Apocalípsis 4:4

Ñanderuete Ñe’ẽ Porã 2015

Ha pe guapyhaguasu jerekuévo oĩ ambue 24 guapyha, ha hi’ári oguapy 24 karai ancianokuéra oñemondéva ao morotĩme, ha iñakãnguéra rehe oĩ akã jeguaka (coróna) oroguiguáva.

Referencias Cruzadas

Ester 8:15

Ha Mardoquéo osẽ tetã ruvicha rogaguasúgui, mburuvichaguasu ao hovy ha morotĩva reheve, ha peteĩ akã jeguaka (coróna) oroguigua tuichaitéva iñakã rehe, ha peteĩ póncho ao ka’avo inimbo pytãvagui. Upéramo umi Susaygua ovy’aite ha oiko toryguasúpe.

Salmokuéra 21:3

Nde resẽ hendápe rehovasa hag̃ua ichupe ha remoĩ iñakãre akã jeguaka oroguiguáva.

Matéo 19:28

Ha Hesu he’i: Añetehápe Che ha’e peẽme, upe ipyahupa jevyha árape, pe yvyarigua Ra’y oguapyva’erã iguapyha omimbívape ha peẽ pejúva che rapykuéri peguapýta avei 12 guapyha ári pembojovake hag̃ua umi 12 Israel tribukuérape.

Lúcas 22:30

Peẽ pekaru ha pey’u hag̃ua che mesápe che retãguasúpe, ha peguapyva’erã guapyhaguasu ári che retãguasúpe, pembojovake hag̃ua umi 12 Israel tríbupe.

2 Timotéope 4:8

Oñeñongatúma che renonderãme pe justícia jopói, Hesu Crísto, pe mbojovakehára heko peguáva, ome’ẽtava chéve, Ha’e ourõg̃uarã, ha ndachéve añói, ome’ẽva’erã katuete avei opaite umi oha’ãrõvape mborayhu reheve Ha’e ou jevyrõg̃uarã ára.

Apocalípsis 11:16

Ha umi 24 karai anciáno, oguapýva iguapyhakuérape Ñanderuete guapyha renondépe, ojeity ovapývo omomba’eguasu hag̃ua Ñanderuetépe,

Apocalípsis 14:3

Ha opurahéi hikuái peteĩ purahéi pyahu pe guapyhaguasu renondépe ha umi irundy tekove ha umi karai ancianokuéra renondépe, ha avave ambuekuéra apytégui ndaikatúi oikuaa ko purahéi kóva, umi 144.000 mante, ha’ekuéra ojejoguava’ekue tetãyguakuéra apytégui.

Apocalípsis 19:14

Ha umi ejército yvága peguáva oho hapykuéri kavaju morotĩ ári, oñemonde ao líno porãitépe, morotĩ asy ha ipotĩvape.

Apocalípsis 19:4

Upéramo umi 24 karai ancianokuéra ha umi irundy tekove ojeity ovapývo omomba’eguasu hag̃ua Ñanderuetépe, oguapýva iguapyhaguasúpe, ha he’i hikuái: Amen, alelúia.

Apocalípsis 2:10

Anítei rekyhyje rehasa asyvétavagui. Eikuaa porãke, Satana oitýta cárcelpe hermanokuéra pende apytégui ohasa asy hag̃ua 10 ára (día) pukukue pendepy’ara’ã hag̃ua. Ejeroviaite, remano meve ha Che ame’ẽta ndéve pe tekove rehegua akã jeguaka.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.

Apocalípsis 3:18

Upévare Che ha’e ndéve ejogua chehegui óro ñemopotĩmbyréva neñemotĩetéi hag̃ua, ejogua chehegui ao morotĩ reñemonde hag̃ua, ani hag̃ua ojehecha ndeopivoha ha reñemotĩete, ejogua avei chehegui tesa pohã reñepohãno hag̃ua ha rehecha porã jey hag̃ua.

Apocalípsis 4:10

upevovete umi 24 karai ancianokuéra ojeity ovapývo pe Oguapýva renondépe ha Oikovéva ára atyguasukuéra guive umi ára atyguasurãme g̃uarã ha oity hikuái iñakã jeguaka pe guapyha renondépe ha he’i:

Apocalípsis 4:6

Ha pe guapyhaguasu renondépe oĩ yguasu vidrioichagua, hesakãva ita veráicha, ha pe guapyha mbytépe ha ijerekuévo oĩ irundy tekove oikovéva henyhẽva teságui henonde ha hapykuévo.

Apocalípsis 5:11

Ha ama’ẽ ahendu hetave 100.000.000 (100 millónes) yvága rembiguái (ángel) ñe’ẽpu pe guapyhaguasu jerekuévo, oĩháme avei umi 4 tekove oikovéva ha umi karai ancianokuéra,

Apocalípsis 5:14

Ha umi irundy tekove he’i: Amen (taupéicha). Ha umi 24 karai anciáno ojeity omomba’eguasu hag̃ua Ñanderuetépe, pe Oikovéva tapia g̃uarã renondépe.

Apocalípsis 5:6

Ha ahecha pe guapyhaguasu ha umi irundy tekove oikovéva ha umi 24 karai anciáno mbytépe oñembo’yvahína peteĩ Ovecha ra’y ojejukava’ekuéicha, Ha’e 7 hatĩ ha 7 hesa, ko’ãva ningo 7 Ñanderuete Pytu Porãite oñemboúva opaite yvy ape ári.

Apocalípsis 5:8

Ha’e orecibívo pe kuatiañe’ẽ umi irundy tekove oikovéva ha umi 24 karai anciáno ojeity pe Ovechara’y renondépe ha peteĩteĩ umi karai anciáno oguereko ipópe peteĩ mbarakaguasu ha peteĩ váso oroguiguáva henyhẽva mba’e ryakuã porãgui, ko’ãva ningo umi heko potĩva ñembo’e.

Apocalípsis 6:11

Ha oñeme’ẽ ichupekuéra peteĩteĩme ao morotĩ, ha oje’e ichupekuéra opytu’umive hag̃ua mbovy arami oĩmba peve umi ojejukavéta avei ha’ekuéraicha, iñermanokuéra ha iñirũnguéra apytégui.

Apocalípsis 7:11

Ha opaite yvága rembiguái, umi karai ancianokuéra ha umi irundy tekove oñembo’yvahína pe guapyhaguasu jerekuévo, ojeity ovapývo pe guapyhaguasu renondépe omomba’eguasu hag̃ua Ñanderuetépe,

Apocalípsis 7:9

Ko’ã mba’e rire ama’ẽ ha ahecha peteĩ atyguasu avave ndaikatúiva oipapa, opaichagua ñe’ẽ, tríbu ha tetãgui, oñembo’yvahína pe guapyhaguasu ha pe Ovechara’y renondépe, oñemondéva ao morotĩme ha ipópe ojoko hikuái pindo rogue.

Apocalípsis 9:7

Umi tuku ojogua kavajúpe oñembosako’íva oñorãirõ hag̃uáme iñakãnguéra ári oguereko peteĩ mba’e ojoguáva peteĩ coróna oroguiguávape, ha hovakuéra kuimba’e rováicha.