Apocalípsis 4:3

Ñanderuete Ñe’ẽ Porã 2015

Ha pe Oguapýva pe guapyhaguasúpe ojogua peteĩ ita vera sakã hovy kangy ha pytãũvape ha pe guapyhaguasu jerekuévo oĩ pe árco de Noe (jy’y) omimbíva ita vera hovy kangývaicha.

Referencias Cruzadas

Éxodo 24:10

Ha ohecha hikuái Israel Járape; ha Ñanderuete opyrũháme oĩ ita vera hovyũvaicha, ojoguáva yvága mimbi potĩ porãitépe.

Éxodo 28:18

Hysýi mokõiháre remoĩta peteĩ ita vera hovy kangy, peteĩ ita vera hovyũ ha peteĩ ita vera omimbietéva.

Éxodo 39:11

Hysýi mokõiháme, oĩ peteĩ ita vera pytã, peteĩ ita vera hovyũ ha peteĩ ita vera omimbietéva.

Isaías 6:1

Pe tetã ruvicha Usías omanoha áñope, che, Isaías, ahecha Ñanderuetépe oguapy jave iguapyha yvate ha iporãitéva ári, ha ijahoja ruguái omyenyhẽ Ñanderuete rogaguasu.

Ezequiel 1:26

Ha pe ahojaguasuete ári ahecha peteĩ mburuvicha guapyhaguasu ojejapóva ita veraguiguáicha ha hi’ári oguapy peteĩ ojoguáva kuimba’épe.

Ezequiel 1:28

Ku jýi (árco de Noe) osẽ háicha arai rehe oky jave, péicha ojajái Ñanderuete reko jajaipa ijerekuévo. Ha ahecha vove péva, ajeity che rova yvy rehe, ha ahendu peteĩ oñe’ẽva chéve.

Ezequiel 10:1

Ama’ẽ, ha péina umi querubin (ángel ruvicha) akã ári ahecha peteĩ mba’e iñasãiva ita vera hovýicha ha ojoguáva peteĩ mburuvichaguasu guapyhápe.

Ezequiel 28:13

Reikova’ekue Edénpe, Ñanderuete ka’avotýpe, reñemondeva’ekue opaichagua ita vera hepývape: Ita vera pytã (rubi), itajuve (topácio), itatĩverasakã hovy kangy (jáspe), ita vera hovy ha sa’yju (crisólito), itaparasaky (berílo), ita vera morotĩ hũ (ónice), ita vera hovyũ (zafíro), ita vera pytãvy (carbúnclo), ita vera hovy (esmerálda) ha óro porãvévagui ojejapopa ne mba’e pu pararãnguéra ha ne mimbykuéra, ko’ãva oñembosako’íra’e ndéve reje’apo ypyha árape.

Apocalípsis 10:1

Upéi ahecha ambue yvága rembiguái mbarete oguejýva yvágagui arai apytépe, iñakã ári oĩ pe árco de Noe (jy’y) hova omimbi kuarahýicha ha ipykuéra tata oñembo’yetévaicha.

Apocalípsis 21:11

Ipype oĩ Ñanderuete reko jajaipa, hesape ojogua ita hepývape, ita vera sakã hovy kangývape, hesakãva vídrio hepyetévape.