Apocalípsis 3:11

Ñanderuete Ñe’ẽ Porã 2015

Péinako Che aju pya’ete, upévare eñangareko porãke pe reguerekóva rehe, ani hag̃ua avave oipe’a ndehegui ne akã jeguaka.

Referencias Cruzadas

Sofonías 1:14

Hi’ag̃uíma Ñanderuete araguasu, hi’ag̃uietéma ha oupotaitéma; upérõ, kyhyjepópe osapukáita pe ipy’aguasuvéva jepeve.

1 Corintoyguakuérape 9:25

Umi oñeha’ãmbáva ojejoko heta mba’égui ohupity hag̃uánte peteĩ yvyra rogue ñopẽmbyre iñakã rehegua jeguaka ramo, ha pya’e oñembyaíva; ñandéve g̃uarã katu oñembosako’i peteĩ akã rehegua ñopẽmbyre jeguaka oñembyai’ỹva araka’eve.

Filipoyguakuérape 4:5

Pende py’aporã tojekuaauka opavavépe, Hesu Crísto jeju hi’ag̃uíma.

2 Timotéope 2:5

Opaite umi oñeha’ãmbáva ramojepe, carrerahápe ndohupitymo’ãi avei hepyrã noñaníri ramo hekoitépe.

2 Timotéope 4:8

Oñeñongatúma che renonderãme pe justícia jopói, Hesu Crísto, pe mbojovakehára heko peguáva, ome’ẽtava chéve, Ha’e ourõg̃uarã, ha ndachéve añói, ome’ẽva’erã katuete avei opaite umi oha’ãrõvape mborayhu reheve Ha’e ou jevyrõg̃uarã ára.

Tiágo 1:12

Ovy’aite pe kuimba’e ogueropu’akáva kirirĩháme ijepy’ara’ã, osẽ porã rire ohupitýta pe tekove opa’ỹva, Ñanderuete ome’ẽtava oimeraẽvape ohayhúva guive ichupe.

Tiágo 5:9

Ani peñomoĩ vai ojupe, che hermanokuéra, ani hag̃ua peñembojovake peẽ. Peikuaa, pe mbojovakehára oĩhína okẽme.

Apocalípsis 1:3

Ovy’aite upe omoñe’ẽva ha umi ohendúva ko Hesu Crísto ñe’ẽ kóva, ha oñongatúva ipy’apýpe opaite ñe’ẽ oĩva guive ko kuatiañe’ẽ kóvape, upe ára upéva hi’ag̃uímagui.

Apocalípsis 16:15

Cháke, Che (Hesu) ajúta mondaháicha, ovy’ava’erã upe chera’ãrõva ha oñangarekóva ijao rehe, ani hag̃ua oiko opívo, ha ojehechávo otĩetetaha.

Apocalípsis 2:10

Anítei rekyhyje rehasa asyvétavagui. Eikuaa porãke, Satana oitýta cárcelpe hermanokuéra pende apytégui ohasa asy hag̃ua 10 ára (día) pukukue pendepy’ara’ã hag̃ua. Ejeroviaite, remano meve ha Che ame’ẽta ndéve pe tekove rehegua akã jeguaka.

Apocalípsis 2:13

Che aikuaapa nde rejapóva guive ha nde róga oĩha Satana oisãmbyhyhápe, nde katu rejerovia porã cherehe ha nderepoíri chehegui ojejuka ramojepe umi árape Antípas, che rechahare heko peguáva.

Apocalípsis 2:25

Umi mba’e peguerekóva katu peñongatu porãke pende py’apýpe Che aju jey peve.

Apocalípsis 22:12

Cháke, Che aju pya’éta, ha Che ahepyme’ẽta peteĩteĩme hembiapokue rehe.

Apocalípsis 22:20

Pe oikuaaukapáva ko’ã mba’e, he’i: Néi, Che aju pya’e (térã pe hóra oñeha’ãrõ’ỹva) Amen, eju ore Jára, Hesu Crísto.

Apocalípsis 22:7

Peikuaa porãke, pya’e Che ajúta, (térã Che ajúta pe ára oñeha’ãrõ’ỹre, Matéo 24,7; Lúcas 17,24). Ovy’aite pe iñe’ẽrendúva ko’ã profecía ko’ãva rehe oĩva ko kuatiañe’ẽ kóvape.

Apocalípsis 3:3

Nemandu’ákena pe mba’e rehupityva’ekue ha rehenduva’ekue rehe, upévare eñembyasyete ha ejevy Ñanderuete rendápe, nderepaýri ramo ajúta ne rendápe mondaháicha ha ndereikuaamo’ãi araka’etépa ajúta ne rendápe.

Apocalípsis 4:10

upevovete umi 24 karai ancianokuéra ojeity ovapývo pe Oguapýva renondépe ha Oikovéva ára atyguasukuéra guive umi ára atyguasurãme g̃uarã ha oity hikuái iñakã jeguaka pe guapyha renondépe ha he’i:

Apocalípsis 4:4

Ha pe guapyhaguasu jerekuévo oĩ ambue 24 guapyha, ha hi’ári oguapy 24 karai ancianokuéra oñemondéva ao morotĩme, ha iñakãnguéra rehe oĩ akã jeguaka (coróna) oroguiguáva.