Apocalípsis 2:9

Ñanderuete Ñe’ẽ Porã 2015

Che ningo aikuaa porã ne rembiapokue, nde jehasa asy ha ne mboriahukue (ne mba’eita ramojepe) ha umi Judayguakuéra oñe’ẽvaiha nderehe, ndaha’éi ramojepe Judaygua añeteguáva, Satana iglesiaygua uvei katu.

Referencias Cruzadas

Matéo 4:10

Upérõ Hesu ombohovái ichupe: Tereho, nde Satana, Ñanderuete kuatiañe’ẽme ojehai avei: Ñandejára, Ñanderuete renondépe añoite ija reñesũ ha reñembo’évo ichupe ha ichupe añoitente rejejokuaiukava’erã, (Deuteronómio 6,13).

Lúcas 12:21

Upéicha ningo ojehu upe ombyatýva mba’eita ijupe g̃uarãnte, ha Ñanderuete ndive g̃uarã nombyatýi mba’eve.

Lúcas 22:65

Ha heta mba’evai he’i ichupe ñembohoryhápe.

Lúcas 4:18

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

Lúcas 6:20

Ha Hesu ojesaupívo hemimbo’ekuéra rehe he’i: Pevy’aite peẽ mboriahukuéra, Ñanderuete retãguasu ningo pene mba’e.

Juan 16:33

Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.

Apostolkuéra 14:22

Opárupi omokyre’ỹ hikuái hermanokuérape ha ohekombo’e ichupekuéra ojerovia mbareteve hag̃ua ohóvo, ha omombe’u porã avei ichupekuéra heta sufrimiénto (jehasa asy) rupi jaikeva’erã Ñanderuete retãguasúpe.

Apostolkuéra 26:11

Ha opaite Ñanderuete rogakuérape oĩva Jerusalénpe che ajopy vai ichupekuéra oñe’ẽvai hag̃ua Ijára Hesu Crísto rehe, ha pochyhápe apersegui ichupekuéra ambue tavakuéra peve.

Romayguakuérape 12:12

Peha’ãrõ vy’apópe ani penekangy ou ramo pe jepy’ara’ã, peropu’akakuaákena, peñembo’epeína uvei.

Romayguakuérape 2:17

Ha nde reñehenóiva Judaygua ha rejeko Moises rembiapoukapykuéra rehe, ha reñembotuicha reikuaa porãháre Ñanderuetépe,

Romayguakuérape 5:3

Ha ndaupévai año, javy’a katu jahasa asy ramojepe, jaikuaa porãgui pe jehasa asy hi’aha paciéncia,

Romayguakuérape 8:35

Mávapa térã mba’épa upéicharamo ñandepe’áne Hesu Crísto mborayhúgui: Jehasa asy, térãpa kyhyje, térãpa persecucion, térãpa ñembyahýi, térãpa opívo, térãpa pelígro, térãpa jejuka.

Romayguakuérape 9:6

Ñande ndaikatúi ja’e Ñanderuete ñe’ẽ ndoikói hague. Ndaopavavéi Israel ñemoñare, Israel añeteguáva.

2 Corintoyguakuérape 6:10

roñembyasy ramoguáicha, rovy’a tapia ramojepe; ore mboriahúvaicha ramo, roguereko heta ramojepe; ndoroguerekói ramoguáicha mba’eve, roguerekopa ramojepe.

2 Corintoyguakuérape 8:2

Ha’ekuéra ohasa asy ramojepe ha imboriahu ramojepe ohechaukase ha’ekuéra ipy’aporãha avei oporoporiahuverekoseha.

2 Corintoyguakuérape 8:9

Peẽ peikuaa porã voi Ñandejára Hesu Crísto ipy’aporã hague avei, Ha’e penderehehápe oñemomboriahuva’ekue, ha’e heta mba’e Jára ramojepe, peẽ peñemomba’e hag̃ua heta mba’eporã rehe imboriahukue rupi.

1 Tesalonicayguakuérape 3:4

Ore roime ramoguare penendive gueteri, ore voi romombe’u porã peẽme ore rohasa asytaha, ojehu haguéicha avei uperire, ha ko mba’e peikuaa porãmba voi.

1 Timotéope 1:13

Yma che añe’ẽvai ramojepe Hesu Crísto rehe, ha che apersegui ha aja’o vai ramojepe Hesu Crísto reheguávape, ahupity avei Hesu Crísto poriahuvereko, ndaikuaái ni ndajeroviaiva’ekuégui hese.

1 Timotéope 6:18

ha ojapo hag̃ua hikuái tembiapo porã, ombyaty heta peve, tomboja’o umi mba’e oguerekóva ambuekuéra ndive, toiporoporiahuvereko,

Apocalípsis 1:9

Che, Juan, che avei pene hermáno ha pene irũ umi jepy’ara’ã jahasáva Hesu Crísto ha hetãguasu rehehápe. Ko’ág̃a che aĩ préso pe ypaũ (ísla) Pátmospe, yguasu pa’ũme, ajeroviágui Hesu Crístore ha amyasãi haguére Hesu Crísto evangélio.

Apocalípsis 2:13

Che aikuaapa nde rejapóva guive ha nde róga oĩha Satana oisãmbyhyhápe, nde katu rejerovia porã cherehe ha nderepoíri chehegui ojejuka ramojepe umi árape Antípas, che rechahare heko peguáva.

Apocalípsis 2:2

Aikuaa porã ningo nde py’apýpe oĩva, ne rembiapokue ha nde paciéncia, ha aikuaa avei nde ndaikatuiha reaguanta iñañávape, ha reñeha’ãmba reikuaa porã hag̃ua umi og̃uahẽvape ne rendápe Ñanderuete remimbou añeteguápa térã gua’unteha, ha remboyke hague umi ijapúva ha ndaha’éiva Che remimbou.

Apocalípsis 2:24

Che katu ha’e peẽ ambuekuérape, peẽ peiméva Tiatírape, ha nomokõiva ko Satana mbo’epy ipypukuetéva, he’i háicha hikuái. Ndaitymo’ãi pende’ári ambue mba’e ipohýiva.

Apocalípsis 3:9

Ema’ẽ porã, Che amondóta ne rendápe Satana iglésia pegua, he’íva ijehe Israel ra’yha, ndaha’éi katu, ijapu uvei. Eikuaa porãke, Che voi amog̃uahẽta avei ichupekuéra ne rendápe ojeity hag̃ua ovapývo nde py renondépe, ha’ekuéra oikuaa hag̃ua Che rohayhu hague.

Apocalípsis 7:14

Ha che ambohovái ichupe: Che jára, nde ningo reikuaa. Ha ha’e he’i chéve: Ko’ãva ningo umi ouva’ekue upe jehasa asyguasúgui, ha’ekuéra ojohéi ha omomorotĩva’ekue ijaokuéra pe Ovechara’y ruguýpe.