Apocalípsis 5:11

Ñanderuete Ñe’ẽ Porã 2015

Ha ama’ẽ ahendu hetave 100.000.000 (100 millónes) yvága rembiguái (ángel) ñe’ẽpu pe guapyhaguasu jerekuévo, oĩháme avei umi 4 tekove oikovéva ha umi karai ancianokuéra,

Referencias Cruzadas

1 Réyes 22:19

Upémaramo ha’e he’i: Ehendu Ñanderuete ñe’ẽ: Che ahecha Ñanderuetépe oguapy ramo iguapyha guasúpe, ha opaite yvága rembiguái oĩmba ijypýpe, ijakatúa ha ijasu gotýo.

Salmokuéra 103:20

Pemomba’eguasu Ñanderuetépe, peẽ angelkuéra imba’éva guive, peẽ pendepy’aguasu mbaretéva ha pejapóva guive iñe’ẽ, peẽ peneñe’ẽrendu porã hembiapoukapy he’ívape.

Salmokuéra 148:2

Pemomba’eguasu ichupe, peẽ mayma hi’angelkuéra, pemomba’eguasu ichupe peẽ yvága rembiguái atykuéra.

Salmokuéra 68:17

Ñanderuete cárro ñorãirõ megua ndaikatúi ojepapa, Ñanderuete voi og̃uahẽ hendag̃ua porãitépe Sinaígui.

Daniel 7:10

Peteĩ ysyry tataguiguáva osẽ henondégui; heta millónes oservi ichupe; ha heta 100 millónes oñembo’y henondépe, ha oguapy rire umi oporombojovakéva avei ojepe’a umi kuatiañe’ẽ.

Deuteronómio 33:2

Ha he’i: Ñanderuete ou Sinaígui ha ojehechauka Israélpe Seírgui, hesape ojajái Paran cérro guive ha ou 10.000 ijyvága rembiguái ndive, ipo akatúvape oĩ tata rendy.

hebreoyguakuerape 12:22

Peẽ katu peñemboja uvei cérro Sion rehe, Ñanderuete oikovéva tavaguasu rehe, ha’eha pe Jerusalen yvága pegua ha peg̃uahẽ 10.000-kuéra yvága rembiguaikuéra rendápe,

Júdas 1:14

Enoc, pe ñemoñare 7-ha (7 generaciónes) Adan guive oprofetizava’ekue hesekuéra he’ívo: Pema’ẽ porã, Ñandejára ouva’erã katuete heta 10.000-kuéra heko potĩva apytépe,

Apocalípsis 19:6

Upérõ ahendu tetãygua atyguasu ñe’ẽpúicha, ku yguasu ryapúicha ha arasunu mbarete ryapúicha, he’íva: Alelúia! Oisãmbyhýma Ñandejára, Ñanderuete, pe Ipu’akapáva.

Apocalípsis 4:4

Ha pe guapyhaguasu jerekuévo oĩ ambue 24 guapyha, ha hi’ári oguapy 24 karai ancianokuéra oñemondéva ao morotĩme, ha iñakãnguéra rehe oĩ akã jeguaka (coróna) oroguiguáva.

Apocalípsis 4:6

Ha pe guapyhaguasu renondépe oĩ yguasu vidrioichagua, hesakãva ita veráicha, ha pe guapyha mbytépe ha ijerekuévo oĩ irundy tekove oikovéva henyhẽva teságui henonde ha hapykuévo.

Apocalípsis 5:14

Ha umi irundy tekove he’i: Amen (taupéicha). Ha umi 24 karai anciáno ojeity omomba’eguasu hag̃ua Ñanderuetépe, pe Oikovéva tapia g̃uarã renondépe.

Apocalípsis 5:6

Ha ahecha pe guapyhaguasu ha umi irundy tekove oikovéva ha umi 24 karai anciáno mbytépe oñembo’yvahína peteĩ Ovecha ra’y ojejukava’ekuéicha, Ha’e 7 hatĩ ha 7 hesa, ko’ãva ningo 7 Ñanderuete Pytu Porãite oñemboúva opaite yvy ape ári.

Apocalípsis 5:8

Ha’e orecibívo pe kuatiañe’ẽ umi irundy tekove oikovéva ha umi 24 karai anciáno ojeity pe Ovechara’y renondépe ha peteĩteĩ umi karai anciáno oguereko ipópe peteĩ mbarakaguasu ha peteĩ váso oroguiguáva henyhẽva mba’e ryakuã porãgui, ko’ãva ningo umi heko potĩva ñembo’e.

Apocalípsis 7:11

Ha opaite yvága rembiguái, umi karai ancianokuéra ha umi irundy tekove oñembo’yvahína pe guapyhaguasu jerekuévo, ojeity ovapývo pe guapyhaguasu renondépe omomba’eguasu hag̃ua Ñanderuetépe,

Apocalípsis 9:16

Ha che ningo ahendu oĩha 200.000.000 (200 millónes) kavaju arigua.