Apocalípsis 22:2

Ñanderuete Ñe’ẽ Porã 2015

Pe tavaguasu mbytépe ha ysyry rembe’y mokõivévape oĩ pe yvyra oporomoingovéva, hi’a meméva 12 jevy, peteĩteĩ jasýpe, hi’a ha hoguekuéra omonguera tetãnguérape.

Referencias Cruzadas

Genesis 2:9

Ha Ñanderuete omoheñói yvýgui opaichagua yvyra iporãva pe kuimba’e resa renondépe, hi’upyrã iporãva; omoheñói avei peteĩ yvyra oporomoingovéva yvaty mbytépe, ha ambue yvyra oikuaaukáva mba’e porã ha mba’e ivaíva.

Salmokuéra 147:3

Ha’e omonguera umi ipy’a ojekávape, ha ojokua jevy ipire oñekytĩ haguépe.

Mga Kawikaan 3:18

Ha’ehína yvyra oporomoingovéva umi hese oñemomba’évape g̃uarã, ha ovy’a iterei umi oñemomba’etévape hese.

Isaías 6:10

Emohatã ko’ã tetãygua py’apy ha emboty ijapysakuéra, ha hesakuéra, ani hag̃ua ohecha hesatee rupi, ha ani hag̃ua ohendu ijapysa rupi, ha ani hag̃ua ipy’apýpe oike mba’evete, ha ani hag̃ua ojevy hape vaígui ha oĩ ichupe g̃uarã ñepohãno.

Jeremías 17:14

Nde, che Ruete, chepohãno ramo akueráta; chesalvamína ha aiko porã jevýta; Nde ha’égui che rerakuã porã.

Ezequiel 47:1

Upéi pe ángel chegueru jevy Ñanderuete rogaguasu ojeikehápe; ha ahecha pe okẽ guýgui osẽ y osyrýva kuarahyresẽ gotýo; pe óga renonde oma’ẽ avei kuarahyresẽ gotýo, ha pe y osẽva upégui, osyry pe óga yke akatúa gotýo, pe kuave’ẽmby renda sur gotýo.

Oséas 14:4

Che amongueráta ichupekuéra heko ñañágui, Che ahayhu jevýta ichupekuéra, che pochy ojeíta ichuguikuéra.

Zacarías 14:8

Ha ojehuva’erã avei upe árape, Jerusaléngui osẽta y oikovéva, ha péva oñemboja’óta avei, ha peteĩ imbytere osyrýta (Mar Muérto) kuarahyresẽha gotýo, ha ambue imbytere osyrýta pe yguasu (Mar Mediterráneo) kuarahyreikeha gotýo, arahaku ha araro’ýpe osyryva’erã (ndahypamo’ãi).

Malaquías 4:2

Peẽ katu, pekyhyje ha pejeroviáva che réra rehe pehupitýta che justícia, ha pemimbíta ku kuarahy osẽ ramoguáicha ha ipepo rehe oguerúta pende salvacion ha pesẽta cherug̃uaitĩvo ha pepopóta vy’apópe ku vakara’ýicha osẽva ikorágui.

Lúcas 4:18

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

1 Pédro 2:24

Hesu Crísto oguerahava’ekue hetére ñane rembiapo vai kurusúre, ñande ñamano hag̃ua tembiapo vaípe g̃uarã ha jaiko justíciape g̃uarã. Ijekutukue rupi ningo peẽ pekuera.

Apocalípsis 2:7

Pe ijapysáva tohendu pe Pytu Porãmbáva he’íva ijiglésiape: Pe ombopoguýva mba’evai che voi ame’ẽta ichupe pe tekove yvyra’a oĩva Ñanderuete yvyraty hi’a porãitéva mbytépe.

Apocalípsis 21:21

Ha umi 12 táva rokẽguasu ojejapo ita vera hepyetévagui (itakytãtĩ, pérla), peteĩteĩ okẽguasu ogueraha peteĩ ita vera hepyetéva. Ha pe tavaguasu cálle ojejapo órogui, vídrio hepyete resakãicha.

Apocalípsis 21:24

Ha ipype umi tetãnguéra oguatáta hesapépe ha tetãnguéra ruvichakuéra ogueruva’erã upépe imba’e repyeta ha ipu’aka.

Apocalípsis 22:1

Upéi pe yvága rembiguái ohechauka chéve pe ysyry oporomoingovéva, hesakãva ita veráicha, osẽva Ñanderuete ha Ovechara’y guapyhaguasúgui.

Apocalípsis 22:14

Ovy’aite umi ojohéiva ijao, ha ojapóva hembiapoukapykuéra (1 Juan 3,23), ha’ekuérante ho’úta pe yvyra’a oporomoingovévagui, ha’ekuérante oikéta pe tavaguasu rokẽ rupi.

Apocalípsis 22:19

ha oimeraẽ oipe’áva ñe’ẽ ko kuatiañe’ẽgui Ñanderuete oipe’áta avei héra pe tekovete kuatiañe’ẽgui ha pe távagui oñemboykéva Ñanderuetépe g̃uarã, ojehai háicha ko kuatiañe’ẽ kóvape.