Apocalípsis 4:2

Ñanderuete Ñe’ẽ Porã 2015

Upevovete che aĩ che pytu porãme ha ahecha oñemohenda peteĩ guapyhaguasu yvágape ha hi’ári oĩ peteĩ Oguapyvahína.

Referencias Cruzadas

1 Réyes 22:19

Upémaramo ha’e he’i: Ehendu Ñanderuete ñe’ẽ: Che ahecha Ñanderuetépe oguapy ramo iguapyha guasúpe, ha opaite yvága rembiguái oĩmba ijypýpe, ijakatúa ha ijasu gotýo.

Salmokuéra 11:4

Ñanderuete oĩ hogaguasúpe, Ñanderuete guapyhaguasu oĩ yvágape, hesakuéra ohechapa, hopeakuéra ombojovake yvyariguakuérape.

Isaías 6:1

Pe tetã ruvicha Usías omanoha áñope, che, Isaías, ahecha Ñanderuetépe oguapy jave iguapyha yvate ha iporãitéva ári, ha ijahoja ruguái omyenyhẽ Ñanderuete rogaguasu.

Jeremías 17:12

Ñanderuete rogaguasu ojogua tetã ruvichaguasu guapyha omimbipávape, oñemomba’eguasuhápe iñepyrũ guive.

Ezequiel 1:26

Ha pe ahojaguasuete ári ahecha peteĩ mburuvicha guapyhaguasu ojejapóva ita veraguiguáicha ha hi’ári oguapy peteĩ ojoguáva kuimba’épe.

Ezequiel 1:28

Ku jýi (árco de Noe) osẽ háicha arai rehe oky jave, péicha ojajái Ñanderuete reko jajaipa ijerekuévo. Ha ahecha vove péva, ajeity che rova yvy rehe, ha ahendu peteĩ oñe’ẽva chéve.

Ezequiel 10:1

Ama’ẽ, ha péina umi querubin (ángel ruvicha) akã ári ahecha peteĩ mba’e iñasãiva ita vera hovýicha ha ojoguáva peteĩ mburuvichaguasu guapyhápe.

Daniel 7:9

Ha ama’ẽvévo ahecha oñemoĩ guapyhaguasúpe peteĩ Itujaitéva oguapy hag̃ua, ijao morotĩ ama rayvi rypy’áicha, ha iñakã rague imorotĩ ovecha rague ñemopotĩmbyréicha, iguapyhaguasu ha iruéda tata rendýicha.

Matéo 22:43

Ha Hesu he’i jevy ichupekuéra: Ha mba’éicha piko David, Pytu Porãmbáva rupive, ombohéra ichupe, che Jára, he’ívo:

hebreoyguakuerape 8:1

Pe mba’eguasuve ja’éva: Jaguereko peteĩ pa’iguasu yvagakuérape, oguapýma Ñanderuete guapyhaguasu akatúape,

Apocalípsis 1:10

Hesu Crísto árape (domíngo) ahendu che rapykuépe peteĩ oñe’ẽ hatãva ku turu puguasúicha,

Apocalípsis 12:5

Ha pe kuña imemby peteĩ kuimba’e, oisãmbyhyva’erãva opaite tetãnguérape yvyra po’i hierroguiguápe. Ha imemby ojehupi Ñanderuete rendápe iguapyhaguasu renondépe.

Apocalípsis 17:3

Ha pe yvága rembiguái chegueraha che pytúpe desiértope, upépe che ahecha pe kuña reko vai oguapyvahína peteĩ mymba pytãva ári, henyhẽ heta ñe’ẽvaígui ha oñemoĩva Ñanderuete rehe. Upe mymba 7 iñakã ha 10 hatĩ.

Apocalípsis 19:4

Upéramo umi 24 karai ancianokuéra ha umi irundy tekove ojeity ovapývo omomba’eguasu hag̃ua Ñanderuetépe, oguapýva iguapyhaguasúpe, ha he’i hikuái: Amen, alelúia.

Apocalípsis 20:11

Ha che, Juan, ahecha pe guapyhaguasu morotĩ ha pe oguapýva hi’ári, ha hovakégui okañy pe yvy ha pe ára, ha ndojejohuvéima mamove.

Apocalípsis 21:10

Ha pe yvága rembiguái chérupi che pytúpe peteĩ cerroguasu ijyvatéva ári ohechauka hag̃ua chéve pe tavaguasu Jerusalen, oguejýva yvágagui ha Ñanderuete omboykémava heko potĩvape g̃uarã.

Apocalípsis 21:5

Ha Ñanderuete he’i: Pema’ẽ porãke: Che ambopyahu opaite mba’e. Ehai ko’ã mba’e, oikopava’erã Che ha’éva guive, ipype oĩgui añetegua ha pu’aka tapia g̃uarãva.

Apocalípsis 3:21

Upe ombopoguýva mba’evai Che amboguapýta ichupe chendive che guapyhaguasúpe, Che ambopoguy haguéicha mba’evai ha ko’ág̃a aguapy’aína avei Ñanderuete ndive iguapyhaguasúpe.

Apocalípsis 4:10

upevovete umi 24 karai ancianokuéra ojeity ovapývo pe Oguapýva renondépe ha Oikovéva ára atyguasukuéra guive umi ára atyguasurãme g̃uarã ha oity hikuái iñakã jeguaka pe guapyha renondépe ha he’i:

Apocalípsis 4:5

Ha pe guapyhaguasúgui osẽ aratiri, ñe’ẽpu ha arasunu; ha 7 tataindy ohesape pe guapyhaguasu renondépe, umíva ha’e umi 7 Ñanderuete Pytu Porãite.

Apocalípsis 4:9

Ha umi tekove oikovéva omomba’eguasu, omboete ha oagradece pe Oguapývape iguapyhaguasúpe, ha oikovéva ára atyguasukuéra guive umi ára atyguasurãme g̃uarã,

Apocalípsis 5:1

Ha che ahecha pe guapyhápe Oguapýva po akatúape peteĩ kuatiañe’ẽ apakuapýicha, ha hese oĩ ñe’ẽ hyepývo ha okávo ha oñembotýva 7 ta’ãnga jopyhápe (séllope).

Apocalípsis 5:13

Uperire ahendu opaite oikóva yvágape, yvýpe, yvy guýpe ha yguasu ári ha hyepýpe he’ívo: Pe guapyhaguasúpe Oguapývape ha pe Ovechara’ýpe toñemomba’eguasu, toñemombe’u porã, toñemboete ha toñeme’ẽ pu’aka ára atyguasukuéra guive umi ára atyguasurãme g̃uarã.

Apocalípsis 6:16

ha he’i hikuái umi cérro ha itaguasúpe: Pe’ána ore’ári ha oreñomi pe Oguapyvahína guapyhaguasu ári rovágui ha pe Ovechara’y pochýgui.