Apocalípsis 3:9

Ñanderuete Ñe’ẽ Porã 2015

Ema’ẽ porã, Che amondóta ne rendápe Satana iglésia pegua, he’íva ijehe Israel ra’yha, ndaha’éi katu, ijapu uvei. Eikuaa porãke, Che voi amog̃uahẽta avei ichupekuéra ne rendápe ojeity hag̃ua ovapývo nde py renondépe, ha’ekuéra oikuaa hag̃ua Che rohayhu hague.

Referencias Cruzadas

Ester 8:17

Ha umi tetã ha umi táva rupi mamo og̃uahẽha rupi tetã ruvicha rembiapoukapy, umi Judaygua ovy’a joa ha vy’apópe ojapo karuguasu pe ára pévape. Ha heta umi tetãygua yvy ape arigua apytépe oiko Judaygua ramo, okyhyjégui Judayguakuéragui.

Éxodo 11:8

Upéi oupáta che rendápe mayma ne rembiguaikuéra, oñesũ hag̃ua che renondépe ha he’íta hikuái: Tereho nde ha mayma tetãygua oĩva nde poguýpe; ha ko’ã mba’e rire che asẽta. Upérõ Moises ipochy osẽvo faraon rendágui.

Isaías 43:4

Re’a porãitereígui che resa renondépe, cherakate’ỹ nderehe, ha Che rohayhu; upévagui ame’ẽta kuimba’ekuéra ha tetãnguéra nde rekove rehe.

Isaías 45:14

Péicha he’i pende Ruete: Egípto pirapire, Etiopía mba’erepyeta ha umi Sabaygua kuimba’ekuéra ijyvatetéva oupáta ne rendápe ha oikóta hikuái ne mba’etee ramo; oguatáta hikuái nde rapykuéri, cadéna hierroguigua reheve oupáta; oñakãitypáta ne renondépe ha omba’ejerure asýta ndéve ha he’íta: Añetehápe penendive oĩ yvága Jára ha ndaipóri ambue Jára, pende Ruetémante.

Isaías 49:23

Tetã ruvichakuéra oñangarekóta ne membykuéra rehe, ha tetã ruvicha rembirekokuéra ningo herekuarã; tĩndyhápe nemomba’eguasúta ndéve, ha oheréita pe yvy timbo oĩva nde py rehe; ha reikuaáta Che ha’eha nde Ruete, ha umi cherehe ojeroviáva noñemotĩriva’erãha araka’eve.

Isaías 60:14

Umi tetãygua ra’yre ndejopyva’ekue ha oñembohoryva’ekue nderehe ojeitýta tĩndyhápe nde py renondépe, ha nembohérata Ñanderuete táva, Jerusalen, Israel Jára mba’e ojeporavopyréva.

Juan 17:23

Che ipypekuéra ha Nde chepype, upéichamante oiko porã hag̃ua hikuái oñondive, ha yvyariguakuéra oikuaa hag̃ua Nde chembou hague, ha Nde rehayhuha ichupekuéra, Nde cherayhu háicha chéve.

Apocalípsis 2:9

Che ningo aikuaa porã ne rembiapokue, nde jehasa asy ha ne mboriahukue (ne mba’eita ramojepe) ha umi Judayguakuéra oñe’ẽvaiha nderehe, ndaha’éi ramojepe Judaygua añeteguáva, Satana iglesiaygua uvei katu.

1 Samuel 2:36

Ha umi hembýva nde rogapýpe ouva’erã pe mburuvichaguasurã renondépe oñesũ hag̃ua pirapire ha pan pehẽnguemi rekávo, ha he’iva’erã ichupe: Ajeruréko ndéve chemoĩmi hag̃ua oimeraẽ tembiaporãme ikatu hag̃uáicha ha’u pan pehẽnguemi jepe.