Apocalípsis 21:3

Ñanderuete Ñe’ẽ Porã 2015

Ha ahendu ñe’ẽ puguasu pe guapyhaguasúgui he’íva: Péina ko’ág̃a pe óga jojohuha (tabernáculo) oĩ tetãyguakuéra apytépe. Ñanderuete voi oikóta ijapytépe, Ituvatee ramo, ha tetãyguakuéra oikóta hetãtee ramo.

Referencias Cruzadas

1 Réyes 8:27

Añete piko ore Ruete oikóne yvy apére, yvagakuéra jepe imichĩ oiko hag̃ua ipype, ko’ytevépa ikatúne reiko ko ógape che amopu’ãva’ekue ndéve g̃uarã.

2 Crónicas 6:18

Añete piko ore Ruete oikóta yvyariguakuéra ndive yvy apére. Péina ápe, umi yvagakuéra ndaikatúi nderereko; ko’ytevépa ikatúne ko óga che amopu’ãva’ekue ndéve g̃uarã.

Éxodo 25:8

Ha omopu’ãta hikuái chéve g̃uarã peteĩ óga jajojohu hag̃ua ha aiko hag̃ua pende apytépe.

Éxodo 29:45

Ha aikóta Israel ra’ykuéra apytépe Ijára ramo.

Isaías 12:6

Evy’a ha epurahéi, nde Siónpe reikóva; mba’eguasuete Israel Jára Heko porãva ojapóta pende apytépe.

Jeremías 31:33

Ohasa rire umi ára añembopy’apeteĩta Israel róga rehe, ha’évo: Che amoĩta ko che ñe’ẽme’ẽ iñapytu’ũkuápe, ha ahaíta ipy’apypekuéra; ha Che aikóta ichupekuéra g̃uarã Ijára ramo, ha ha’ekuéra oikóta che retã ramo.

Jeremías 32:38

ha’ekuéra oikóta che retã ramo, ha Che aikóta Ijára ramo.

Ezequiel 37:27

Ijapytepekuéra oĩta che rogaguasu, ha aikóta Ijaratee ramo, ha ha’ekuéra oikóta chéve che retã ramo.

Ezequiel 43:7

ha Ha’e he’i chéve: Kuimba’e ra’y, kóa ha’e che guapyhaguasu renda, ko’ápe amoĩta che pypytépe, ha ipype aikóta Israel ñemoñarenguéra apytépe opaite árape; ha araka’eve Israel retã nomongy’amo’ãvéima che reraguasu, ha’ekuéra ni hetã ruvichakuéra nomongy’amo’ãvéima heko ky’a rupi, térã umi tetã ruvicha kuave’ẽmby rupi oikuave’ẽva’ekue umi yvy ijyvatehápe omomba’eguasu hag̃ua ambue jára gua’úpe.

Ezequiel 48:35

Ijerekuévo oĩ 55,24 kilómetro. Ha upe táva upéva hérata upe ára guive: Ñanderuete rekoha.

Zacarías 13:9

Ha pe atyguasu mbohapyha amoingéta tatápe, ha amboykúta ichupekuéra ku pláta oñemboyku háicha, amopotĩ hag̃ua iky’akuégui. Upérõ ohenóita hikuái che rérape ha Che ahendúta ichupekuéra ha ha’éta: Israel che retãtee, ha ha’ekuéra he’íta ángel atykuéra Jára, ore Ruete voi ningo Nde.

Zacarías 8:8

ha aguerúta ichupekuéra oiko jevy hag̃ua hikuái Jerusalen ryepýpe, oikóta hikuái che retã ramo, ha Che aikóta Ijára añeteguáva ramo ha mbojovakehára hekoite peguáva ramo.

Números 9:16

Péicha ojehu opaite árape: Pe arai omo’ã arakuépe pe óga jojohuhápe ha pyharekuépe peteĩ tata hendývape.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 14:23

Ha Hesu ombohovái ichupe ha he’i: Upe cherayhúva katuete ojapo avei che rembipota, ha che Ruete ohayhuva’erã avei ichupe, ha rojuva’erã hendápe rombosako’i hag̃ua ore rekoha ipype.

2 Corintoyguakuérape 6:16

Mba’éicha piko Ñanderuete iglésia oñembopy’apeteĩkuaáta jára ra’ãnga ñemomba’eguasu reheve. Ñande ningo Ñandejára Hesu Crísto iglésia, Ñanderuete kuatiañe’ẽme he’i háicha: Che aiko ha añembohogava’erã che retã apytépe, ha Che ha’éta Ijára, ha ha’ekuéra che retãtee, (Levítico 26,11-12).

2 Corintoyguakuérape 6:18

Che ningo pende Ru, ha peẽ peikóta che ra’ykuéra ha che rajykuéra ramo, he’i ningo pende Jára Ipu’akapáva.

1 Tesalonicayguakuérape 3:11

Ñandejára Ñanderuete ha Ñandejára Hesu Crísto tombosako’i ore raperã rog̃uahẽ meve pene rendápe.

hebreoyguakuerape 11:16

Ko’ág̃a katu ha’ekuéra oipota peteĩ tetã iporãvéva, pe yvága pegua, upévare Ñanderuete notĩri oiko hag̃ua Ituvatee ramo, Ha’e voi ombosako’íma avei itavaguasurã.

hebreoyguakuerape 8:10

Upévare Ñanderuete he’i: Pe ñembopy’apeteĩ ajapótava Israel retã ndive umi ára umíva rire péicha ningo: Che amoĩta che rembiapoukapy ipensamientokuérape ha ahaíta ipy’apýpe, ha Che apytáta Ijaratee ramo ha ha’ekuéra che retãtee ramo (Romayguakuérape 10, 4).

hebreoyguakuerape 8:2

ha omba’apóva pa’i ramo pe óga jojohuhápe Ñanderuete omopu’ãva’ekue yvágape, ndaha’éiva yvyarigua rembiapo.

Apocalípsis 10:4

Oñe’ẽ rire umi 7 arasunu che ahaise iñe’ẽnguéra peteĩ kuatiañe’ẽme, upérõ ahendu peteĩ oñe’ẽva yvágagui ha he’íva chéve: Ani reikuaauka avavépe umi arasunu he’iva’ekue, eñongatu porã uvei ha anítei rehai peteĩ kuatiañe’ẽme.

Apocalípsis 10:8

Ha pe ñe’ẽ ahendúva yvágaguio, oñe’ẽ jevy chendive ha he’i: Tereho erecibi pe kuatiañe’ẽ michĩva ojepe’áva pe yvága rembiguái pógui, oñembo’ýva yguasu ha yvy ári,

Apocalípsis 12:10

Ha oñehendu ñe’ẽpuguasu yvágaguio he’íva: Ko’ág̃a og̃uahẽma Ñanderuete salvacion, iñesãmbyhy ha ipu’aka, ha ita’ýra Hesu Crísto oisãmbyhy hag̃ua, oñemombógui yvy ape ári ñane hermanokuéra mombe’u vaihára, ñanemoĩ vaiva’ekue ára ha pyharépe Ñanderuete renondépe.

Apocalípsis 21:7

Upe ipu’akávape oñeme’ẽta opaite ko’ã mba’e, ha Che ha’éta Ituvatee, ha ha’ekuéra chera’y ha cherajy.

Apocalípsis 22:3

Upépe ndaiporivéima mba’eve oñemaldecipyréva. Ñanderuete ha pe Ovechara’y guapyhaguasu oĩ ipype, ha hembiguaikuéra oservíta ichupe.

Apocalípsis 7:15

Upévare ningo oĩ hikuái Ñanderuete guapyhaguasu renondépe, oservi hag̃ua ichupe ára ha pyharépe hogaguasúpe, ha pe Oguapýva guapyhaguasúpe oñangareko hesekuéra.