ta’ýrape, oñemomba’e háicha Ñanderuetépe. Upe omomba’e’ỹva Ta’ýrape, nomomba’éi avei Ñanderuetépe, Ha’e voi ombou Ita’ýrape ko yvy ape ári.

hebreoyguakuerape 1:6

Ha he’i avei omoinge jevývo Ita’ýra ypykuépe ko yvýpe: Opaite yvága rembiguái ojeityva’erã henondépe omomba’eguasu hag̃ua ichupe.

Apocalípsis 13:8

Ha opaite yvyarigua oikóva guive yvy apére, ha héra ndojehaíriva pe Ovechara’y kuatiañe’ẽ tekove reheguápe, omomba’eguasúta upe mymba upévape. Ha péva ojehaipáma voi ko kuatiañe’ẽ kóvape, ko yvy tuichakue ojejapo mboyve guive.

Apocalípsis 15:2

Ha ahecha peteĩ yguasu ita veráicha ojehe’áva tata reheve, ha hembe’ýpe oñembo’yhína umi ipu’akava’ekue upe mymba rehe, ha’ãnga rehe ha pe mymba número 666 rehe, ha ipópe oguerekopa hikuái Ñanderuete harpakuéra.

Apocalípsis 15:7

Ha peteĩ umi irundy tekove (apytégui) ome’ẽ umi 7 yvága rembiguáipe 7 ña’ẽmbe oroguiguáva, henyhẽva Ñanderuete pochýgui, Ha’e ningo pe oikovéva ára atyguasu guive umi ára atyguasurãme g̃uarã.

Apocalípsis 19:4

Upéramo umi 24 karai ancianokuéra ha umi irundy tekove ojeity ovapývo omomba’eguasu hag̃ua Ñanderuetépe, oguapýva iguapyhaguasúpe, ha he’i hikuái: Amen, alelúia.

Apocalípsis 4:10

upevovete umi 24 karai ancianokuéra ojeity ovapývo pe Oguapýva renondépe ha Oikovéva ára atyguasukuéra guive umi ára atyguasurãme g̃uarã ha oity hikuái iñakã jeguaka pe guapyha renondépe ha he’i:

Apocalípsis 4:4

Ha pe guapyhaguasu jerekuévo oĩ ambue 24 guapyha, ha hi’ári oguapy 24 karai ancianokuéra oñemondéva ao morotĩme, ha iñakãnguéra rehe oĩ akã jeguaka (coróna) oroguiguáva.

Apocalípsis 4:6

Ha pe guapyhaguasu renondépe oĩ yguasu vidrioichagua, hesakãva ita veráicha, ha pe guapyha mbytépe ha ijerekuévo oĩ irundy tekove oikovéva henyhẽva teságui henonde ha hapykuévo.

Apocalípsis 4:8

Ha umi irundy tekove oikovéva peteĩteĩ 6 ipepo, ijerekuévo henyhẽ teságui okávo ha hyepývo, ha ndopytu’úi ára ni pyhare, he’ívo: Heko porã, heko porã, heko porã Ñanderuete, pe Karaiguasuetéva, pe Ipu’akapáva, pe Ha’eva’ekue, pe Ha’éva ha pe Ouva’erãva.

Apocalípsis 5:11

Ha ama’ẽ ahendu hetave 100.000.000 (100 millónes) yvága rembiguái (ángel) ñe’ẽpu pe guapyhaguasu jerekuévo, oĩháme avei umi 4 tekove oikovéva ha umi karai ancianokuéra,

Apocalípsis 5:12

umía hatã he’i: Pe Ovechara’y ojejukamava’ekuépe ija ohupity hag̃ua pu’aka ha mba’eita arandu ha mbarete, ñemboete, teko jajaipa ha ñemomba’eguasu.

Apocalípsis 5:14

Ha umi irundy tekove he’i: Amen (taupéicha). Ha umi 24 karai anciáno ojeity omomba’eguasu hag̃ua Ñanderuetépe, pe Oikovéva tapia g̃uarã renondépe.

Apocalípsis 5:6

Ha ahecha pe guapyhaguasu ha umi irundy tekove oikovéva ha umi 24 karai anciáno mbytépe oñembo’yvahína peteĩ Ovecha ra’y ojejukava’ekuéicha, Ha’e 7 hatĩ ha 7 hesa, ko’ãva ningo 7 Ñanderuete Pytu Porãite oñemboúva opaite yvy ape ári.

Apocalípsis 6:1

Ha ahecha pe Ovechara’y oñepyrũ ramo oipe’a pe ta’ãnga jopyha peteĩha, ha upevove ahendu peteĩva umi irundy tekove oikovéva apytégui he’írõ arasunu ñe’ẽpúpe: Eju.