Apocalípsis 21:2

Ñanderuete Ñe’ẽ Porã 2015

Ha pe táva Ñanderuete omboykéva, pe Jerusalen pyahu, ahecha oguejy yvágagui, oñembosako’íva tembirekorã ojeguávaicha imenarãme g̃uarãicha.

Referencias Cruzadas

Salmokuéra 87:3

Heta mba’e iporãva oñemombe’u Sion táva rehe. Selah

Isaías 1:21

Mba’éicha rupípa nde Jerusalen repoi nde jeroviágui, reiko hag̃ua kuña reko vai ramoguáicha. Jerusalen ningo henyhẽva’ekue justíciagui ha justícia renda voiva’ekue; ko’ág̃a katu umi oporojukáva oiko ipype.

Isaías 52:1

Epáy, epáy, nde Sion, ha eñemombarete nde Jerusalen, pe táva Ñanderuete oiporavóva; emonde ndejehe nde ao iporãvéva, araka’eve ndoumo’ãvéigui tetã ambueygua ha ipotĩ’ỹva nde táva ryepýpe.

Isaías 54:5

Nde apohare ningo ne ména, nde Ruete, oñembohérava yvága atykuéra Jára; ha Israel Jára Heko porãva ndejogua voi; oñehenoiva’erã ichupe ko yvy tuichakue Jaraiteha.

Isaías 61:10

Chepy’aroryetéta Ñanderuete ndive, che ánga ovy’aitéta che Jára ndive, chemonde haguére isalvacion pegua aópe ha cheñuã ijustícia rehegua ahojápe, ku omendátava peguáicha chembojeguaka hikuái, oñembojeguaka háicha kuñataĩ omendátava ijeguaka hepývape.

Isaías 62:4

Araka’evéma ndoje’eveimava’erã nderehe kuña ojepoíva, ha ne retã rehe ndoje’eveimava’erã oñemonadiva’ekue; reñembohérata katu che rembiguái, ha ne retãme che rembireko, Ñanderuete mborayhu oĩtagui ndepype, ha ne retã yvy katu oguerekótama iména.

Jeremías 31:23

Péicha he’i Yvága Atykuéra Jára, Israel Jára: Juda retã ha itavakuérape, Che aguerukapa jevy rire umi ojeguerahamava’ekue jepokuapyhápe oje’éta gueteri ko ñe’ẽ kóva: Ñanderuete tanderovasa, nde, ñu hekojojáva, nde, cérro heko potĩva rehe.

Juan 3:29

Pe hembirekorãva, péva pe menarã; pe ohayhúva pe menarãme omoirũ ichupe ha ovy’a ohendu guive iñe’ẽ, ha pe vy’a péva che ahupitýma ko’ág̃a.

2 Corintoyguakuérape 11:2

Cherakate’ỹ ningo penderehe Ñanderuete rakate’ỹ reheve, che pomomenda peteĩ kuñataĩ imarã’ỹvaicha peteĩ ména rehe año: Hesu Crísto rehe.

hebreoyguakuerape 11:10

Abraham ojeroviágui oha’ãrõ og̃uahẽtaha pe tavaguasúpe Ñanderuete voi ombosako’i ha omopu’ã ipyenda mbaretéva ári.

hebreoyguakuerape 11:16

Ko’ág̃a katu ha’ekuéra oipota peteĩ tetã iporãvéva, pe yvága pegua, upévare Ñanderuete notĩri oiko hag̃ua Ituvatee ramo, Ha’e voi ombosako’íma avei itavaguasurã.

hebreoyguakuerape 12:22

Peẽ katu peñemboja uvei cérro Sion rehe, Ñanderuete oikovéva tavaguasu rehe, ha’eha pe Jerusalen yvága pegua ha peg̃uahẽ 10.000-kuéra yvága rembiguaikuéra rendápe,

hebreoyguakuerape 13:14

ko’ápe katu ndajaguerekói peichagua tavaguasu, upe jahekáva katu ouva’erã.

Apocalípsis 1:1

Ko’ã mba’e Ñanderuete ohechaukava’ekue Hesu Crístope, Ha’e ombohasa hag̃ua umi mba’e pya’e oikova’erãva hembiguaikuérape; Hesu Crísto oikuaauka ko’ã mba’e yvága rembiguái rupi Juánpe, Hesu Crísto rembiguái.

Apocalípsis 1:4

Che, Juan, amomaitei umi 7 iglésia oĩva Ásiape: Ñanderuete tapenderovasa ha tome’ẽ peẽme pe py’aguapy oúva pe Oikovévagui, pe Oikovemívagui ha pe Ouva’erãvagui, ha umi 7 Pytu Porãgui iguapyhaguasu renondépe,

Apocalípsis 1:9

Che, Juan, che avei pene hermáno ha pene irũ umi jepy’ara’ã jahasáva Hesu Crísto ha hetãguasu rehehápe. Ko’ág̃a che aĩ préso pe ypaũ (ísla) Pátmospe, yguasu pa’ũme, ajeroviágui Hesu Crístore ha amyasãi haguére Hesu Crísto evangélio.

Apocalípsis 11:2

pe korapy oka gotýo oĩva katu anítei reha’ã, oñeme’ẽmagui tetãyguakuéra ojerovia’ỹvape oñemomba’e hag̃ua hikuái Jerusalen rehe 42 jasy javeve,

Apocalípsis 21:10

Ha pe yvága rembiguái chérupi che pytúpe peteĩ cerroguasu ijyvatéva ári ohechauka hag̃ua chéve pe tavaguasu Jerusalen, oguejýva yvágagui ha Ñanderuete omboykémava heko potĩvape g̃uarã.

Apocalípsis 21:9

Ha ou che rendápe peteĩ yvága rembiguái umi 7 ángel apytégui, ipopekuéra oĩva’ekue umi 7 ña’ẽmbe henyhẽva umi 7 plága pahaguiguáva ha he’i chéve: Eju ahechaukáta ndéve pe tembirekorã, pe Ovechara’y rembireko.

Apocalípsis 22:17

Pe Pytu Porãmbáva ha Ovechara’y rembireko ningo he’i: Eju. Ha pe ohendúva te’i: Eju. Ha upe ijy’uhéiva tou, ha upe oipotávape oñeme’ẽ reíta ichupe pe tekove rehegua y reiete, te’i avei: Eju.

Apocalípsis 22:19

ha oimeraẽ oipe’áva ñe’ẽ ko kuatiañe’ẽgui Ñanderuete oipe’áta avei héra pe tekovete kuatiañe’ẽgui ha pe távagui oñemboykéva Ñanderuetépe g̃uarã, ojehai háicha ko kuatiañe’ẽ kóvape.

Apocalípsis 3:12

Upe ombopoguýva mba’evai Che ajapóta ichugui peteĩ horcon che Ruete iglésiaguasúpe, ha araka’eve ndojepe’amo’ãi hendágui ha Che ahaíta hese Che Ruete réra ha Che Ruete táva réra, ko táva kóva ningo Jerusalen, oguejýtava yvágagui, ha hese ahaíta avei Che réra pyahu.