Apocalípsis 3:3

Ñanderuete Ñe’ẽ Porã 2015

Nemandu’ákena pe mba’e rehupityva’ekue ha rehenduva’ekue rehe, upévare eñembyasyete ha ejevy Ñanderuete rendápe, nderepaýri ramo ajúta ne rendápe mondaháicha ha ndereikuaamo’ãi araka’etépa ajúta ne rendápe.

Referencias Cruzadas

Ezequiel 20:43

Upépe ae penemandu’áta pende rapekuéra rehe ha opaite mba’e peñemongy’ava’ekue rehe, pejeguaru hag̃ua pene rembiapo vaietekuégui.

Ezequiel 36:31

Peẽ penemandu’áta pende rape vaikue rehe, ha pene rembiapo vaikue rehe; ha petĩta pendejehegui pene ñaña rekógui ha pene rembiapo vaietégui.

Matéo 25:13

Cháke, peñembosako’íke ndapeikuaáigui mba’e árapepa, ni mba’e hórapepa oúta yvyarigua Ra’y, (Hesu Crísto).

Márcos 13:33

Pema’ẽ porãke, ani peke, avave ndoikuaáigui araka’épa oúta upe ára upéva.

Márcos 13:36

Anítei ha’e ou, oñeha’ãrõ’ỹ jave, ani pendejohu peñeñangareko’ỹ jave.

1 Tesalonicayguakuérape 5:2

peẽ ningo peikuaa porã voi pe ára Hesu Crísto og̃uahẽ jevytaha, oúta ku mondaháicha oúva pyharekuépe.

1 Timotéope 6:20

Nde, Timotéo, ejapóke che ha’éva guive ndéve, ejei umi ñemongeta vai reívagui ha pe kuaapy arandu gua’u reígui.

2 Timotéope 1:13

Ejejoko hatãkena umi ñe’ẽ rehenduva’ekue rehe che jurúgui ha rehechava’ekue rehe che rekovépe, ñande jerovia ha mborayhu rapo oĩgui Hesu Cristopype.

hebreoyguakuerape 2:1

Upévare jajapysaka porãva’erã umi mba’e ñahenduva’ekue rehe ani hag̃ua japia tape porãgui.

2 Pédro 1:13

Che rembiapo voi ningo, pomombáy ha pomomandu’a jevy jey hag̃ua ko’ã mba’ére aikove aja gueteri.

2 Pédro 3:1

Che rayhupára, ko kuatiañe’ẽ kóva ningo pe mokõiháma che ahaíva peẽme; ko’ã mokõi kuatiañe’ẽ rupi che pomokyre’ỹ pepensa hag̃ua hekópe;

2 Pédro 3:10

Hesu Crísto ára og̃uahẽta ku mondaháicha, ha upe ára upévape yvagakuéra ohasapáta tyapu sununu ryapu ndetuichaitévape, ha umi mba’e imichĩetevéva (eleméntos) jepe oñehundiva’erã tata rendýpe ha opaite mba’e oĩva guive ko múndope okaipava’erã.

Apocalípsis 16:15

Cháke, Che (Hesu) ajúta mondaháicha, ovy’ava’erã upe chera’ãrõva ha oñangarekóva ijao rehe, ani hag̃ua oiko opívo, ha ojehechávo otĩetetaha.

Apocalípsis 2:25

Umi mba’e peguerekóva katu peñongatu porãke pende py’apýpe Che aju jey peve.

Apocalípsis 2:5

Nemandu’áke mamóguipa re’ára’e ha eñembyasy, rejapo vai haguére, ha ejapo jevy umi tembiapo ñepyrũguaréva, upeicha’ỹrõ ajúta ne rendápe ha aipe’áta ne rataindyenda hendágui, ne rembyasýirõ rejapo vai haguére.

Apocalípsis 22:7

Peikuaa porãke, pya’e Che ajúta, (térã Che ajúta pe ára oñeha’ãrõ’ỹre, Matéo 24,7; Lúcas 17,24). Ovy’aite pe iñe’ẽrendúva ko’ã profecía ko’ãva rehe oĩva ko kuatiañe’ẽ kóvape.

Apocalípsis 3:11

Péinako Che aju pya’ete, upévare eñangareko porãke pe reguerekóva rehe, ani hag̃ua avave oipe’a ndehegui ne akã jeguaka.

Apocalípsis 3:19

Che ningo ahekombo’e ha ahavira opaite ahayhúvape, upévare eñeha’ãmba reñembyasy hag̃ua rejapo vai haguére.

Apocalípsis 3:2

Epáy katu ha emombarete umi omanombotávape; ndajohúiko ne rembiapo porãmbaha Ñanderuete renondépe.