Apocalípsis 20:2

Ñanderuete Ñe’ẽ Porã 2015

ha ha’e ojapyhy pe tejujaguaguasúpe, pe mbói ymaitegua, pe aña, pe mba’epochy térã Satanáme, ha oñapytĩ ichupe 1.000 áño pukukue.

Referencias Cruzadas

Genesis 3:1

Ha upe mbói iñaranduve opaite ambue mymbakuéra Ñanderuete, pe Jaraitéva ojapova’ekuégui; ha péva he’i pe kuñáme: Añete piko Ñanderuete he’i peẽme: Aníke pe’útei opaite yvyra’a yvatýpe oĩva guive.

Genesis 3:15

Ha oikóta ñorãirõme kuña ha iñemoñare ha ne ñemoñare apytépe; ha’ekuéra omongu’íta ne akã ha nde reisu’úta ichupekuéra ipytápe.

Job 1:7

Ha Ñanderuete he’i Satanáme: Mamóguipa reju. Ha Satana ombohováivo Ñanderuetépe, he’i: Ajere yvy apére ha aguata aikóvo hyepýre.

Isaías 24:22

Ha oñembyaty jo’a jo’áta ichupekuéra, oñembyaty jo’a háicha cárcelpe oĩvape ha upépe oñembotýta ichupekuéra yvykua pypukúpe, ha ohasa rire heta ára ojehaviráta.

Isaías 27:1

Upe ára upévape Ñanderuete ohaviráta ikyse puku hãimbépe pe leviatan tuicha (tejujaguaguasuete nunga) ha imbaretévape, pe mbói ipya’etévape (Asíriape); ha leviatan, pe mboiguasuete okañývape (Babilóniape); Ha’e ojukáta pe tejujaguápe oikóva yguasúpe (Egíptope).

Ezequiel 47:5

Ha oha’ã jevy 510 métro, ha oikóma ichugui peteĩ ysyry nderypýva, okakuaágui pe ysyry ndaikatuvéima ahasa, ytahápemante.

Matéo 19:29

Ha oimeraẽva ohejava’ekue hóga, térã ityke’ýra, heindy, isy, ita’ýra térã ikokue che réra rayhupápe, ohupityva’erã 100 jevyve, ha oguerekóta pe tekove tapia g̃uarãva.

Matéo 8:29

Ha mokõivéva osapukái ha he’i: Mba’épa roguereko nendive, Nde Ñanderuete Ra’y. Rejúpa oremyangekõi hag̃ua og̃uahẽ mboyve ore ára.

Márcos 4:15

Umi kóga ra’ỹi ho’ava’ekue tapére ningo umi ñe’ẽ hekovépe oñeñotỹmbyre: Ohendu rire, ou Satana ha ohekýi pe ñe’ẽ hekovépe oñeñotỹmava’ekue.

Márcos 5:7

ha osapukái hatãvo he’i ichupe: Mba’épa che areko nendive, nde Hesu, pe Jára Ijyvatevéva Ra’y, ajerure asy ndéve, ani hag̃ua nde chemyangekõi.

Juan 12:31

Ko’ág̃a oñembojovakéta ko múndope ha oñemosẽta avei okápe Satana, ko múndo ruvichápe.

Juan 16:11

Ha ohechaukáta oñembojovakemaha ko múndo ruvicha, Satanáme.

Romayguakuérape 16:20

Ñanderuetémante pe ombopy’aguapýva, voiete amongu’íta Satanáme pende py guýpe. Hesu Crísto poriahuvereko toĩ pende apytépe.

hebreoyguakuerape 2:14

Ita’yrakuéra ho’o ha huguýgui, oñeme’ẽ avei Hesu Crístope to’o ha tuguy, imano rupi Ha’e ombopoguy hag̃ua Satanáme, pe ñemano jarakuépe,

1 Pédro 5:8

Peñemoakãguapy ha peñeñangarekóke, pe mba’epochy (Satana) penerãirõséva oikógui pende jerekuévo, leõ okororõvaicha, ha oheka mavapépa ho’úta.

2 Pédro 2:4

Ñanderuete noperdonaiva’ekue umi yvága rembiguaikuéra (angelkuéra) oñemohembiapo vaiva’ekuépe, oity uvei ichupekuéra pe tenda pypukuetépe (infiérnope) oñembosako’imava’ekue Satanáme g̃uarã, ha upépe Ha’e oñongatu ichupekuéra pe ñembojovakeha árape g̃uarã.

Júdas 1:6

Ha umi yvága rembiguaikuéra (angelkuéra) oiko’ỹva’ekue heko ypykuépe, ha opoi haguére heko ypykuégui Ha’e oñapytĩ ha oñongatu tapia g̃uarã pytũmbýpe (infiérnope) oñembojovake hag̃ua pe ára pahápe,

Apocalípsis 12:13

Ha pe tejujagua ohechávo oñemombo hague yvy ári omuña pe kuñáme, imembyva’ekue peteĩ mitãkuimba’épe.

Apocalípsis 12:15

Ha pe mbói opoi ijurúgui pe kuña rapykuéri peteĩ ysyry ndetuichaitévaicha, oguerosyry hag̃ua pe kuñáme,

Apocalípsis 12:17

Ipochyeterei pe tejujagua pe kuña ndive, upévare oho oñorãirõ hag̃ua ambue iñemoñare ndive, umi ojapóva Ñanderuete rembiapoukapykuéra ha ojeroviáva Hesu Crísto rehe.

Apocalípsis 12:3

Ha ojehecha ambue techaukaha ára rehe. Peteĩ tejujaguaguasu pytãva, 7 iñakã ha 10 hatĩva, ha umi 7 iñakã ári oĩ 7 akã jeguaka (coróna).

Apocalípsis 12:4

Huguáipe ombotyryry jasytata apytégui mbohapyha párte (vore) ha oity yvy ári. Ha pe tejujagua oñembo’y pe kuña imembymbotáva renondépe, ha imembývo omokõ hag̃ua imembýpe.

Apocalípsis 12:9

Ha oñemombo pe tejujaguaguasúpe yvy ape ári, oñembohéra avei pe mbói tuja, aña térã Satana ombotavýva tetãyguakuérape ha hendive oñemosẽ avei hi’angelkuéra ipytuvaikuérape.

Apocalípsis 13:2

Ha pe mymba che ahecháva ojogua peteĩ jaguarete hũme, ipo ha ipykuéra ojogua óso pykuérape, ijuru ojogua leõ jurúpe. Ha pe tejujaguaguasu (Satana) ome’ẽ ko mymba kóvape ipu’aka ha iguapyha oisãmbyhy hag̃ua.

Apocalípsis 13:4

Umi tetãyguakuéra omomba’eguasu pe tejujaguápe ome’ẽ haguére ko mymbápe pu’aka ha omomba’eguasu hikuái avei ko mymba kóvape ha he’i hikuái: Mávapa ojogua ko mymba kóvape, ha mávapa ikatu oñorãirõ hendive.

Apocalípsis 20:10

Ha Satana, pe tapia ombotavýmiva ichupekuéra, oñemombo pe lágo hendyhápe tata ha azúfre, oĩháme avei upe mymba ha proféta japu. Upépe ohasa asyetéta ára ha pyharépe ára atyguasu guive ára atyguasu peve g̃uarã (tapia g̃uarã).

Apocalípsis 20:7

Ha ohasapa rire umi 1.000 áño, ojepoíta Satanágui icárcelgui.

Apocalípsis 9:11

Umi tuku ruvicha ningo aña retã rembiguaiguasu, oñembohéra Israelgua ñe’ẽme Abadon, ha Greciaygua ñe’ẽme Apolion, he’iséva porombyaihára.