Apocalípsis 3:1

Ñanderuete Ñe’ẽ Porã 2015

Ehai Sárdes iglésia rembijokuáipe g̃uarã: Péicha he’i pe oguerekóva umi 7 Ñanderuete Pytu Porãite ha umi 7 jasytata ipópe: Aikuaa porã ne rembiapokue, oje’e ningo nde reikoveha, remanóma ramojepe.

Referencias Cruzadas

Lúcas 15:24

Ko che ra’y kóva ningo omanomava’ekue, ha péina oikove jevy, okañyva’ekue ha péina ojejohu jevy, ha oñepyrũ ovy’a joa hikuái.

Lúcas 15:32

Ko’ág̃a ningo javy’a ha ñanderoryva’erã, ko nde ryvy kóva ningo omanomava’ekue, ha péina oikove jeýma, okañyva’ekue ha péina ojejohu jey ichupe.

Juan 1:16

Ha’e henyhẽte opaite mba’égui, ha imba’égui ome’ẽ opavave ñandéve, iporiahuvereko ha imborayhu jo’a jo’a.

Juan 1:33

Che ndaikuaái ichupe, upe chembouva’ekue aporobautiza hag̃ua ýpe, katu he’i chéve: Nde rehecha ramo peteĩ kuimba’e ári oguejy ramo pe Pytu Porãmbáva ha opytáva hi’ári, péva ningo pe oporobautizátava Pytu Porãmbávape.

Juan 20:22

Ha he’ipávo ko’ã ñe’ẽ, Ha’e oipeju hi’ári he’i ichupekuéra: Perecibi pe Pytu Porãmbáva.

Juan 3:34

Pe Ñanderuete ombouva’ekue oñe’ẽ Ñanderuete rembipotáre ha Ñanderuete ome’ẽ pe Pytu Porãmbáva takate’ỹ’ỹre opavave ojeroviáva guivépe Hesu Crístore.

Apostolkuéra 2:33

Ñanderuete ningo omboguapy ichupe ijakatúape ha Ha’e ome’ẽ avei Hesúpe promésa pe Pytu Porãmbáva outaha, ha ko’ág̃a Hesu oñohẽma avei pe Pytu Porãmbáva tetãyguakuéra ári.

Efesoyguakuérape 2:1

Ñanderuete penemoingovéma avei, yma peẽ pemano napeneñe’ẽrendúigui, pene rembiapo vai rupi,

Efesoyguakuérape 2:5

Ha ñande ñamanova’ekue jepe ñane rembiapo vaípe, Ha’e ñanemoingovéma Hesu Crísto rupi, Ñanderuete py’a porã rupi (grácia) peẽ pejesalváma.

Colosayguakuérape 2:13

Peẽ pemanova’ekue avei pene rembiapo vaieta rupi ha pende rete rembipota vai rupi, ko’ág̃a katu Ñanderuete penemoingovéma Hesu Crísto ndive, operdona haguére ipy’a porã rupi opaite ñane rembiapo vaikue.

1 Timotéope 5:6

Pe kuña imenave’ỹva, oikóva hete rembipota vai poguýpe, omanóma (ipytúpe), oikove ramojepe (hetépe).

Tiágo 2:26

Pe tete ipytu porã’ỹre omanóma (tetekue rei), upéicha avei pe jerovia tembiapo porã’ỹre, omanóma avei.

1 Pédro 1:11

Ha’ekuéra ohekámi oikuaa hag̃ua araka’épa ha mba’eichagua árapepa upe salvacion oikóta, Hesu Crísto Pytu Porãite, oĩva ipypekuéra he’iva’ekue ichupekuéra: Ha’e ohasa asy raẽtaha ha uperirémante Ha’e og̃uahẽtaha teko jajaipápe.

Júdas 1:12

Ko’ã mbo’ehára japu og̃uahẽ gueteri pende karuguasúpe, oiko ramojepe hikuái peẽme g̃uarã peteĩ pelígro ramo, ku itaguasu yguy peguáicha ohundikuaáva pe barcoguasu; otĩ’ỹre okaru porãsénte hikuái, ojogua hikuái arai ndahi’ýivape, pe yvytu oguerovéva ágotyo pégotyo; ojogua ningo hikuái yvyra hi’a kúivape térã hi’a’ỹvape, ipirúva ha ojehapo’óvape.

Apocalípsis 1:11

he’íva: Che ha’e pe “a” ha pe “zéta”, he’iséva pe ñepyrũ ha pe paha, opaite mba’e rehecháva guive ehai peteĩ kuatiañe’ẽme ha eguerahauka umi 7 iglésiape, oĩva Efésope, Esmírnape, Pérgamope, Tiatírape, Sárdespe, Filadélfiape ha Laodicéape.

Apocalípsis 1:16

Ipo akatúape oguereko 7 jasytata, ha ijurúgui osẽ peteĩ kyse akua pukuete hãimbe jováiva, ha hova ojajái ku kuarahy asajerõguáicha.

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.

Apocalípsis 1:4

Che, Juan, amomaitei umi 7 iglésia oĩva Ásiape: Ñanderuete tapenderovasa ha tome’ẽ peẽme pe py’aguapy oúva pe Oikovévagui, pe Oikovemívagui ha pe Ouva’erãvagui, ha umi 7 Pytu Porãgui iguapyhaguasu renondépe,

Apocalípsis 2:13

Che aikuaapa nde rejapóva guive ha nde róga oĩha Satana oisãmbyhyhápe, nde katu rejerovia porã cherehe ha nderepoíri chehegui ojejuka ramojepe umi árape Antípas, che rechahare heko peguáva.

Apocalípsis 2:19

Che aikuaa porã ne rembiapokue, ne mborayhu, nde jerovia, ha reporopytyvõha, reha’ãrõkuaaha ha ko’ág̃a remba’apoveha rejerovia ñepyrũ ramoguarégui.

Apocalípsis 2:2

Aikuaa porã ningo nde py’apýpe oĩva, ne rembiapokue ha nde paciéncia, ha aikuaa avei nde ndaikatuiha reaguanta iñañávape, ha reñeha’ãmba reikuaa porã hag̃ua umi og̃uahẽvape ne rendápe Ñanderuete remimbou añeteguápa térã gua’unteha, ha remboyke hague umi ijapúva ha ndaha’éiva Che remimbou.

Apocalípsis 2:9

Che ningo aikuaa porã ne rembiapokue, nde jehasa asy ha ne mboriahukue (ne mba’eita ramojepe) ha umi Judayguakuéra oñe’ẽvaiha nderehe, ndaha’éi ramojepe Judaygua añeteguáva, Satana iglesiaygua uvei katu.

Apocalípsis 3:15

Aikuaa porã ne rembiapokue, nanero’ysãi ni nanderakúiha; mba’eichatamora’e nero’ysã térã nderaku ra’e.

Apocalípsis 3:2

Epáy katu ha emombarete umi omanombotávape; ndajohúiko ne rembiapo porãmbaha Ñanderuete renondépe.

Apocalípsis 3:8

Aikuaa porã ne rembiapokue. Eikuaa porãke, Che voi aipe’a peteĩ okẽ ne renondépe ha avave ndaikatúi omboty; ha nde nekangy ramojepe rejapo Che rembipota ha nerembotovéi Che réra.

Apocalípsis 4:5

Ha pe guapyhaguasúgui osẽ aratiri, ñe’ẽpu ha arasunu; ha 7 tataindy ohesape pe guapyhaguasu renondépe, umíva ha’e umi 7 Ñanderuete Pytu Porãite.

Apocalípsis 5:6

Ha ahecha pe guapyhaguasu ha umi irundy tekove oikovéva ha umi 24 karai anciáno mbytépe oñembo’yvahína peteĩ Ovecha ra’y ojejukava’ekuéicha, Ha’e 7 hatĩ ha 7 hesa, ko’ãva ningo 7 Ñanderuete Pytu Porãite oñemboúva opaite yvy ape ári.