Apocalípsis 3:4

Ñanderuete Ñe’ẽ Porã 2015

Rereko jepe Sárdespe mbovymi nomongy’aiva’ekue ijao, ha umía oikova’erã chendive ao morotĩ reheve, hembiapo porã ojerurégui péicha.

Referencias Cruzadas

1 Réyes 19:18

Ha Che aheja hemby hag̃ua 7000 Israelgua noñesũiva’ekue Baal renondépe, ha ijurukuéra nohetũiva’ekue ichupe.

Ester 8:15

Ha Mardoquéo osẽ tetã ruvicha rogaguasúgui, mburuvichaguasu ao hovy ha morotĩva reheve, ha peteĩ akã jeguaka (coróna) oroguigua tuichaitéva iñakã rehe, ha peteĩ póncho ao ka’avo inimbo pytãvagui. Upéramo umi Susaygua ovy’aite ha oiko toryguasúpe.

Salmokuéra 68:14

Ñanderuete voi omosarambipa umi tetã ruvichápe, ha’eténte ku ama rayvi rypy’áicha okukuipava’ekue Salmon cérrope.

Eclesiástes 9:8

Opaite árape teremonde ao morotĩ, ha tapia eiporu mba’e ryakuã porã ne akã rehe.

Isaías 1:9

Ha yvága atykuéra Jára nañanemohembýi rire mbovymi jepe, jajoguaiteva’erãmo’ã Sodóma ha Gomórrape.

Isaías 52:1

Epáy, epáy, nde Sion, ha eñemombarete nde Jerusalen, pe táva Ñanderuete oiporavóva; emonde ndejehe nde ao iporãvéva, araka’eve ndoumo’ãvéigui tetã ambueygua ha ipotĩ’ỹva nde táva ryepýpe.

Isaías 59:6

Iñandu renimbógui ndojejapokuaái ao ha noñemondekuaái katu hembiapópe, hembiapokue aña rehegua ha umía rupi ojopyse voínte hapichápe.

Isaías 61:10

Chepy’aroryetéta Ñanderuete ndive, che ánga ovy’aitéta che Jára ndive, chemonde haguére isalvacion pegua aópe ha cheñuã ijustícia rehegua ahojápe, ku omendátava peguáicha chembojeguaka hikuái, oñembojeguaka háicha kuñataĩ omendátava ijeguaka hepývape.

Isaías 61:3

ha umi Jerusalengua ojepy’apy asývape ame’ẽukáta iñakã jeguakarã, tanimbu rãngue; acéite ryakuã porã, jahe’o rãngue; ahoja tory rehegua, jepy’apy rãngue; hérata tajy justícia rehegua, Ñanderuete oñotỹtava ohechauka hag̃ua heko jajaipáva.

Isaías 64:6

Ore ningo rojogua mba’e ky’ápe, ha opaite ore rembiapo porã ojogua avei ao ky’akuépe; ha ore ro’apa ku yvyra roguekuéicha, ha ore ñaña reko oregueraha yvytúicha.

Levítico 13:48

térã pyaha inimbo rehe, térã pyaha líno inimbo rehe térã ovecha rague inimbo rehe, térã vakapi rehe, térã oimeraẽ mba’e vakapiguiguáva rehe;

Matéo 10:11

Ha oimeraẽ táva térã tava’i mamo peikehápe, peporandu mávapa oiko hekópe; ha pepyta hendive hógape pesẽ jevy peve upégui.

Márcos 16:5

Oike hikuái pe tyvy ryepýpe, ha ohecha peteĩ karia’y oguapyvahína akatúa gotýo, ijao morotĩmbáva, ha tuichaiterei oñemondýi ha okyhyje hikuái.

Lúcas 20:35

Umi ojeguerekótava heko potĩva ramo ha ohupitýtava hendag̃ua yvágape pe ára atyguasurãme, pévape nomendamo’ãi ni noñemomendamo’ãi.

Lúcas 21:36

Peiko ku guárdia pyharegua oiko háicha pemaña porãvo (pemangea porãvo) opaite mba’ére pende jerére ojehúva guive. Peñembo’epeína peẽ penembarete hag̃ua, ha ani hag̃ua ho’apa avei ko’ã mba’e oútava pende’ári, ha ikatu hag̃ua peñembo’y pe yvyarigua Ra’y renondépe.

Apostolkuéra 1:15

Umi ára umívape, Pédro opu’ã hermanokuéra apytépe, oñembyatýva hikuái 120 rupi, ha he’i ichupekuéra:

2 Tesalonicayguakuérape 1:5

Ko’ã jehasa asy rupi ojehechakuaa Ñanderuete penembojovake porãha ha penembosako’iha, peiko hag̃ua avei hetãguasurãme, ha upévare ningo peẽ pehasa asy avei.

Júdas 1:23

peñeha’ãmba peguenohẽ hag̃ua ambuekuérape tatágui (añaretã poguýgui), ambuevekuérape katu peiporiahuvereko kyhyjepópe, anítei ijyvyarigua reko vai ao reheguáre jepe peñemongy’a avei peẽ.

Apocalípsis 1:11

he’íva: Che ha’e pe “a” ha pe “zéta”, he’iséva pe ñepyrũ ha pe paha, opaite mba’e rehecháva guive ehai peteĩ kuatiañe’ẽme ha eguerahauka umi 7 iglésiape, oĩva Efésope, Esmírnape, Pérgamope, Tiatírape, Sárdespe, Filadélfiape ha Laodicéape.

Apocalípsis 11:13

Ha upejave oiko yvyryryiguasu, ha pe óga atyguasu apytégui cáda óga 10-ha ho’a ha 7.000 hetãygua omano, ambuekuéra ohecháva guive umi mba’e oñemondyiete, ha omomba’eguasu Ñanderuete yvága peguápe.

Apocalípsis 14:4

Ko’ãva noñemongy’aiva’ekue ambue jára (gua’u) (kuña reko vai) ndive ha araka’eve ndopoíri ijeroviágui, ojerovia porã uvei Ñanderuete rehe. Ko’ãva oho pe Ovechara’y rapykuéri Ha’e ohohápe, ko’ãva ningo ojejogua tenondeva’ekue tetãyguakuéra apytégui Ñanderuete ha Ovechara’ýpe g̃uarã.

Apocalípsis 19:14

Ha umi ejército yvága peguáva oho hapykuéri kavaju morotĩ ári, oñemonde ao líno porãitépe, morotĩ asy ha ipotĩvape.

Apocalípsis 19:8

Ha ome’ẽ ichupe oñemonde hag̃ua ao líno hepyvévape, imorotĩ asy ha omimbipávape. Pe líno ningo imorotĩ asy, (he’ise) umi heko potĩva justícia.

Apocalípsis 3:18

Upévare Che ha’e ndéve ejogua chehegui óro ñemopotĩmbyréva neñemotĩetéi hag̃ua, ejogua chehegui ao morotĩ reñemonde hag̃ua, ani hag̃ua ojehecha ndeopivoha ha reñemotĩete, ejogua avei chehegui tesa pohã reñepohãno hag̃ua ha rehecha porã jey hag̃ua.

Apocalípsis 3:5

Upe ombopoguýva mba’evai oñemondéta ao morotĩme; ha ndaipe’amo’ãi héra pe tekovete rehegua kuatiañe’ẽgui, amombe’uva’erã uvei héra che Ruete ha ijyvága rembiguaikuéra renondépe.

Apocalípsis 4:4

Ha pe guapyhaguasu jerekuévo oĩ ambue 24 guapyha, ha hi’ári oguapy 24 karai ancianokuéra oñemondéva ao morotĩme, ha iñakãnguéra rehe oĩ akã jeguaka (coróna) oroguiguáva.

Apocalípsis 6:11

Ha oñeme’ẽ ichupekuéra peteĩteĩme ao morotĩ, ha oje’e ichupekuéra opytu’umive hag̃ua mbovy arami oĩmba peve umi ojejukavéta avei ha’ekuéraicha, iñermanokuéra ha iñirũnguéra apytégui.

Apocalípsis 7:9

Ko’ã mba’e rire ama’ẽ ha ahecha peteĩ atyguasu avave ndaikatúiva oipapa, opaichagua ñe’ẽ, tríbu ha tetãgui, oñembo’yvahína pe guapyhaguasu ha pe Ovechara’y renondépe, oñemondéva ao morotĩme ha ipópe ojoko hikuái pindo rogue.