Apocalípsis 3:5

Ñanderuete Ñe’ẽ Porã 2015

Upe ombopoguýva mba’evai oñemondéta ao morotĩme; ha ndaipe’amo’ãi héra pe tekovete rehegua kuatiañe’ẽgui, amombe’uva’erã uvei héra che Ruete ha ijyvága rembiguaikuéra renondépe.

Referencias Cruzadas

Salmokuéra 109:13

Iñemoñarenguéra toñehundipa, ha iñemoñare rerakuéra toñemboje’opa.

Salmokuéra 69:28

Tojepe’apa herakuéra pe jeikove kuatiañe’ẽgui, ha herakuéra ani ojehai umi heko potĩva apytépe.

Malaquías 3:17

Ha péva oikóta chéve g̃uarã mba’erepy iporavopyréva ramo, he’i ángel atykuéra Jára, upe ára upévape Che aiporiahuverekóta peteĩ túva oiporiahuvereko háicha ita’ýrape.

Matéo 10:32

Upévare oimeraẽ ohechaukáva chekuaaha yvyariguakuéra apytépe, Che avei aikuaaukáta ichupe che Ru yvága pegua renondépe.

Lúcas 10:20

Ani pevy’aite pemosẽ haguére umi mba’epochýpe, pevy’a uvei pende réra ojehai haguére yvágape.

Lúcas 12:8

Che ningo ha’e peẽme oimeraẽva otĩ’ỹva omombe’u hag̃ua che réra tetãyguakuéra renondépe, pe yvy arigua Ra’y notĩmo’ãi avei omombe’u hag̃ua héra Ñanderuete angelkuéra renondépe.

Deuteronómio 9:14

Cherejána tahundi ha tambogue herakuéra ko yvága guýgui, ha upéi Che ajapóta ndehegui peteĩ tetã imbareteve ha hetaitevéva ichuguikuéra.

Filipoyguakuérape 4:3

Che ajerure avei ndéve, che irũetéva (Sícigo), eipytyvõ ichupekuéra, ha’ekuéra ningo omba’apo porãva’ekue chendive omyasãi hag̃ua Ñanderuete ñe’ẽ porãite, upéicha avei Cleménte ha ambuekuérape; herakuéra ningo ojehai tekove rehegua kuatiañe’ẽme.

Júdas 1:24

Ñanderuete toñangareko penderehe, ha tapeneñongatu opaite ñepysãngágui, Ha’émante penemoñembo’ykuaa heko jajaipáva renondépe, vy’apópe ha teko porãme,

Apocalípsis 13:8

Ha opaite yvyarigua oikóva guive yvy apére, ha héra ndojehaíriva pe Ovechara’y kuatiañe’ẽ tekove reheguápe, omomba’eguasúta upe mymba upévape. Ha péva ojehaipáma voi ko kuatiañe’ẽ kóvape, ko yvy tuichakue ojejapo mboyve guive.

Apocalípsis 17:8

Upe mymba rehecha oikova’ekue ha upéi ndaiporivéima, ojupi jevyva’erã pe yvykua pypukuetégui oñehundi jevy hag̃ua; ha umi tetãygua réra ojehai’ỹva pe tekovete kuatiañe’ẽme ipy’andyipáta ohechávo upe mymbápe, oikómiva ha ndaiporivéima ha upéi ou jevy.

Apocalípsis 19:8

Ha ome’ẽ ichupe oñemonde hag̃ua ao líno hepyvévape, imorotĩ asy ha omimbipávape. Pe líno ningo imorotĩ asy, (he’ise) umi heko potĩva justícia.

Apocalípsis 2:11

Pe ijapysáva tohendu, pe Pytu Porãmbáva he’íva ijiglesiakuérape. Upe ombopoguýva mba’evai natekotevẽi okyhyje pe ñemano mokõihágui.

Apocalípsis 2:7

Pe ijapysáva tohendu pe Pytu Porãmbáva he’íva ijiglésiape: Pe ombopoguýva mba’evai che voi ame’ẽta ichupe pe tekove yvyra’a oĩva Ñanderuete yvyraty hi’a porãitéva mbytépe.

Apocalípsis 20:12

Upéi ahecha umi omanomava’ekuépe, tuicháva ha michĩvape, oñembo’y hikuái pe guapyhaguasu renondépe, ha ojepe’a umi kuatiañe’ẽ, ojepe’a avei ambue kuatiañe’ẽ, kóva pe tekovete reheguáva, oñembojovake hag̃ua hembiapokuéra rehe, ojehai háicha umi kuatiañe’ẽme.

Apocalípsis 20:15

Ha upe héra ojejohu’ỹva pe tekovete rehegua kuatiañe’ẽme oñemombova’erã pe lágo tataguiguápe.

Apocalípsis 21:27

Ha ndoikemo’ãi ipype mba’eve iky’áva, hembiapo vaíva térã ijapúva, umi héra ojehaívante pe Ovechara’y tekovete rehegua kuatiañe’ẽmente oikéta ipype.

Apocalípsis 22:19

ha oimeraẽ oipe’áva ñe’ẽ ko kuatiañe’ẽgui Ñanderuete oipe’áta avei héra pe tekovete kuatiañe’ẽgui ha pe távagui oñemboykéva Ñanderuetépe g̃uarã, ojehai háicha ko kuatiañe’ẽ kóvape.

Apocalípsis 3:12

Upe ombopoguýva mba’evai Che ajapóta ichugui peteĩ horcon che Ruete iglésiaguasúpe, ha araka’eve ndojepe’amo’ãi hendágui ha Che ahaíta hese Che Ruete réra ha Che Ruete táva réra, ko táva kóva ningo Jerusalen, oguejýtava yvágagui, ha hese ahaíta avei Che réra pyahu.

Apocalípsis 3:4

Rereko jepe Sárdespe mbovymi nomongy’aiva’ekue ijao, ha umía oikova’erã chendive ao morotĩ reheve, hembiapo porã ojerurégui péicha.

Apocalípsis 6:11

Ha oñeme’ẽ ichupekuéra peteĩteĩme ao morotĩ, ha oje’e ichupekuéra opytu’umive hag̃ua mbovy arami oĩmba peve umi ojejukavéta avei ha’ekuéraicha, iñermanokuéra ha iñirũnguéra apytégui.

1 Samuel 17:25

Ha mayma Israelgua he’i: Ndapehecháipa amo kuimba’e osẽva, ha’e oñemotenonde oñembohory hag̃ua Israel rehe. Upe ipu’akávape hese ñane retã ruvicha ome’ẽta mba’e repyeta ha itajýra, ha itúva rogayguakuéra nome’ẽmo’ãvéi impuésto tetã ruvichápe g̃uarã Israelguakuéra apytégui.