Apocalípsis 4:5

Ñanderuete Ñe’ẽ Porã 2015

Ha pe guapyhaguasúgui osẽ aratiri, ñe’ẽpu ha arasunu; ha 7 tataindy ohesape pe guapyhaguasu renondépe, umíva ha’e umi 7 Ñanderuete Pytu Porãite.

Referencias Cruzadas

Genesis 15:7

Ha Ha’e he’i ichupe: Che ningo nde Jára roguenohẽva’ekue Ur, Caldeaygua retãgui, ame’ẽ hag̃ua ndéve ko yvy kóva ne mba’erã ramo.

2 Crónicas 4:20

Upéicha avei umi tataindyenda hataindy reheve ojapouka bróncegui, omyendy hag̃ua pe kotyguasu oñemboykéva pa’ikuérape g̃uarã, oĩva pe kotyguasu oñemboykéva Ñanderuete ha pa’iguasúpe g̃uarã renondépe, ha ojapopa hikuái oje’e haguéicha ichupekuéra.

Salmokuéra 68:35

Pekyhyjéke Ñanderuetégui, hogaguasúgui. Israel Jára ome’ẽ pu’aka ha mbarete hetãme, upévare pemomba’eguasu ichupe.

Éxodo 19:16

Ha ojehu pe ára mbohapyhápe, ko’ẽ jave, oiko arasunu, aratiri ha arai iñanambusúva ojaho’ipáva pe cérro ru’ã, trompéta ipu hatãitereíva, omboryryipáva mayma tetãygua ijatývape.

Éxodo 20:18

Tetãygua maymáva oma’ẽ mombyry joa arasunu ha aratiri rehe, ha trompéta pu ha pe cérro hatatĩva rehe; ha tetãyguakuéra ohechávo upéva oryryipa ha oñemomombyry.

Éxodo 25:37

Ha pe tataindyenda oguerekóta 7 temiendy hi’ári ohesape hag̃ua henonde gotýo.

Éxodo 37:23

Ojapo oroitégui avei umi 7 temiendy, tataindy mopotĩha ha ña’ẽmbekuéra.

Ezequiel 1:13

Ha umi tekove ojogua tatapỹi hendývape, ku tata’ýicha ou ha ohóva ijapytepekuéra, ha pe tata ojajái, ha upe tatágui osẽ aratiri.

Joel 3:16

Ñanderuete okororõta Sion guive, ha Jerusalen guive oñe’ẽ hatãta, ha oryryipáta yvága ha yvy, Ñanderuete katu omo’ã ha osalváta hetãme.

Zacarías 4:2

Ha oporandu chéve: Mba’épa rehecha. Ha che ambohovái: Ahecha peteĩ tataindyenda oroguiguáva ha hi’ári oĩ peteĩ mba’yru acéitepe g̃uarã, ha oĩ avei 7 hemiendy pe tataindyenda ári, 7 acéite rape omongarúva acéite reheve umi 7 hemiendy.

Matéo 25:1

Ñanderuete retãguasu ojoguaite 10 kuñataĩme, ojapyhýva hataindynguéra ha osẽva ojohu hag̃ua pe menarãme.

Matéo 3:11

Che ningo pobautiza ýpe pejevy hag̃ua (Ñanderuete rendápe), upe oútava che rapykuéri katu ipu’akaiteve chehegui, ha ndaijái chéve ajora hag̃ua isapatusãnte jepe, Ha’e pendebautizáta Pytu Porãmbáva ha tatápe.

Apostolkuéra 2:3

ha ojehechauka tatarendy oñemyasãiva kũicha peteĩteĩ iñakã ári.

Apocalípsis 1:4

Che, Juan, amomaitei umi 7 iglésia oĩva Ásiape: Ñanderuete tapenderovasa ha tome’ẽ peẽme pe py’aguapy oúva pe Oikovévagui, pe Oikovemívagui ha pe Ouva’erãvagui, ha umi 7 Pytu Porãgui iguapyhaguasu renondépe,

Apocalípsis 10:3

ha’e osapukái ñe’ẽpuguasúpe leõ okororõvaicha, ha péicha osapukáivo umi 7 arasunu ombohasa iñe’ẽpu.

Apocalípsis 11:19

Ha ojepe’a Ñanderuete rogaguasu oĩva yvágape ha ojehecha pe karameg̃ua, péva rupi ojehechauka Ñanderuete oñembopy’apeteĩ hague Israel retã ndive, ha oiko aratiri, ñe’ẽpu, arasunu, yvyryrýi ha amandauguasu.

Apocalípsis 3:1

Ehai Sárdes iglésia rembijokuáipe g̃uarã: Péicha he’i pe oguerekóva umi 7 Ñanderuete Pytu Porãite ha umi 7 jasytata ipópe: Aikuaa porã ne rembiapokue, oje’e ningo nde reikoveha, remanóma ramojepe.

Apocalípsis 5:6

Ha ahecha pe guapyhaguasu ha umi irundy tekove oikovéva ha umi 24 karai anciáno mbytépe oñembo’yvahína peteĩ Ovecha ra’y ojejukava’ekuéicha, Ha’e 7 hatĩ ha 7 hesa, ko’ãva ningo 7 Ñanderuete Pytu Porãite oñemboúva opaite yvy ape ári.

Apocalípsis 8:5

Upéi pe yvága rembiguái ojapyhy pe mba’yru oroguiguáva omohatatĩ hag̃ua mba’e ryakuã porã ha omyenyhẽ tatapỹigui pe kuave’ẽmby renda ratágui oity hag̃ua yvy ape ári, ha upevovete oiko arasunu, ñe’ẽpu, aratiri ha yvy ryrýi.