Apocalípsis 5:6

Ñanderuete Ñe’ẽ Porã 2015

Ha ahecha pe guapyhaguasu ha umi irundy tekove oikovéva ha umi 24 karai anciáno mbytépe oñembo’yvahína peteĩ Ovecha ra’y ojejukava’ekuéicha, Ha’e 7 hatĩ ha 7 hesa, ko’ãva ningo 7 Ñanderuete Pytu Porãite oñemboúva opaite yvy ape ári.

Referencias Cruzadas

2 Crónicas 16:9

Ñanderuete resa ohechapa opaite yvy ape ariguápe, oipytyvõ hag̃ua ipu’aka rupi umi ojeroviáva añetehápe hese. Ko’ã mba’e rejapóva itavýva rembiapo; ko ára guive reñorãirõva’erã remano meve.

Daniel 7:14

Ha oñeme’ẽ ichupe pu’aka, teko jajaipa, tetãguasu, opaite tetãnguéra, tribukuéra ha opaichagua ñe’ẽ oiko hag̃ua ipoguýpe, hembiguaikuéra ramo, ipu’aka opyta hag̃ua tapiaite g̃uarã, ndohasaiva’erã, ha hetãguasuete noñehundiriva’erã araka’eve.

Daniel 8:3

Ajesaupi jave ahecha peteĩ ovecha mácho oĩva pe ysyry rovái, ha’e hatĩ mokõi, umi hatĩ ijyvate ramojepe, peteĩ ijyvateve ambuégui; hatĩ ipaha pegua okakuaave pe tenondeveguágui.

Miquéas 4:13

Epu’ã Sion ha ejykýi, Che ajapóta ne ratĩ hiérrogui ha ne pysãpẽ bróncegui remongu’ipa hag̃ua heta tetãme. Imba’eita nde reguerúta pende Ruete rogaguasúpe.

Habacuc 3:4

Ha’e ojajái ára sakãicha, aratiri osẽ ipógui, ha upépe oñemi ipu’aka.

Zacarías 3:9

Pema’ẽ pe itaguasu amoĩva’ekue rehe Josue renondépe, ko itaguasu kóvape oĩ 7 tesa, ha Che voi ahaíta hi’ári, he’i ángel atykuéra Jára, ha aipe’áta peteĩ árape che retã rembiapo vaikue.

Zacarías 4:10

Umi ohechakuaa’ỹva jepe ohecháta vy’apópe pe ita paha pegua Zorobabel pópe. Ha ko’ã 7 temiendy ojogua umi 7 Ñanderuete resápe, oguatáva ohóvo ko yvy apére.

Números 7:39

peteĩ tóro ra’yrusu, peteĩ ovecha mácho, peteĩ ovechara’y, oguerekóva peteĩ áño, kuave’ẽmby ojehapypátava,

Números 7:57

peteĩ tóro ra’yrusu, peteĩ ovecha mácho, peteĩ ovechara’y oguerekóva peteĩ áño, kuave’ẽmby ojehapypátava,

Lúcas 1:69

Ha’e omopu’ã peteĩ mburuvichaguasu ipu’akapáva osalva hag̃ua, ouhína Ñanderuete rembiguái David rógagui, péva he’ise Hesu oikoha David ñemoñare ramo.

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Juan 1:36

ha ohechávo hikuái, Hesu Crísto ohasaha upérupi Juan he’i: Pema’ẽ porãke, péva ningo Ñanderuete Ovecha Ra’y.

Apostolkuéra 8:32

Ha kóa ningo pe ñe’ẽ ha’e omoñe’ẽva: Ovecháicha ningo ojegueraha ichupe ojejuka hag̃ua ha ovecha ra’ýicha okirirĩ iñapĩhára pópe, upéichante Ha’e ndoipe’ái avei ijuru.

Apocalípsis 1:4

Che, Juan, amomaitei umi 7 iglésia oĩva Ásiape: Ñanderuete tapenderovasa ha tome’ẽ peẽme pe py’aguapy oúva pe Oikovévagui, pe Oikovemívagui ha pe Ouva’erãvagui, ha umi 7 Pytu Porãgui iguapyhaguasu renondépe,

Apocalípsis 12:11

Ha’ekuéra ombopoguy katu ichupe pe Ovechara’y ruguy rupi, ha omyasãi porã haguére Hesu Crísto iñe’ẽ ha hekove rupi, ha nahakate’ỹi hekovekuéra rehe, tekotevẽ ramojepe omano Hesu Crísto rehehápe.

Apocalípsis 13:8

Ha opaite yvyarigua oikóva guive yvy apére, ha héra ndojehaíriva pe Ovechara’y kuatiañe’ẽ tekove reheguápe, omomba’eguasúta upe mymba upévape. Ha péva ojehaipáma voi ko kuatiañe’ẽ kóvape, ko yvy tuichakue ojejapo mboyve guive.

Apocalípsis 14:1

Ha ama’ẽvo, péina ahecha pe Ovechara’y oñembo’ýva cérro Sion ári ha hendive oĩ 144.000 yvyarigua oguerekóva pe Ovechara’y ha Ñanderuete réra isyva rehe.

Apocalípsis 17:14

Ha’ekuéra oñorãirõta pe Ovechara’y ndive, Ha’e katu ombopoguýta ichupekuéra, Ha’e voi ningo jarakuéra Jára, ha mburuvichakuéra Ruvichaguasuete, ha umi hendive oĩva, Ñanderuete ohenoimava’ekue, Ha’e oiporavova’ekue avei ha oha’ãrõva mborayhupópe Ha’e ou jevy peve.

Apocalípsis 21:22

Ha pe tavaguasu ryepýpe ndahechái Ñanderuete rogaguasu, Ñanderuete, pe Ipu’akapáva voi ha pe Ovechara’y oikógui ipype, ha opyta pe táva Ñanderuete rogaguasu ramo.

Apocalípsis 21:23

Ha pe tavaguasu noikotevẽi kuarahy térã jasy rehe ohesape hag̃ua ipype, Ñanderuete reko jajaipa, ohesape ipype, ha péva ningo pe Ovecha Ra’y voihína.

Apocalípsis 22:1

Upéi pe yvága rembiguái ohechauka chéve pe ysyry oporomoingovéva, hesakãva ita veráicha, osẽva Ñanderuete ha Ovechara’y guapyhaguasúgui.

Apocalípsis 22:3

Upépe ndaiporivéima mba’eve oñemaldecipyréva. Ñanderuete ha pe Ovechara’y guapyhaguasu oĩ ipype, ha hembiguaikuéra oservíta ichupe.

Apocalípsis 4:8

Ha umi irundy tekove oikovéva peteĩteĩ 6 ipepo, ijerekuévo henyhẽ teságui okávo ha hyepývo, ha ndopytu’úi ára ni pyhare, he’ívo: Heko porã, heko porã, heko porã Ñanderuete, pe Karaiguasuetéva, pe Ipu’akapáva, pe Ha’eva’ekue, pe Ha’éva ha pe Ouva’erãva.

Apocalípsis 5:11

Ha ama’ẽ ahendu hetave 100.000.000 (100 millónes) yvága rembiguái (ángel) ñe’ẽpu pe guapyhaguasu jerekuévo, oĩháme avei umi 4 tekove oikovéva ha umi karai ancianokuéra,

Apocalípsis 5:12

umía hatã he’i: Pe Ovechara’y ojejukamava’ekuépe ija ohupity hag̃ua pu’aka ha mba’eita arandu ha mbarete, ñemboete, teko jajaipa ha ñemomba’eguasu.

Apocalípsis 5:13

Uperire ahendu opaite oikóva yvágape, yvýpe, yvy guýpe ha yguasu ári ha hyepýpe he’ívo: Pe guapyhaguasúpe Oguapývape ha pe Ovechara’ýpe toñemomba’eguasu, toñemombe’u porã, toñemboete ha toñeme’ẽ pu’aka ára atyguasukuéra guive umi ára atyguasurãme g̃uarã.

Apocalípsis 5:14

Ha umi irundy tekove he’i: Amen (taupéicha). Ha umi 24 karai anciáno ojeity omomba’eguasu hag̃ua Ñanderuetépe, pe Oikovéva tapia g̃uarã renondépe.

Apocalípsis 6:16

ha he’i hikuái umi cérro ha itaguasúpe: Pe’ána ore’ári ha oreñomi pe Oguapyvahína guapyhaguasu ári rovágui ha pe Ovechara’y pochýgui.

1 Samuel 2:10

Ñanderuete renondépe ipehẽnguepáta hese ija’e’ỹva, ha hi’arikuéra Ha’e osunúta ára guive; Ñanderuetépe ombojovake yvy apýra peve, Ha’e omombarete hetã ruvichápe ha ombotuicha tuichave ohóvo. Ha’e ombotuicha umi oiporavova’ekuépe.