Apocalípsis 3:7

Ñanderuete Ñe’ẽ Porã 2015

Ehai pe Filadélfia iglésia rembijokuáipe g̃uarã: Péicha he’i pe Heko Porãitéva, pe Añeteguáva, pe oguerekóva tetã ruvicha guasu David lláve, oipe’áva pe okẽ ha avave ndaikatúiva omboty, Ha’e omboty rire avave ndaikatúi oipe’a jey.

Referencias Cruzadas

Job 11:10

Ha’e ou ramo ombojovake ha oapresa hag̃ua heko vaívape, mávapa ojokokuaáne ichupe.

Job 12:14

Nemandu’a porãke, umi yvyarigua Ha’e oityva’ekuépe nopu’ãmo’ãvéima ha umi Ha’e omoingévape cárcelpe nosẽmo’ãvéima araka’eve.

Salmokuéra 145:17

Ñanderuete oisãmbyhy hekoitépe ha heko poriahuvereko ojehechakuaa hembiapokuéra rupi.

Salmokuéra 16:10

Nderehejamo’ãi che ánga omanómava retãme, ha nderehejamo’ãi umi ojeroviáva nderehe oñehundi hag̃ua.

Salmokuéra 89:18

Ñanderuete ningo ore mo’ãha ha ore retã ruvicha, Ha’e ningo Israel Heko porãva.

Isaías 22:22

Ha amoĩta ijati’y ári David róga rokẽ lláve, ha oipe’áta hokẽ ha avave nombotymo’ãi, ombotýta ha avave ndoipe’amo’ãi.

Isaías 30:11

peñemomombyry Ñanderuete rapégui, peñemboyke ichugui, peipe’a ore renondégui Israel Jára heko porãitéva.

Isaías 41:14

Ani rekyhyje, nde Jacóbo yso, peẽ Israelgua pene mbovy ramojepe, Che ningo pene pytyvõhára, Che voi pende Ruete, Israel Jára, peneguenohẽva pende jejopy vaígui.

Isaías 41:16

Remombóta yvytúre, ha pe yvytu oguerovevepáta, ha pe yvytu jepoka omosarambipáta; revy’aitéta nde Ruete ndive, ha nderoryetéta Israel Jára ndive.

Isaías 41:20

Oimeraẽva ohecha ha oikuaa porã hag̃ua pende Ruete po ojapopa hague ko’ã mba’e, ha Israel Jára ojapopava’ekue oĩva guive.

Isaías 47:4

Yvága atykuéra Jára, Israel Jára, ojapopáta ko’ã mba’e ko’ãva nderehe.

Isaías 48:17

Péicha he’íkuri pende Ruete, ne pytyvõhára, Israel Heko porãva: Che ha’e nde Ruete, nde Jára, nembo’éva reiko hag̃ua hekoitépe, rohekombo’e ha ahechauka’aína ne raperã.

Isaías 49:7

Péicha Ñanderuete he’i, Israel salvador, pe Heko porãva, tetãnguéra ndohayhúi ha omboykemava’ekue ichupe, Ha’e oikóta mburuvichakuéra ojopy asýva poguýpe, upeichavéramo jepe: Tetã ruvichakuéra ohecha joava’erã ichupe ha opu’ã joava’erã henonderãme ha mburuvichakuéra ojeityva’erã henondépe, Ñanderuete rehehápe; Israel Jára katuete ojapopáta he’imava’ekue guive, Ha’e voi noñemoambuéi ha Ha’e ndeporavova’ekue avei ichupe g̃uarã.

Isaías 54:5

Nde apohare ningo ne ména, nde Ruete, oñembohérava yvága atykuéra Jára; ha Israel Jára Heko porãva ndejogua voi; oñehenoiva’erã ichupe ko yvy tuichakue Jaraiteha.

Isaías 55:5

Ema’ẽ porãke, nde rehenóiva’erã umi tetã reikuaa’ỹvape, ha pya’e oñani joava’erã ne rendápe umi ndekuaa’ỹva, pende Ruetépe, pende Jára rehehápe, Ha’e nembotuicha haguére.

Isaías 6:3

Ha osapukái joa hikuái ojopekuéra: Heko porã, heko porã, heko porã, ñande yvága atykuéra Jára; pe yvy tuichakue oñemyenyhẽ heko jajaipágui.

Matéo 16:19

Ha ame’ẽta ndéve pe yvága rokẽ lláve ha reñapytĩva guive ko yvy ári, oñeñapytĩta avei yvágape; ha rejoráva yvy ape ári, ojejorava’erã yvágape.

Matéo 24:35

Yvagakuéra ha yvy ohasapáta, che ñe’ẽ katu ndohasamo’ãi ojejohu’ỹre.

Márcos 1:24

Mba’épa ore roguereko nendive, nde Hesu, Nazaret pegua. Rejúpa orehundi hag̃ua. Aikuaa porã mávapa nde: Nde ningo Yvága Jára Heko Porãitéva Ra’y.

Lúcas 1:32

Ha’e mba’eguasu, ha oñehenóita Yvatevéva Ra’y, ha Ñanderuete, pe Jaraitéva ome’ẽta ichupe itúva David guapyhaguasu,

Lúcas 4:34

Mba’e piko ore roguereko nendive, nde Hesu Nazaretgua, rejúpa orehundívo; che roikuaa porã, Nde ningo Yvága Jára remimbou Heko porãva.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Apostolkuéra 3:14

Peẽ katu pemboyke pe Heko Porãvape ha Heko peguávape, ha pejerure Hesu rendaguépe ojepoi hag̃ua peẽme Barrabas, peteĩ jukaháragui,

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

Apocalípsis 1:11

he’íva: Che ha’e pe “a” ha pe “zéta”, he’iséva pe ñepyrũ ha pe paha, opaite mba’e rehecháva guive ehai peteĩ kuatiañe’ẽme ha eguerahauka umi 7 iglésiape, oĩva Efésope, Esmírnape, Pérgamope, Tiatírape, Sárdespe, Filadélfiape ha Laodicéape.

Apocalípsis 1:18

pe aikovéva, ajejukava’ekue ha péina aikove ára atyguasukuéra guive umi ára atyguasurãnguéra peve ha Che poguýpe oĩ pe ñemano ha pe añaretã rokẽ lláve.

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.

Apocalípsis 15:3

Ha ha’ekuéra opurahéi, Ñanderuete rembiguái Moises purahéi ha pe Ovechara’y purahéi he’ívo hikuái: Ituicha ha iporãite ne rembiapokue, Nde, ore Ruete, Nde ningo pe Ipu’akapáva, Nde rapekuéra añete ha hekópe, Nde ningo tetãnguéra ruvichaguasuete.

Apocalípsis 16:7

Ha che, Juan, ahendu pe kuave’ẽmby renda he’i: Néi, Nde ore Jára, ore Ruete, rembojovake hekópe ha añetehápe.

Apocalípsis 19:11

Upéi che, Juan, ahecha pe yvága ojepe’a ha péina ou peteĩ kavaju morotĩ ha pe oguapýva hi’ári oñembohéra Hekopetegua (fiel) ha Añeteguáva, Ha’e ningo oporombojovake hekoitépe ha oñorãirõhína.

Apocalípsis 19:2

Ha’émante ombojovake hekoitépe ha añetehápe. Ha’e voi ombojovakeva’ekue upe kuña reko vaípe, ombyaiva’ekue ko yvy heko ky’a rupi. Ñanderuete omyengovia hembiapo vai, ipo rupi oñohẽva’ekue Ñanderuete rembiguaikuéra ruguy.

Apocalípsis 2:1

Ehai Eféso iglésia rembijokuáipe g̃uarã: Péicha he’i pe ojokóva umi 7 jasytata ipo akatúape, ha pe oikóva umi 7 tataindyenda oroguiguáva apytépe.

Apocalípsis 21:5

Ha Ñanderuete he’i: Pema’ẽ porãke: Che ambopyahu opaite mba’e. Ehai ko’ã mba’e, oikopava’erã Che ha’éva guive, ipype oĩgui añetegua ha pu’aka tapia g̃uarãva.

Apocalípsis 3:14

Ehai Laodicéa iglésia rembijokuáipe g̃uarã: Péicha he’i pe Amen, pe Techahare heko peguáva ha añeteguáva, pe Ojapóva Ñanderuete rembiapo tenonde peguáva.

Apocalípsis 4:8

Ha umi irundy tekove oikovéva peteĩteĩ 6 ipepo, ijerekuévo henyhẽ teságui okávo ha hyepývo, ha ndopytu’úi ára ni pyhare, he’ívo: Heko porã, heko porã, heko porã Ñanderuete, pe Karaiguasuetéva, pe Ipu’akapáva, pe Ha’eva’ekue, pe Ha’éva ha pe Ouva’erãva.

Apocalípsis 5:9

Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.

Apocalípsis 6:10

Ha ãva osapukái ñe’ẽpuguasúpe, ha he’i: Araka’e peve piko Nde, ore Jára heko porã ha añeteguáva reha’ãrõseve rembojovake ha remyengovia hag̃ua ore jukahára rembiapo vai, oikóva gueteri hikuái py’aguapýpe yvy apére.