Apocalípsis 4:10

Ñanderuete Ñe’ẽ Porã 2015

upevovete umi 24 karai ancianokuéra ojeity ovapývo pe Oguapýva renondépe ha Oikovéva ára atyguasukuéra guive umi ára atyguasurãme g̃uarã ha oity hikuái iñakã jeguaka pe guapyha renondépe ha he’i:

Referencias Cruzadas

1 Crónicas 29:20

Upéi David he’i opaite hetãyguakuérape: Pemomba’eguasu ko’ág̃a Ñanderuete, pende Járape. Upéramo opaite ijatýva guive omomba’eguasu Ñanderuetépe, ituvakuéra Járape, ha oñesũ ha oñembo’e hikuái Ñanderuetépe, tetã ruvicha renondépe.

2 Crónicas 7:3

Ha mayma Israel ñemonarengúera ohechávo oguejyha tata ha Ñanderuete reko jajaipa hogaguasu ári oñesũ hikuái tĩndyhápe pe yvy ape atã ári ha omboete ha omomba’eguasu Ñanderuetépe, he’ívo: Ha’e taipy’aporã ha taiporiahuvereko opaite árape hetã ndive.

Job 1:20

Upémaramo Job opu’ã, omondoro ijaokuéra, omoperõ iñakã, oñesũ yvýpe ha oñembo’e Ñanderuetépe,

Salmokuéra 115:1

Ani oremomba’eguasu, Nde, ore Ruete, aníkena oréve, nde rérante toñemomba’eguasu, Nde reko poriahuvereko ha ne ñe’ẽ añetegua rehehápe.

Salmokuéra 47:8

Ñanderuete oisãmbyhy tetãnguérape, Ha’e oguapýma iguapyhaguasu hekoite peguápe.

Salmokuéra 72:11

Opaite tetã ruvichakuéra toñesũ henondépe, mayma tetã toiko hembiguái ramo.

Salmokuéra 95:6

Peju, ñañesũ ha ñañembo’e ichupe, ñamomba’eguasu joaite Ñanderuete, ñande apoharépe.

Isaías 6:1

Pe tetã ruvicha Usías omanoha áñope, che, Isaías, ahecha Ñanderuetépe oguapy jave iguapyha yvate ha iporãitéva ári, ha ijahoja ruguái omyenyhẽ Ñanderuete rogaguasu.

Daniel 12:7

Ha ahendu pe ángel oñemondéva ao línope, oĩva pe ysyry ári, omopu’ã jave ijakatúa ha ijasu yvága gotýo, ha ome’ẽ iñe’ẽ omoañetéva Ñanderuete renondépe, pe Oikove tapia g̃uarãva, he’i: Hi’aréta mbohapy áño imédio. Upe ára upévape opava’erã pe mbyaihára pu’aka Israel retãme.

Daniel 4:34

Ha ohasapávo umi áño, che, Nabucodonosor, ajesaupi yvága rehe, ha che akã porã jevýma, upéi agradece pe Ijyvatetévape, amomba’eguasu ha amboete pe tapia Oikovévape, ha ipu’akapa ndaijapýrai, ha hetãguasu ndopamo’ãi araka’eve.

Matéo 2:11

Ha oikévo pe tymba rógape, ohecha pe mitãme, isy María ndive, ha upépe ñesũháme omomba’eguasu hikuái pe mitãme. Uperiremínte oipe’a imba’eita: Óro, inciénso ha mírra (mba’e ryakuã porãva).

Lúcas 24:52

Ha hemimbo’ekuéra omomba’eguasu rire ichupe py’arorýpe, ojevy Jerusalénpe,

1 Corintoyguakuérape 15:10

Ñanderuete poriahuvereko rupínte katu che ha’e pe ha’éva, ha pe mborayhu Ha’e oiporúva cherehe ndareíri, añeha’ãmbave opaite ambuekuéragui. Ndachéi jepe ningo, Ñanderuete rembiapo rupi uvei, ipy’aporã chemyañáva,

Deuteronómio 32:40

Che ahupi che po yvagakuéra rehe ha ha’e: Che rekovére,

Apocalípsis 10:6

ha ome’ẽ iñe’ẽ (juraménto) pe Oikovéva tapia g̃uarãva rérape, ojapova’ekue pe yvága ha oĩva guive ipype, pe yvy ha oĩva guive ipype, pe yguasu ha oĩva guive ipype, ha he’i Ñanderuete poriahuvereko arakuéra opava’erãha.

Apocalípsis 11:16

Ha umi 24 karai anciáno, oguapýva iguapyhakuérape Ñanderuete guapyha renondépe, ojeity ovapývo omomba’eguasu hag̃ua Ñanderuetépe,

Apocalípsis 15:4

Máva piko ndokyhyjemo’ãi ndehegui ha nanemomba’eguasumo’ãi. Nde añómante ningo nde reko porãite, upévare opaite tetãnguéra oúta nemomba’eguasu hag̃ua ojehechauka haguére Nde rembojovake porã ha hekoitépe.

Apocalípsis 15:7

Ha peteĩ umi irundy tekove (apytégui) ome’ẽ umi 7 yvága rembiguáipe 7 ña’ẽmbe oroguiguáva, henyhẽva Ñanderuete pochýgui, Ha’e ningo pe oikovéva ára atyguasu guive umi ára atyguasurãme g̃uarã.

Apocalípsis 19:4

Upéramo umi 24 karai ancianokuéra ha umi irundy tekove ojeity ovapývo omomba’eguasu hag̃ua Ñanderuetépe, oguapýva iguapyhaguasúpe, ha he’i hikuái: Amen, alelúia.

Apocalípsis 4:2

Upevovete che aĩ che pytu porãme ha ahecha oñemohenda peteĩ guapyhaguasu yvágape ha hi’ári oĩ peteĩ Oguapyvahína.

Apocalípsis 4:4

Ha pe guapyhaguasu jerekuévo oĩ ambue 24 guapyha, ha hi’ári oguapy 24 karai ancianokuéra oñemondéva ao morotĩme, ha iñakãnguéra rehe oĩ akã jeguaka (coróna) oroguiguáva.

Apocalípsis 4:9

Ha umi tekove oikovéva omomba’eguasu, omboete ha oagradece pe Oguapývape iguapyhaguasúpe, ha oikovéva ára atyguasukuéra guive umi ára atyguasurãme g̃uarã,

Apocalípsis 5:14

Ha umi irundy tekove he’i: Amen (taupéicha). Ha umi 24 karai anciáno ojeity omomba’eguasu hag̃ua Ñanderuetépe, pe Oikovéva tapia g̃uarã renondépe.

Apocalípsis 5:8

Ha’e orecibívo pe kuatiañe’ẽ umi irundy tekove oikovéva ha umi 24 karai anciáno ojeity pe Ovechara’y renondépe ha peteĩteĩ umi karai anciáno oguereko ipópe peteĩ mbarakaguasu ha peteĩ váso oroguiguáva henyhẽva mba’e ryakuã porãgui, ko’ãva ningo umi heko potĩva ñembo’e.

Apocalípsis 7:11

Ha opaite yvága rembiguái, umi karai ancianokuéra ha umi irundy tekove oñembo’yvahína pe guapyhaguasu jerekuévo, ojeity ovapývo pe guapyhaguasu renondépe omomba’eguasu hag̃ua Ñanderuetépe,