Apocalípsis 22:3

Ñanderuete Ñe’ẽ Porã 2015

Upépe ndaiporivéima mba’eve oñemaldecipyréva. Ñanderuete ha pe Ovechara’y guapyhaguasu oĩ ipype, ha hembiguaikuéra oservíta ichupe.

Referencias Cruzadas

Salmokuéra 16:11

Rehechaukáta chéve pe tekove rape, nde ypýpe oĩ vy’a añetetéva, ha péva ndopamo’ãi araka’eve.

Salmokuéra 17:15

Che katu avy’a ahecha guive nde rova, ha apáy vove ama’ẽ nde reko heko pegua rehe, chemohyg̃uatãva ha chembopy’aguapýva.

Isaías 12:6

Evy’a ha epurahéi, nde Siónpe reikóva; mba’eguasuete Israel Jára Heko porãva ojapóta pende apytépe.

Isaías 51:11

Añetehápe umi Ñanderuete ojoguávape oupa jevýta puraheipópe Siónpe, ijuru omomba’eguasúta Ñanderuetépe, vy’a ha tory omoirũta ichupekuéra, mba’asy ha pyahẽ okañymbáta ichuguikuéra.

Ezequiel 37:27

Ijapytepekuéra oĩta che rogaguasu, ha aikóta Ijaratee ramo, ha ha’ekuéra oikóta chéve che retã ramo.

Ezequiel 48:35

Ijerekuévo oĩ 55,24 kilómetro. Ha upe táva upéva hérata upe ára guive: Ñanderuete rekoha.

Zacarías 14:11

Ha oikova’erã hikuái ipype ha araka’eve ndaiporimo’ãvéima maldicion, ha Jerusalénpe ojeikóta kyhyje’ỹre.

Matéo 25:21

Ha ijára he’i ichupe: Iporãite, nde ningo che rembiguái mba’eporã ha heko peguáva; nde remba’apo porã haguére sa’i reheve, hetave amoĩta nde poguýpe; eike nde jára vy’ahápe.

Matéo 25:41

Upéi pe Tetã Ruvicha he’íta umi ijasu gotyoguápe: Pejei che ypýgui peẽ tekove ñañaita ha tapeho pe tata rendy apyre’ỹme oñembosako’imava’ekue pe aña ha umi aña retã rembiguaikuérape g̃uarã.

Juan 12:26

Oime ramo cheserviséva tou che rapykuéri, ha Che aimeháme upépe oĩva’erã avei che rembiguái, umi cheservívape che Ruete ombotuichava’erã.

Juan 13:32

Ñanderuete ombotuicha ramo Hesúpe, upérõ Ñanderuete voi oñembotuichava’erãavei Hesu rupi.

Juan 14:3

Ha Che aha rire ha ambosako’ipa rire avei, aju jevýta pene rendápe pogueraha hag̃ua chendive, peẽ peiko hag̃ua avei che aikohápe.

Juan 17:24

Che Ruete, umi Nde reme’ẽva’ekue chéve aipota oĩ hag̃ua hikuái avei Che aĩháme, ohecha hag̃ua hikuái che reko jajaipa Nde reme’ẽmava’ekue chéve, ha Nde cherayhu voiva’ekue ojejapo mboyve ko múndo ha yvagakuéra.

Deuteronómio 27:26

Maldicion ho’ava’erã umi ndojapóiva hekópe ko’ã tembiapoukapy ko’ãva. Ha mayma tetãygua he’iva’erã: Taupéicha.

Apocalípsis 7:10

Ha osapukái hikuái ñe’ẽpuguasúpe, he’ívo: Salvacion ningo ou Ñanderuetégui, Oguapýva pe guapyhaguasúpe, ha Ovechara’ýgui.

Apocalípsis 7:9

Ko’ã mba’e rire ama’ẽ ha ahecha peteĩ atyguasu avave ndaikatúiva oipapa, opaichagua ñe’ẽ, tríbu ha tetãgui, oñembo’yvahína pe guapyhaguasu ha pe Ovechara’y renondépe, oñemondéva ao morotĩme ha ipópe ojoko hikuái pindo rogue.